Маңғыстау облысында заңсыз құмар ойындарды ұйымдастырудың кезекті дерегінің жолы кесілді

Агенттіктің Маңғыстау облысы бойынша аумақтық департаменті Жаңаөзен қаласында заңсыз ойын бизнесін ұйымдастырудың кезекті дерегінің жолын кесті.

Қала тұрғыны Қ.Қоштаев жеке компьютерлерді лотерея аппараттары түрінде Рахат шағын ауданы, Н.Тілендиев көшесі, 21/3 ғимарат мекенжайы бойынша орналастырған.

Тексеру барысында компьютерлер мен теледидарлар тәркіленді.

Қ.Коштаевқа 1,1 миллион теңге көлемінде айыппұл салынды.

ҚМА үй-жайларды жалға берушілердің де үй-жайды заңсыз ойындар немесе автоматтарға ұсынғаны үшін ҚР ҚК-нің 307-бабы бойынша қылмыстық жауапкершілікке тартылуы мүмкін екендігін хабарлайды.

Жалға берушілер қылмыстық жауапкершіліктен қалай құтыла алады?

1. Коммерциялық үй-жайларды жалдауға бергенде міндетті түрде жалға беру шартын жасаңыз.
2. Үй-жайды немесе коммерциялық аумақты тек заңмен рұқсат етілген қызметті жүзеге асыру үшін ғана жалға беріңіз.
3. Егер сіз үй-жайды жалға берсеңіз, ал жалға алушы онда заңсыз ойын автоматтарын қойса немесе астыртын казино ұйымдастырса – тез арада қаржылық мониторинг органдарына хабарласыңыз.

Ол үшін Агенттіктің ресми аккаунттеріне жеке хабарламада фото және мекенжайды жолдасаңыз немесе +7 (7172) 708 478 сенім телефонына хабарлассаңыз жеткілікті:

Facebook - https://www.facebook.com/afm.rk/

Instagram - https://www.instagram.com/afm_rk/

 

ҚР ҚМА Баспасөз қызметі