«Астана Банкі» АҚ-ның топ-менеджері 160 млн. теңгеге алдап соқты

ҚР ҚМ Қаржы мониторингі комитетінің Экономикалық тергеу қызметі ҚР ӘМ «Республикалық құқықтық ақпарат орталығы» мемлекеттік кәсіпорнының шотынан 160 млн. теңге ақша қаражатын жымқыру фактісін әшкереледі.

Жасалған қылмыстың ұйымдастырушысы – «Астана Банкі» АҚ-ның басқармасы төрағасының орынбасары Е.Ж.Увалеев 2012 жылдың қазан айында Республикалық құқықтық ақпарат орталығының атынан төлем тапсырмасын қолдан жасап, ұрланған қаражатты өзіне бағынышты компанияның шотына аударған.

Аталған қылмысты 6 жыл юойы жасыруға сол банктің менеджері А.Х.Жундугулова көмектесіп келген және ай сайын Республикалық құқықтық ақпарат орталығының бухгалтериясына олардың шоты бойынша жалған мәліметтер беру арқылы мемлекеттік кәсіпорнында өзіне қатысты жасалған алаяқтық туралы білуіне мүмкіншілік болмаған. 

Тергеу барысында күдіктілер өз кінәләрін мойындап, қылмыстың салдарынан келтірілген залалды толықтай өтеді. Тергеу барысында күдікті Е.Ж.Увалеев соттың санкциясымен қамауда ұсталды.

Нұр-Сұлтан қаласының №2 Сарыарқа аудандық сотының үкімімен Е.Ж.Увалеев пен А.Х.Жундугулова кінәлі ретінде танылды және қылмыстық жауапқа тартылды.