Қазақстан Республикасының Қаржылық мониторинг агенттігінің Регламентін бекіту туралы

 

 

Қазақстан Республикасы Президентінің 2021 жылғы 20 ақпандағы                   № 515 Жарлығымен бекітілген Қазақстан Республикасының Қаржылық мониторинг агенттігі туралы ереженің 21 - тармағының 3) тармақшасына сәйкес БҰЙЫРАМЫН:

1.                Қоса беріліп отырған Қазақстан Республикасы Қаржылық мониторинг агенттігінің (бұдан әрі - Агенттік) Регламенті бекітілсін.

2.                Стратегия және жедел басқару департаменті осы бұйрықты Агенттіктің құрылымдық бөлімшелерінің және аумақтық органдарының назарына жеткізсін.

3.                Осы бұйрықтың орындалуын бақылауды Агенттік Төрағасының жетекшілік ететін орынбасарларына және аппарат басшысына жүктелсін.

4.                Осы бұйрықты қол қойылған күнінен бастап күшіне енеді.

 

 

Төраға                                                                                     Ж. Элиманов

 

 

 

 

 

 

 

 

 

 

 

 

 

 

 

Қазақстан Республикасының Қаржылық мониторинг агенттігі Төрағасының 2021  жылғы _____ № ____ бұйрығымен бекітілген

 

 

Қазақстан Республикасы Қаржылық  мониторинг агенттігінің

регламенті

 

1-бөлім.  Жалпы ережелер

 

1. Осы регламент қаржылық мониторинг органдары
   (бұдан әрі – ҚМО) қызметінің Қазақстан Республикасының Конституциясына, Қазақстан Республикасының заңдарына, Қазақстан Республикасы Президентінің, Үкіметінің актілеріне және өзге де нормативтік құқықтық актілерге сәйкес ҚМО-ға жүктелген функцияларды орындау процесіндегі жалпы қағидаларын белгілейді.
2. ҚМО қызметі Қазақстан Республикасының азаматтардың құқықтары мен бостандықтарын қорғау туралы, мемлекеттік және заңмен қорғалатын өзге де құпия туралы заңнамаларының талаптарына қайшы келмейтіндей шамада жариялылық жағдайында жүзеге асырылады.
3. Құпия емес іс қағаздарын ұйымдастыру мен жүргізу, хат-хабарларды қабылдау, өңдеу және тарату, оның ішінде электрондық құжат айналымын жүргізу «Жеке және заңды тұлғалардың өтініштерін қарау тәртібі туралы»  2007 жылғы 12 қаңтардағы, «Электрондық құжат және электрондық цифрлық қолтаңба туралы» 2003 жылғы 7 қаңтардағы,  «Әкімшілік рәсімдер туралы»                   2000 жылғы 27 қарашадағы,  «Қазақстан Республикасындағы тiл туралы»                      1997 жылғы 11 шiлдедегі Қазақстан Республикасы заңдарының талаптарына, Қазақстан Республикасы Үкіметінің 2018 жылғы 31 қазандағы
   № 703 қаулысымен бекітілген Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларына (бұдан әрі – Құжаттама жасау қағидалары), Қазақстан Республикасы Бас прокурорының 2014 жылғы
   19 қыркүйектегі  № 89 бұйрығымен бекітілген  Қылмыстық құқық бұзушылықтар туралы арызды, хабарды немесе баянатты қабылдау және тіркеу, сондай-ақ Сотқа дейінгі тергеп-тексерулердің бірыңғай тізілімін жүргізу қағидаларына (бұдан әрі –  СДТБТ), Қазақстан Республикасының өзге де нормативтік құқықтық актілеріне және осы Регламентке сәйкес жүзеге асырылады.

 «Қызмет бабында пайдалану үшін» деген белгісі бар қызметтік ақпаратты (бұдан әрі – ҚБПҮ) қамтитын таратылуы шектелген құжаттарды дайындау, олармен танысу және өткізу Қазақстан Республикасы Үкіметінің 2015 жылғы               31 желтоқсандағы № 1196 қаулысымен бекітілген Мәліметтерді таратылуы шектелген қызметтік ақпаратқа жатқызу және онымен жұмыс істеу қағидаларына сәйкес жүзеге асырылады.

«ҚБПҮ» деген белгісі бар  қызметтік хат-хабармен жұмыс істеу кезінде жоғарыда көрсетілген Қағидаларда белгіленген таратылуы шектелген   ақпаратты қорғау жөніндегі арнайы талаптар сақталады.

Құпия іс қағаздарын ұйымдастыру және жүргізу «Мемлекеттік құпиялар туралы» 1999 жылғы 15 наурыздағы Қазақстан Республикасының Заңына,  Қазақстан Республикасы Үкіметінің 2000 жылғы 14 наурыздағы № 390-16с қаулысымен бекітілген Қазақстан Республикасында құпиялылық режимін қамтамасыз ету жөніндегі нұсқаулыққа (бұдан әрі – Құпиялылық режимін қамтамасыз ету жөніндегі нұсқаулық) және  құпия іс қағаздары мәселелерін регламенттейтін өзге де нормативтік құқықтық актілерге  сәйкес жүзеге асырылады.  

4. ҚМО қызметі және олардың өзара іс-қимылы Қазақстан Республикасының Қаржылық мониторинг агенттігі (бұдан әрі – Агенттік) туралы ережеге, Агенттіктің облыстар, республикалық маңызы бар қалалар және астана бойынша Экономикалық тергеп-тексеру департаменттері
   (бұдан әрі – ЭТД) және Агенттіктің құрылымдық бөлімшелері туралы ережелерге және осы Регламентке сәйкес жүзеге асырылады.

 

                             

2-бөлім. Жұмысты жоспарлау

 

5. ҚМО өз қызметін Қазақстан Республикасының стратегиялық және бағдарламалық құжаттарына, Агенттіктің даму жоспарына, жыл сайынғы операциялық жоспарына және ҚМО жұмыс жоспарларына сәйкес жүзеге асырады.
6. Агенттіктің даму жоспары әрбір үш жыл сайын бесжылдық кезеңге әзірленеді және Қазақстан Республикасының Бюджет кодексінде
   (бұдан әрі – Бюджет кодексі), Қазақстан Республикасы Үкіметінің 2017 жылғы 29 қарашадағы № 790 қаулысымен бекітілген Қазақстан Республикасындағы мемлекеттік жоспарлау жүйесінде белгіленген тәртіпте Агенттік Төрағасының (бұдан әрі – Төраға) бұйрығымен бекітіледі.

          Даму жоспарының жобасын Агенттіктің Стратегия және жедел басқару департаменті (бұдан әрі – СЖБД) Агенттіктің құрылымдық бөлімшелерімен бірлесіп әзірлейді және Төрағаның бірінші орынбасарымен, Төрағаның орынбасарларымен және Агенттіктің Аппарат басшысымен келісіледі.

7. Даму жоспарының іске асырылуын мониторингтеуді есепті жылдың қорытындысы бойынша жылына бір рет операциялық жоспардың іске асырылу барысын талдау негізінде СЖБД жүзеге асырады.
8. Даму жоспары іс-шараларының орындалуын бақылау мақсатында СЖБД Агенттіктің құрылымдық бөлімшелері мен ЭТД басшыларының қатысуымен кеңес өткізуге бастамашылық етеді және өткізеді.

          СЖБД Даму жоспарының іске асырылуы туралы есепті дайындауды және Төрағаның бірінші орынбасарымен, Төрағаның орынбасарларымен және Агенттік Аппаратының басшысымен келісуді қамтамасыз етеді және оны кейіннен интернет-ресурсқа орналастыру үшін Төрағаның қол қоюымен (құпия сипаттағы және таратылуы шектелген ақпаратты қоспағанда) Бұқаралық ақпарат құралдарымен жұмыс басқармасына  (бұдан әрі – БАҚБ) есепті жылдан кейінгі жылдың 15 (он бесінші) ақпанынан кешіктірмей береді.

9. Даму жоспарын іске асыру үшін СЖБД жыл сайын Агенттіктің құрылымдық бөлімшелерімен және ЭТД-мен бірлесіп, ағымдағы қаржы жылындағы ресурстар, жауапты орындаушылар және Даму жоспарының мақсаттары мен нысаналы индикаторларына қол жеткізу жөніндегі іс-шараларды жүзеге асыру мерзімдері, сондай-ақ Агенттік туралы ережеде айқындалған өзге де міндеттер бойынша байланыстырылған ҚМО-ның нақты іс-қимылдарын қамтитын операциялық жоспарды әзірлейді.

         Операциялық жоспардың жобасы Төрағаның бірінші орынбасарымен, Төрағаның орынбасарларымен және Агенттіктің Аппарат басшысымен келісіледі.

         СЖБД Агенттіктің Даму жоспарына қол қойылған күннен бастап 10 (он) күнтізбелік күн ішінде Төрағаның операциялық жоспарды бекітуін қамтамасыз етеді және оны Агенттіктің интернет-ресурсына орналастыру үшін БАҚБ-ға береді.

         10.     Операциялық жоспардың орындалуына жауапты Агенттіктің құрылымдық бөлімшелері мен ЭТД-лары тоқсан сайын есепті кезеңнен кейінгі айдың 10-күнінен кешіктірмей Агенттік Төрағасының жетекшілік ететін орынбасарларымен, Аппарат басшысымен келісілген операциялық жоспардың іске асырылу барысы туралы ақпаратты СЖБД-ға ұсынады.

          СЖБД ұсынылған ақпарат негізінде операциялық жоспардың іске асырылуы туралы есеп дайындайды, оны Агенттіктің Аппарат басшысымен келіседі және Төрағаға есепті кезеңнен кейінгі айдың 15 (он бесінші) күніне дейінгі мерзімде ұсынады.

           Операциялық жоспардың іске асырылуын бақылауды СЖБД және Агенттіктің Ішкі аудит қызметі (бұдан әрі – ІАҚ) жүзеге асырады.

11. Агенттіктің ағымдағы жылға арналған жұмыс жоспары
    (бұдан әрі – Жоспар)  операциялық жоспарда көзделген іс-шаралар, Агенттік Төрағасының жетекшілік ететін бағыттар бойынша орынбасарларымен келісілген Агенттіктің құрылымдық бөлімшелерінің ұсыныстары негізінде әзірленеді және Агенттіктің Төрағасы операциялық жоспарға қол қойылған күнінен бастап күнтізбелік 10 (он) күннен кешіктірмей, осы Регламентке
    1-қосымшаға сәйкес үлгі бойынша бекітеді.

         Жоспарлы іс-шараларды орындау белгіленген мерзімде аяқталады.

        Жоспарлы іс-шараларды іске асыру туралы материалдарды жауапты бөлімшелер жоспарларда көзделген мерзімдерде дайындайды және міндеттердің бөлінуіне сәйкес Төрағаның жетекшілік ететін орынбасарларымен немесе Агенттіктің Аппарат басшысымен келісілуі тиіс, одан кейін Төрағаға жіберіледі.

Агенттіктің Төрағаға тікелей бағынатын құрылымдық бөлімшелері жоспарлы іс-шараның орындалу нәтижесі туралы Төрағаға баяндайды.

12. Төрағаның жетекшілік ететін орынбасарымен, Агенттіктің Аппарат басшысымен келісілген, белгіленген мерзім өткенге дейін 5 (бес) жұмыс күнінен кешіктірілмей Төрағаға енгізілген Агенттіктің құрылымдық бөлімшесі басшысының қызметтік жазбасының негізінде Төраға (не оның міндетін атқаратын адам) Агенттіктің жұмыс жоспарларына жоспарлы іс-шараның орындалу мерзімдерін өзгерту, өзге де түзетулер (орындаусыз бақылаудан алу, объектіні, субъектіні немесе тексеру мәнін өзгерту) туралы шешім қабылдайды.

Агенттіктің Аппарат басшысы Агенттіктің құрылымдық бөлімшелері басшыларының қатысуымен орындаушылық тәртіптің жай-күйін, оның ішінде жоспарлы іс-шаралардың орындалуын талқылау жөнінде кеңестер ұйымдастырады.

Жоспар іс-шараларының уақтылы және сапалы орындалуына Агенттіктің құрылымдық бөлімшелерінің басшылары мен Агенттік Төрағасының жетекшілік ететін бағыттар бойынша орынбасарлары жауапты болады.

  Жоспарлы іс-шаралардың уақтылы және сапалы орындалуына жалпы бақылауды СЖБД жүзеге асырады.

СЖБД тоқсан сайын есепті кезеңнен кейінгі айдың 10 (оныншы) күнінен кешіктірмей Агенттіктің құрылымдық бөлімшелері ұсынған есептер негізінде Агенттіктің Төрағасын Жоспардың іске асырылу барысы және орындалу дәрежесі туралы хабардар етеді.

          Агенттіктің ЭТД-ларының жұмыс жоспарлары өңірлік ерекшеліктер мен Агенттік басшылығының тоқсанға арналған тапсырмалары ескеріле отырып, Агенттіктің жұмыс жоспарлары негізінде жасалады.

Агенттіктің ЭТД-ларының жұмыс жоспарларын қалыптастыру тәртібі, олардың уақтылы және сапалы орындалуын бақылау осы бөлімге ұқсас жүзеге асырылады.

 

 

3-бөлім. Агенттік Төрағасының қатысуымен өткізілетін кеңестерді жоспарлау, дайындау, өткізу және қорытындысын ресімдеу тәртібі 

 

13. Агенттік Төрағасының қатысуымен кеңестер алқалар нысанында (ЭТД басшыларының қатысуымен кеңейтілген кеңестер форматында), аппараттық және жедел кеңестер, оның ішінде бейнеконференцбайланыс режимінде өткізіледі.

           Бейнеконференцбайланысты техникалық сүйемелдеу Агенттіктің
ЭТД -мен бірлесіп Цифрландыру департаментіне (бұдан әрі – ЦД) жүктеледі.

          ЦД-ны бейнеконференцбайланыс режимінде жоспардан тыс және шұғыл кеңестер өткізу туралы оларды ұйымдастыруға жауаптылар бейнеконференция басталғанға дейін 3 (үш) сағаттан кешіктірмей хабардар етеді.

14. Агенттіктің құрылымдық бөлімшелері мен ЭТД, алқаларда, аппараттық, жедел және өзге де кеңестерде тапсырмалар берілген лауазымды адамдар қол қойылған хаттаманың оларға түсуін күтпей, кеңестен кейін бірден тапсырмаларды орындауға кіріседі.

 

3.1. Алқалар қорытындысын жоспарлау, дайындау, өткізу және ресімдеу тәртібі

 

15. Агенттік алқасы Агенттік Төрағасының жанындағы консультативтік-кеңесші орган болады, оның шешімдері Агенттік пен ЭТД-ның қызметкерлері мен жұмыскерлері үшін міндетті.

           Алқалар Агенттіктің ЭТД қызметін үйлестіру мақсатында, сондай-ақ Агенттік қызметінің негізгі мәселелері бойынша жедел шаралар қабылдау үшін өткізіледі.

          Алқаларда Мемлекет басшысының, Қазақстан Республикасы Президенті Әкімшілігінің, Қазақстан Республикасы Үкіметінің актілері мен тапсырмаларын орындау мәселелері, сондай-ақ Агенттік қызметінің жұмыс тиімділігін арттыруға және жетілдіруге бағытталған аса маңызды мәселелері, жақын перспективаға арналған міндеттер қаралады, Агенттіктің құрылымдық бөлімшелері мен ЭТД басшыларының есептері тыңдалады.

         Алқа Төраға мен мүшелерден тұрады. Алқа мүшелерін тағайындау және алқа құрамындағы өзгерістер туралы бұйрықты СЖБД әзірлейді және Агенттіктің Төрағасы бекітеді.

         Егер алқа отырысына Агенттіктің Төрағасы не оны алмастыратын адам және оның мүшелерінің кемінде 50%-ы қатысса, ол заңды деп есептеледі.

16. Алқа осы Регламентке 2-қосымшаға сәйкес үлгі бойынша Агенттік Төрағасы бекітетін Жоспар-кестеге сәйкес тоқсанына кемінде 1 (бір) рет өткізіледі.

Қажет болған жағдайда көшпелі және кезектен тыс алқалар, оның ішінде бейнеконференцбайланыс арқылы өткізілуі мүмкін.

Жоспар-кестеге енгізу үшін ұсыныстарды Агенттіктің құрылымдық бөлімшелері СЖБД-ға және тиісті жылдың 15 қаңтарынан кешіктірмей ұсынады.

17. Алқаларды ұйымдастыруды, оның ішінде қатысушыларды хабардар етуді СЖБД жүзеге асырады.
18. Алқаға шығарылған мәселелерді қарау құзыретіне кіретін Агенттіктің құрылымдық бөлімшелері алқа өткізілетін күнге дейін 7 (жеті) жұмыс күнінен кешіктірмей СЖБД-ға мынадай материалдарды:      

          осы Регламентке 3-қосымшаға сәйкес үлгі бойынша алқа хаттамасының жобасын;

          осы Регламентке 4-қосымшаға сәйкес үлгі бойынша ақпараттық анықтаманы;

      сөз сөйлеушілердің баяндамаларының мәтіндері және таныстыру материалдарын;  

      осы Регламентке 5-қосымшаға сәйкес үлгі бойынша алқа бағдарламасының жобасын (жүргізу тәртібі);

      алқада сөз сөйлейтін адамдардың тізімін;

       осы Регламентке 6-қосымшаға сәйкес үлгі бойынша алқаға шақырылған адамдардың тегі, аты, әкесінің аты (бар болса)    
(бұдан әрі   –   Т.А.Ә.), атқаратын лауазымы көрсетілген тізімді;

       алқа хаттамасын тарату тізімін;

       өзге де ақпараттық және талдамалық материалдарды ұсынады .

  Ұсынылатын материалдардың дұрыстығына, олардың дайындалу сапасына және уақтылы ұсынылуына алқаның қарауына шығарылатын мәселелерді дайындауға жауапты Агенттіктің құрылымдық бөлімшелерінің басшылары дербес жауапты болады.  

  Көрсетілген талаптар Агенттік Төрағасының төрағалық етуімен өткізілетін аппараттық, жедел және өзге де кеңестердің материалдарын дайындауға да қолданылады.

19. Алқа күн тәртібінің жобасын СЖБД дайындайды.

Алқа материалдары, сондай-ақ күн тәртібінің жобасы Агенттік Төрағасына алқа өткізілетін күнге дейін 3 (үш) жұмыс күнінен кешіктірілмей беріледі.

20. Сауалды дайындаған бөлімше өткізілген талқылауды ескере отырып, алқа өткізілген күннен бастап 1 (бір) жұмыс күні ішінде алқаның хаттамасын және басқа да материалдарын пысықтайды және Агенттік Төрағасының жетекшілік ететін орынбасарларымен келіскеннен кейін, оларды СЖБД-ға береді.
21. Алқа отырысы хаттамасының жобасы Төрағаның бірінші орынбасарымен және орынбасарларымен, Агенттіктің Аппарат басшысымен келісілгеннен кейін мемлекеттік және орыс тілдерінде алқа отырысы өткізілген күннен бастап 3 (үш) жұмыс күнінен кешіктірілмей Төрағаға қол қоюға ұсынылады.

          Құзыретіне алқа отырысында берілген тапсырмаларды іске асыру жататын Агенттіктің құрылымдық бөлімшелері мен ЭТД алқаның хаттамалық шешімін алуды күтпестен, оларды орындауға кіріседі.

          Қол қойылғаннан кейін хаттама тіркеу және бақылауға қою үшін дереу СЖБД-ға жіберіледі, сондай-ақ лауазымды адамдар мен орындаушы бөлімшелерге танысу және орындау үшін жіберіледі.

          Хаттамалар мен алқа материалдарының түпнұсқалары жеке іске қалыптастырылады және СЖБД-да сақталады.

22. Алқаның қорытындысы туралы ақпарат алқа өткізген күннен бастап 1 (бір) жұмыс күнінен кешіктірілмей Агенттіктің ресми интернет-ресурсына орналастырылады.

 

3.2. Аппараттық кеңестерді жоспарлау, дайындау, өткізу және олардың қорытындысын ресімдеу тәртібі

 

23. Аппараттық кеңестер апта сайын жүргізіледі.

          Аппараттық кеңестерде Агенттіктің ағымдағы қызметін іске асыруды жедел бақылауды және мониторингілеуді талап ететін мәселелер, еңбек және орындаушылық тәртіп мәселелері, Агенттіктің құрылымдық бөлімшелері басшыларының және ЭТД есептері, оның ішінде алдыңғы аппараттық кеңестерде берілген тапсырмаларды орындау бойынша есептер, сондай-ақ өзге де мәселелер қаралады. Кеңестерге қатысушылардың құрамын Төраға айқындайды.

24. Аппараттық кеңестерді ұйымдастыру, оның ішінде күн тәртібін қалыптастыру, қатысушыларды хабардар ету және аппараттық кеңестің хаттамасын ресімдеу СЖБД-ға жүктеледі.

         Аппараттық кеңестерде қарауға жоспарланатын мәселелердің тізбесін Агенттіктің құрылымдық бөлімшелерінің ұсыныстарын ескере отырып, ай сайын СЖБД қалыптастырады және осы Регламентке 2-қосымшаға сәйкес үлгі бойынша жоспарланатын кезеңнің алдындағы айдың 30 (отызыншы) күнінен кешіктірілмей Агенттік Төрағасына бекітуге енгізіледі.

25. Агенттіктің құрылымдық бөлімшелерінің басшылары (жауапты орындаушылар) аппараттық кеңес өткізілгенге дейін 3 (күн) жұмыс күнінен кешіктірмей осы Регламенттің 19-тармағының талаптарын сақтай отырып, СЖБД-ға ақпараттық анықтаманы, сөз сөйлеушілердің баяндамаларының мәтіндерін, презентациялық және өзге де ақпараттық және талдау материалдарын ұсынады.

          Агенттіктің құрылымдық бөлімшелерінің басшылары СЖБД-ның сұрау салуы бойынша белгілі бір кезеңде атқарылған жұмыс туралы ақпаратты және кеңесті сапалы өткізу үшін басқа да материалдарды ұсынады.

26. Аппараттық кеңес хаттамасының жобасы кеңестен кейін 2 (екі) жұмыс күнінен кешіктірілмей Агенттіктің Төрағасы қол қою үшін СЖБД-ға беріледі.

          Тіркелгеннен және бақылауға қойылғаннан кейін хаттама лауазымды адамдарға және орындаушы бөлімшелерге орындау үшін дереу жіберіледі.                

           Хаттамалардың түпнұсқалары мен аппараттық кеңестердің материалдары жеке іске қалыптастырылады және СЖБД-да сақталады.

 

3.3. Жедел кеңестерді жоспарлау, дайындау, өткізу және олардың қорытындысын ресімдеу тәртібі

 

27. Агенттік басшылығы немесе құрылымдық бөлімшелер бастамашылық жасаған өзге де мәселелер бойынша қажеттілігіне қарай жедел кеңестер өткізіледі.

         Материалдарды дайындауды және жедел кеңесті ұйымдастыруды Агенттіктің мәселені қарауға бастамашылық жасаған не Агенттіктің Төрағасы айқындаған құрылымдық бөлімшесі жүзеге асырады.

         Жедел кеңеске бастамашы құрылымдық бөлімше кеңеске дайындық шеңберінде Агенттік Төрағасының қарауына: жедел кеңес хаттамасының жобасын, ақпараттық анықтаманы, сөз сөйлеушілердің баяндамаларының мәтіндерін, сөз сөйлеушілер мен кеңеске шақырылған адамдардың тізімін, жүргізу тәртібін және өзге де ақпараттық, таныстыру және талдау материалдарын кеңес өткізілетін күнге дейін 2 (екі) жұмыс күнінен кешіктірмей осы Регламенттің 19-тармағының талаптарын сақтай отырып енгізеді.

         Жедел кеңестер Төрағаның төрағалық етуімен өткізіледі. Кеңестер Төрағаның тапсырмасы бойынша оның орынбасарларының бірінің, Агенттіктің Аппарат басшысының не Агенттіктің құрылымдық бөлімшесі басшысының төрағалық етуімен олардың құзыреті шеңберінде өткізілуі мүмкін.

         Кеңестерге Төрағаның бірінші орынбасары, Төрағаның орынбасарлары, Агенттіктің Аппарат басшысы немесе Төрағаның келісуі бойынша Агенттіктің құрылымдық бөлімшелерінің басшылары бастамашы бола алады.

        Қажет болған кезде Агенттіктің ЭТД-ларымен кеңестер бейнеконференцбайланыс арқылы өткізіледі.

28. Бастамашы құрылымдық бөлімше болған талқылауды ескере отырып пысықтаған және Агенттіктің мүдделі құрылымдық бөлімшелерімен және Агенттік Төрағасының жетекшілік ететін орынбасарымен келісілген мемлекеттік және орыс тілдеріндегі жедел кеңес хаттамасының жобасы кеңес өткізілген күннен бастап 2 (екі) жұмыс күні ішінде Агенттік Төрағасына қол қоюға ұсынылады.

           Қол қойылғаннан кейін хаттама тіркеу және бақылауға қою үшін
СЖБД-ға дереу жіберіледі және лауазымды адамдар мен орындаушы бөлімшелерге танысу және орындау үшін жіберіледі.

           Жедел кеңестер хаттамаларының түпнұсқалары мен материалдары жеке іске қалыптастырылады және СЖБД-да сақталады.

29. Аппараттық және жедел кеңестерде берілген тапсырмалар хаттамада белгіленген мерзімдерде орындалуы тиіс.

            Егер тапсырманы орындау мерзімі белгіленбесе, онда тапсырмалар бір ай мерзімінде орындалуы тиіс. Ай сайынғы және тоқсан сайынғы тапсырмалар есепті жылдың соңына дейін орындалуы тиіс.

            Төрағаның немесе оның міндетін атқарушы адамның төрағалық етуімен хаттамалық шешімдердің уақтылы және сапалы орындалуына жалпы бақылауды СЖБД жүзеге асырады.

30. Аппараттық және жедел кеңестерде берілген тапсырмалардың орындалуы туралы ақпарат Төрағаның жетекшілік ететін орынбасарларына, Агенттіктің Аппарат басшысына хаттамада белгіленген мерзімге дейін кемінде 3 (үш) жұмыс күні бұрын, ал орындау мерзімі 3 (үш) жұмыс күніне дейінгі тапсырмалар бойынша кемінде 1 (бір) жұмыс күні бұрын келісуге енгізіледі.

               Агенттіктің Төрағаға тікелей бағынатын құрылымдық бөлімшелері тапсырмалардың орындалуы туралы ақпаратты хаттамада белгіленген мерзімде енгізеді.

31. Хаттамалық шешімдердің сапалы және уақтылы орындалуына жауаптылық орындаушыға, Агенттіктің құрылымдық бөлімшелерінің басшыларына және лауазымды тұлғаға (жетекшілік ететін бағыттарына сәйкес Төрағаның бірінші орынбасарына, Төрағаның орынбасарына немесе Агенттіктің Аппарат басшысына) жүктеледі.

 

4-бөлім.  Төрағаның баяндамаларын (сөз сөйлеулерін) және    

Агенттіктің құзыретіне жататын мәселелер бойынша өзге мемлекеттік органдардағы кеңестерге материалдарды  дайындау тәртібі

 

32. Өзге мемлекеттік органдардағы кеңестерге/отырыстарға  Агенттік баяндамашы болатын мәселелер бойынша материалдарды қаралатын мәселе құзыретіне кіретін не Төраға (Агенттік Төрағасының орынбасары) айқындаған құрылымдық бөлімше отырысқа дейін 7 (жеті) жұмыс күнінен кешіктірмей немесе басшылық белгілеген өзге де мерзімдерде ұсынады.

Материалдар мыналарды:

          хаттамалық шешімнің жобасын, көлемі 5 (бес) беттен аспайтын анықтамаларды (қосымшаларды есепке алмағанда), салыстырма кестелерді, Microsoft PowerPoint форматындағы презентацияларды (көлемі он мегабайттан аспайтын және қаріп мөлшері 20-дан кем емес, көрнекі ақпаратты көрсету форматына сәйкес келетін түрлі-түсті слайдтар 16:9), ақпараттық (талдау) баяндамаларды (ұзақтығы 7-10 минуттан аспайды), болжанатын сұрақтарға жауаптардың жобаларын, қатысушылар тізімін және кеңесте қаралатын мәселелер бойынша мемлекеттік  және орыс тілдеріндегі басқа да материалдарды қамтуы тиіс.

         Агенттіктің құзыретіне жататын мәселелер бойынша өзге мемлекеттік органдардағы кеңестерге/отырыстарға материалдарды қаралатын мәселе құзыретіне кіретін не Төраға (Агенттік Төрағасының орынбасары) айқындаған құрылымдық бөлімше кеңеске дейін 3 (үш) жұмыс күні бұрын немесе басшылық белгілеген өзге де мерзімдерде ұсынады.

Материалдар мыналарды:

кеңес/отырыс материалдарын;

          қаралатын мәселе бойынша анықтамаларды, онда нақты, дәйекті және қысқаша, оның ішінде Агенттіктің мәселе бойынша ұстанымы негіздемесімен баяндалады, проблемалық мәселелерді, оларды шешу жолдарын, негізделген, өзге де қатысты мемлекеттік органдармен келісілген ұсыныстарды, болжанатын сұрақтарға жауап жобаларын қамтуы тиіс. Анықтаманың көлемі (қосымшаларды есепке алмағанда) 3 (үш) беттен, ал ірі мәселелер бойынша 5 (бес) беттен аспауы тиіс.

           Қаралатын мәселелер бойынша Қазақстан Республикасы Президентінің, Үкіметінің тапсырмалары болған жағдайда, олардың іске асырылу барысы туралы тиісті ақпарат слайдтар мен анықтамаларда көрсетіледі.          

33. Кеңестер/отырыстар шұғыл тәртіпте өткізілген жағдайда, орындаушылардың материалдарды дайындауы шұғыл тәртіпте жүзеге асырылады және Агенттік Төрағасына кеңес/отырыс өткізілгенге дейін 3 (үш) сағаттан кешіктірілмей ұсынылады.

           Жауапты орындаушылар дайындаған және Агенттік Төрағасының жетекшілік ететін орынбасарлары виза қойған материалдар Агенттік басшылығына дербес ұсынады.

           Материалдардың дайындалу сапасына және уақтылы ұсынылуына оларды дайындауға жауапты Агенттіктің құрылымдық бөлімшелерінің басшылары дербес жауапты болады.

34. Материалдарды дайындау бойынша жұмысты үйлестіру Агенттік Төрағасының жетекшілік ететін бағыттар бойынша орынбасарларына жүктеледі.

             Кеңестен/отырыстан кейін материалдарды Агенттік Төрағасының көмекшісі істі жүйелеу және қалыптастыру үшін СЖБД-ға береді.

 

5-бөлім. Агенттіктің құрылымдық бөлімшелерінің

 жұмысын ұйымдастыру

 

35. Агенттіктің құрылымдық бөлімшелерінің жұмысын ұйымдастыруды тікелей олардың басшылары қамтамасыз етеді.
36. Агенттік туралы ережені Құқықтық қамтамасыз ету департаменті (бұдан әрі – ҚҚД) әзірлейді.

           Агенттіктің құрылымдық бөлімшелері туралы олардың міндеттерін, функцияларын айқындайтын ережелерді (бұдан әрі – Ережелер), сондай-ақ олардың басшылары мен қызметкерлерінің (жұмыскерлерінің) лауазымдық өкілеттіктерін айқындайтын лауазымдық нұсқаулықтарды Үкіметтің
2011 жылғы 30 қыркүйектегі № 1125 қаулысымен бекітілген Мемлекеттік органның құрылымдық бөлімшесі туралы ережені әзірлеу және бекіту жөніндегі қағидаларға сәйкес Агенттіктің құрылымдық бөлімшелері әзірлейді.

          Агенттіктің құрылымдық бөлімшелері ережелерінің жобалары заң техникасын сақтау тұрғысынан ҚҚД-мен алдын ала келісіледі.

37. Агенттік бөлімшелерінің ережелерін және лауазымдық нұсқаулықтарын әзірлеу мен бекіту бойынша жалпы үйлестіруді Агенттіктің Кадр жұмысы департаменті (бұдан әрі – КЖД) қамтамасыз етеді.
38. ІАҚ жұмысын ұйымдастыру мемлекеттік аудит туралы заңда айқындалған тәртіпте жүзеге асырылады.
39. КЖД Агенттіктің қызметкерлерін (жұмыскерлерін), оның ішінде жаңадан қабылданғандарды Қазақстан Республикасы мемлекеттік қызметшілерінің әдеп кодексімен (Мемлекеттік қызметшілердің қызметтік әдеп қағидалары), сыбайлас жемқорлыққа қарсы шектеулермен, осы Регламентпен және Агенттіктің жұмысын ұйымдастыруды регламенттейтін басқа да құжаттармен (оның ішінде лауазымдық нұсқаулықтармен) таныстырады, қол қойғызады.

          Агенттіктің құрылымдық бөлімшелерінің басшылары жаңадан тағайындалған қызметкерлердің есепке алу жазбаларының уақтылы ашылуын және олардың электрондық цифрлық қолтаңбаны (бұдан әрі – ЭЦҚ) (қажет болған жағдайда) алуын бақылайды.

 

6-бөлім. Агенттіктің ЭТД-мен өзара іс-қимылы

 

40. Агенттіктің ЭТД қызметіне жалпы басшылықты және үйлестіруді Агенттік жүзеге асырады, Қазақстан Республикасының стратегиялық құжаттарына, ережелеріне және осы Регламентке сәйкес олардың қызметінің негізгі бағыттарын айқындайды.

ЭТД жұмысын үйлестіру мақсатында Агенттіктің құрылымдық бөлімшелері тоқсан сайын жетекшілік ететін бағыттар бойынша қызметтің негізгі көрсеткіштерін жинақтайды және талдайды.

41. Агенттіктің тергеу бөлімшелері жеке және заңды тұлғалардың қаралудағы өтініштерін қарау шеңберінде қажет болған жағдайда қылмыстық істер материалдарын талап етеді.

Агенттіктің ЭТД-ға нұсқаулары мен тапсырмалары Төрағаның не оның міндетін атқарушы адамның (ЭТД қызметін жалпы үйлестіру мәселелері бойынша), Төрағаның бірінші орынбасарының, Төраға орынбасарларының, Аппарат басшысының, сондай-ақ Агенттік Төрағасының келісуі бойынша өз құзыреті шегінде Жеке қауіпсіздік департаменті (бұдан әрі – ЖҚД) басшысының қолы қойылып жіберіледі.

Агенттіктің ЭТД-ға мессенджерлер арқылы тапсырмалар жіберуіне жол берілмейді.

Агенттіктің ЭТД-ға жедел-қызметтік сипаттағы ақпаратты, іс жүргізудегі жеке және заңды тұлғалардың өтініштері бойынша ақпаратты, сондай-ақ жеке және заңды тұлғалардың өтініштерін қарау туралы тапсырманы ұсыну туралы сұрау салуларына Агенттіктің құрылымдық бөлімшелерінің басшылары құзыреті шегінде қол қояды.

Агенттіктің құрылымдық бөлімшесіне тікелей жолданған Агенттіктің ЭТД сұрау салуларына жауаптарға осы құрылымдық бөлімшенің басшысы қол қояды.

          Нақты тапсырма мен тапсырманың орындалуын бақылауды осы міндетке не тапсырмаға бастама жасаған бөлімше жүзеге асырады.

42. Агенттіктің ЭТД бірінші басшыларының, оның ішінде демалыс және мереке күндері, жетекшілік ететін аумақтан тыс жерлерге шығуы баянаттар (өтініштер) негізінде Агенттік Төрағасының шешімі бойынша ғана жүзеге асырылады.
43. Агенттіктің ЭТД-ға шығуы Агенттіктің ЭТД жұмысын ұйымдастыруда практикалық және әдістемелік көмек көрсету немесе тексеру, оң тәжірибені зерделеу және енгізу, өтініштерді қарау, жедел-тергеу және
    ұйымдастыру-практикалық (конференциялар, кездесулер, семинарлар)
    іс-шаралар өткізу мақсатында, сондай-ақ басқа мемлекеттік органдармен бірлескен тексерулер жоспарларын іске асыру кезінде Агенттік басшылығы бекіткен жоспар-тапсырмаға сәйкес жүзеге асырылады.
44. Агенттік Төрағасы өз бастамасы бойынша не Агенттік Төрағасы орынбасарларының ұсыныстары негізінде төтенше жағдайларға байланысты шағымдарды тексеру, өзге де мәселелерді шешу үшін жергілікті жерлерге жоспардан тыс тәртіппен қызметтік тергеп-тексеру жүргізу, сотқа дейінгі тергеп-тексеруді жүзеге асыру, жедел-іздестіру және ұйымдастыру-бақылау іс-шараларын жүргізу үшін СЖБД қызметкерлерін жібереді.
45. Агенттік Төрағасының нұсқауы бойынша Агенттік ЭТД басшысы қызметке кіріскен күннен бастап 6 (алты) ай өткен соң не бұрын бөлімше жұмысында елеулі кемшіліктер туралы мәліметтер болған кезде инспекторлық тексерулер тағайындалады.
46. Инспекторлық тексерулерді СЖБД ұйымдастырады және жүргізеді.

Инспекторлық топтың құрамына Агенттіктің басқа бөлімшелерінің және ЭТД қызметкерлері (жұмыскерлері) енгізілуі мүмкін. Топты Агенттік өкілдері басқарады.

Инспекторлық тексерулер жүргізу үшін шығу ұзақтығы жолда болған уақытты есепке алмағанда, 10 (он) жұмыс күнінен аспауы тиіс.

47. Инспекторлық тексерулер жүргізу үшін Агенттіктің ЭТД-ға шығуға дайындықтың алдын ала кезеңінде топ қатысушылары міндетті түрде Агенттіктегі тексерілетін өңірдегі жедел-қызметтік іс-әрекеттің жай-күйін, басшылық тапсырмаларының орындалуын, алдыңғы тексерулердің нәтижесін және олар бойынша қабылданған шешімдерді сипаттайтын статистикалық және талдау материалдарын талдайды, шығу мақсаттарына сәйкес жұмыстың негізгі бағыттарын айқындайды, жоспар-тапсырма жасайды.

           Тексеруге шыққанға дейін 3 (үш) жұмыс күнінен кешіктірмей Агенттік Төрағасының жетекшілік ететін орынбасары не оның тапсырмасы бойынша құрылымдық бөлімшелердің басшылары инспекторлық комиссия мүшелеріне нұсқама жүргізеді.

48. Тексеру нәтижесі туралы анықтама (еркін нысанда) сол жерде жасалады және мыналарды:

1) қызметтің негізгі бағыттары бойынша жұмыс нәтижесін
(сыбайлас жемқорлықтың алдын алу бойынша жүргізілетін жұмыс, сыбайлас жемқорлық қылмыстарды анықтау, тергеу бағыты бойынша жұмысты ұйымдастыру және т.б.), оның оң жақтарын;

2) Агенттіктің инспекцияланатын ЭТД басшылығы оның алдында тұрған міндеттерді шешуге, жұмысты ұйымдастыруды жетілдіруге бағытталған шараларды;

3) қызметтік жұмысты ұйымдастырудағы кемшіліктер және олардың себептерін, сондай-ақ Агенттік басшылығының сыбайлас жемқорлыққа қарсы
іс-қимылдың нәтижелілігін арттыруға бағытталған тапсырмаларын орындау бойынша шаралар қабылдамаған нақты лауазымды адамдарды;

4) қызметтік іс-әрекет нәтижесін бұрмалау (жоғарылату) фактілерін және орталықтандырылған есепке  алуға қою үшін статистикалық деректерді ұсынудың дәйектілігін бақылауды қамтамасыз етпеген лауазымды адамдарды;

5) Агенттіктің инспекцияланатын ЭТД-ның қызметтік іс-әрекетін жетілдіру жөніндегі шараларды және оның сыбайлас жемқорлыққа қарсы іс-қимыл мен оның профилактикасы жөніндегі жұмыстың нәтижелілігін арттыруға әсерін;

6) кадрлардың және материалдық-техникалық қамтамасыз етудің
жай-күйін;

7) тиісті басшылардың іскерлік, кәсіби, моральдық қасиеттері, олардың міндеттерін орындау қабілеті және анықталған кемшіліктерді жоюды қамтамасыз ету туралы тұжырымдарды;

          8) көмек көрсету жөніндегі инспекторлық комиссия жұмысының нәтижесі және Агенттіктің инспекцияланған ЭТД қызметінің тиімділігін арттыруға байланысты проблемаларды шешу жолдары туралы ұсыныстарды қамтуы тиіс.

49. Анықтама екі данада жасалады, оған инспекторлық топтың басшысы мен мүшелері, сондай-ақ инспекцияланған бөлімшенің басшысы қол қояды. Анықтаманың бір данасы инспекцияланған бөлімше басшысында қалады.

Комиссияның қорытындысымен келіспеген жағдайда, анықтамаға қол қойылғаннан кейін Агенттіктің инспекцияланушы ЭТД басшысы үш күндік мерзімде инспекторлық тексеруді тағайындаған басшының атына баянат нысанында өз қарсылықтарын ұсынады. Агенттіктің инспекцияланушы ЭТД басшысының баянаты қорытынды құжатқа қоса беріледі.

Агенттік Төрағасының шешімі бойынша тағайындалған инспекторлық тексерулердің нәтижесін топ басшысы өзіне жеке баяндайды.

50. Қызметі инспекциялауға ұшыраған Агенттіктің ЭТД басшылары инспекциялау барысында анықталған кемшіліктерді жою жөнінде түбегейлі шаралар қабылдайды. Тиісті есептер СЖБД-ға белгіленген мерзімде жіберіледі.
51. Агенттік қызметінің жекелеген бағыттары бойынша тиісті бөлімшелер қызметкерлерінің (жұмыскерлерінің) шығуы практикалық көмек көрсету, оң тәжірибені зерделеу және енгізу не қызметтің сапасы мен тиімділігін айқындау үшін жүзеге асырылады.

           Агенттіктің ЭТД-ның қызмет бағыттары бойынша салалық бұйрықтарды және басқа да ұйымдастырушылық-өкімдік құжаттарды қолдануын инспекторлық тексерудің нәтижесі мен қорытындысы Агенттік Төрағасының жетекшілік ететін орынбасарының жанындағы жедел кеңесте, қажет болған жағдайда Агенттіктің кеңейтілген алқаларында қаралады.

52. Бюджеттік жоспарлау, орталықтандырылған бухгалтерлік есепті жүргізу және мемлекеттік сатып алу мәселелері бойынша өзара іс-қимыл Агенттіктің ЭТД-мен бюджеттік жоспарлау, бухгалтерлік есепті жүргізу және мемлекеттік сатып алу бойынша өзара іс-қимылының бекітілген алгоритміне сәйкес жүзеге асырылады.
53. Агенттік Төрағасының қатысуымен өтетін кеңестерге бұйрық бойынша ЭТД-ның бірінші басшылары не оны алмастыратын адам қатысады. Оның кеңеске қатысуы мүмкін болмаған жағдайда, ЭТД орынбасарларының не өзге де лауазымды адамдарының қатысуы Агенттік Төрағасымен келісіледі.

            Агенттік Төрағасына жолданған хаттар ЭТД бірінші басшысының қол қоюымен ғана, бірінші басшы іссапарға кетуіне байланысты болмаған жағдайда, еңбекке уақытша жарамсыздығы, демалыста болуы кезеңінде – бірінші басшының міндетін атқарушы адамның қолы қойылып жіберіледі. Агенттіктің ЭТД есептілігі таратылуы шектелген ақпаратты қоспағанда, Documentolog электрондық құжат айналымы жүйесі (бұдан әрі - ЭҚЖ) бойынша жолдау және қажет болған кезде мемлекеттік органдардың интернет-порталы (бұдан әрі – МОИП) арқылы ұсынылады.

 

7-бөлім.  Агенттік қызметкерлерінің жедел-тергеу тобының құрамында болуының негізі мен қағидалары

 

54. Жедел-тергеу тобы (бұдан әрі – ЖТТ) заңмен уәкілеттік берілген лауазымды адамдар құрған тергеушіден (тергеушілерден), құқық қорғау органдарының жедел қызметкерінен (қызметкерлерінен) және өзге де мамандардан тұратын, қылмыстарды тергеп-тексеру саласында өздеріне берілген өкілеттіктерді, күштер мен құралдарды қолданатын біржолғы
    (не ұзақ уақыт бойы әрекет ететін) арнайы функционалдық білім беруді (лауазымды адамдар тобын) білдіреді.
55. Іс бойынша сотқа дейінгі тергеп-тексеру ол күрделі немесе көлемі үлкен болған жағдайда тергеушілер мен жедел қызметкерлер тобына (тергеу, жедел-тергеу тобына) тапсырылады, ол туралы қаулы шығарылады (Қылмыстық процестік кодекстің 194-бабы (бұдан әрі –  ҚПК).   
56. ЖТТ құрамында қылмыстық істі тергеп-тексеру қылмыстық топ жасаған, аса күрделі (көп эпизодты, көп объектілі, айыпталушылардың көп саны), оның ішінде процестік әрекеттердің үлкен көлемімен және кінәлі адамдардың қылмыстық қудалау органдарына белсенді қарсы іс-қимылымен ерекшеленетін ауыр және аса ауыр қылмыстар туралы сотқа дейінгі тергеу-тексерулер бойынша жүзеге асырылады.
57. ЖТТ-ны құру туралы шешім қабылдайтын Агенттіктің тергеу және өзге де бөлімшелерінің басшылары Төрағаның немесе Төрағаның жетекшілік ететін орынбасарының келісімімен ЖТТ құрамын, саны мен жұмыс ұзақтығын, оларды шешу үшін сол немесе өзге ЖТТ қалыптастырылатын мақсаттар мен міндеттерді ескере отырып айқындайды.    
58.    Ведомствоаралық ЖТТ құрамына кандидатуралар Төрағаның келісуімен жіберіледі.  
59. ЖТТ-ның сандық құрамы алдағы іс-шаралардың немесе тергеу әрекеттерінің көлемін ескере отырып:

1) істің ерекшелігін (айқын, беймәлім/дәлелдеу қиын);

2) қылмыс жасауға қатысы бар адамдардың санын;

3) айқын құқық бұзушылық бойынша үш күдіктіге (ұсталғандарға, қамауға алынғандарға) бір тергеуші/жедел қызметкер есебін;

4) біртекті қылмыс құрамының үш эпизоды бойынша бір тергеуші/жедел қызметкер есебін;

5) әртүрлі құқық бұзушылық жиынтығы бойынша істің 1 эпизоды бойынша бір тергеуші/жедел қызметкер есебін негізге ала отырып айқындалады.

60. ЖТТ басшысы әрбір іссапарға жіберілген қызметкерді бөле отырып, қылмыстық істі тергеп-тексерудің/жедел іс-шаралар жүргізудің егжей-тегжейлі жоспарын жасайды және Төрағаның жетекшілік ететін орынбасарына бекітуге ұсынады.
61. Жоспарда әрбір тергеушіге/жедел қызметкерге тергеу және өзге де (жедел) іс-шаралардың/әрекеттердің/шешімдердің нақты тізбесі бекітіледі, бұл ретте ЖТТ тергеушісінің ҚПК-нің 194-бабының бірінші және екінші бөліктерінде көзделген шешімдерді қоспағанда, процестік әрекеттерді дербес және өз атынан орындайтыны және процестік шешімдер қабылдайтыны ескеріледі.
62. ЖТТ Агенттік бөлімшесі басшысының баянаты негізінде қалыптастырылады.
63. Бөлімше басшысының Агенттік қызметкерлерінің қатысуымен ЖТТ құру туралы баянаты Төрағаның жетекшілік ететін орынбасарының қарауына кейіннен КЖД мен ӘД-ны хабардар ете отырып енгізіледі.
64. Төрағаның жетекшілік ететін орынбасарымен келісілген ЭТД қызметкерлерін іссапарға жіберу туралы баянат ЖТТ құру туралы мәселеге бастама жасаған Агенттіктің құрылымдық бөлімшесіне жіберіледі, ол қызметкерді іссапарға жіберу үшін ЭТД басшысына дереу тиісті сұрау салу дайындайды.
65. Сұрау салуда толық ақпарат көрсетіледі (істің/эпизодтың СДТБТ нөмірі, іссапарға жіберу мерзімі, ЖТТ орналасқан жер, қызметкердің Т.А.Ә.).
66. ЖТТ құрамына енгізу үшін ЖТТ құрылған жерлерде, сондай-ақ жақын орналасқан өңірлерде Агенттіктің ЭТД-ның құзыретті қызметкерлерінің кандидатуралары қаралады. ЖТТ құрамына Агенттіктің шалғайдағы ЭТД қызметкерлері қызметтік қажеттілік негізделген жағдайларда ғана тартылады.
67. ЖТТ құрамына қызметкерлерді бір қылмыстық іс бойынша үш айдан астам мерзімге іссапарға жіберуге жол берілмейді.
68. ЖТТ құрамындағы іссапар мерзімі 3 (үш) айдан астам мерзімге ЖТТ басшысының жазбаша негіздемесі бойынша (оны одан әрі ЖТТ-ның орналасқан жері бойынша бөлімшеге қайта тағайындау туралы мәселені қарай отырып) Төрағаның келісуімен, Агенттіктің тиісті ЭТД-сын іссапар мерзімі аяқталғанға дейін 5 (бес) жұмыс күні бұрын хабардар ете отырып, ай сайын ұзартылады.
69. Төраға келіскен қызметкердің ЖТТ құрамында болу мерзімін ұзартудың болмауы оны одан әрі қызмет өткеру үшін Агенттіктің тиісті ЭТД-сына қайтаруға негіз болады.
70. Төрағамен келісілген кезек күттірмейтін қызметтік қажеттілік жағдайларын қоспағанда, бір қызметкердің бір қылмыстық іс аяқталғаннан кейін бірден басқа топқа іссапарға жіберу фактісі алып тасталады.
71. Іссапарға жіберілген қызметкерді кері қайтарып алу/ауыстыру Төрағаның немесе Төрағаның жетекшілік ететін орынбасарының келісуімен жүзеге асырылады.
72. Қызметкерді кері қайтарып алу/ауыстыру туралы негіздеме хат Төрағаның немесе Төрағаның жетекшілік ететін орынбасарының атына жіберіледі және кері қайтарып алуға/ауыстыруға қызметтік қажеттіліктің негіздемесін қамтиды.
73. Іссапар шығыстарына бюджет қаражатын ұтымды жұмсау және шығындардың басқа баптарынан ақша қаражатын қайта бөле отырып, қаржыландыру жоспарына өзгерістер енгізу жағдайларын барынша азайту, сондай-ақ Агенттіктің ЭТД қаржы-шаруашылық қызметінде кредиторлық берешекке жол бермеу мақсатында ЖТТ құрамында іссапарға жіберілген қызметкердің одан әрі болуының орындылығы мәселесін қарау үшін Төрағаның атына «қызметтік сапарларға іссапар шығыстары» бабы бойынша қаражатты жұмсау туралы негіздеме-хатқа алдын ала бастама жасалады.

Негіздеме хатта бюджет бойынша шығыстар, іссапарға жіберілген қызметкердің деректері, іссапарға жіберу негіздері, ЖТТ атауы (СДТБТ нөмірі, іс фабуласы, бөлімше, іссапарға жіберу күні, ЖТТ құрамында болу мерзімі) көрсетіледі.

          Іссапарға жіберілген қызметкердің ЖТТ құрамында болуының негізділігін қарау нәтижесі бойынша (Агенттіктің құрылымдық бөлімшесінің басшысы) Төрағаға қызметкерді қызмет өткеру орны бойынша ұзарту не қайтару туралы баяндайды.

74. Іссапарға жіберілген қызметкерлердің қызметтік тәртіпті сақтауына жауаптылық ЖТТ орналасқан жері бойынша Агенттіктің басшылығына және ЖТТ басшыларына жүктеледі.
75. Іссапарға жіберу, ЖТТ құрамында болу мерзімін ұзарту, жергілікті жерлерге қайтару, Агенттіктің ЭТД-сына хабарламалар жіберу және ЖТТ құрамында болуға қатысты негіздемені ұсыну жөніндегі шараларды уақтылы қабылдау бойынша жауаптылық ЖТТ басшысына және ЖТТ құруға бастама жасаған құрылымдық бөлімшеге жүктеледі.
76. ЖТТ жұмысын бақылау жөніндегі жауаптылық ЖТТ басшысына жүктеледі (ҚПК-нің 195-бабының бірінші бөлігі).
77. Толық ақпарат беру бойынша жауаптылық (ЖТТ саны, ЖТТ орналасқан жері, СДТБТ нөмірі, қызметкерлердің Т.А.Ә., іссапар мерзімі) және ЖТТ-ға іссапарға жіберілген бейінді бөлімшелердің қызметкерлері санының есептілігін жүргізу жауапты қызметкерді бекіте отырып, Агенттіктің құрылымдық бөлімшелеріне жүктеледі.
78. ЖТТ-ға іссапарға жіберілген қызметкерлерінің саны мен болу мерзімдері бойынша есеп жүргізуге жауаптылық КЖД-ға жүктеледі.

 

8-бөлім. Жұртшылықпен өзара іс-қимылды  және Агенттік қызметкерлерінің (жұмыскерлерінің) шетел азаматтарымен

кездесулерін ұйымдастыру

 

79. БАҚ-пен өзара іс-қимыл жасау, Агенттік басшылығының сөйлеген сөздерін және БАҚ-тағы жарияланымдарды дайындау, Агенттіктің ресми интернет-ресурсының жұмыс істеуі мәселелерін үйлестіру БАҚБ-қа жүктеледі.

Агенттік қызметінің мәселелері бойынша көпшілік алдында сөйлеуді Агенттіктің Төрағасы, БАҚБ-тың уәкілетті адамы не Агенттік Төрағасының тапсырмасы бойынша Агенттіктің өзге де лауазымды адамдары жүзеге асырады. Агенттіктің өзге де лауазымды адамдары өздерінің ресми сөйлейтін сөздерінің мәтіндерін БАҚБ-пен міндетті түрде келіседі.

Агенттіктің құрылымдық бөлімшелері Агенттік басшылығының БАҚ алдындағы ресми сөйлейтін  сөздерінің мәтіндерін дайындауға жауапты болады, олардың құзыретіне сөз сөйлеу мәні болған мәселелер кіреді.

Құрылымдық бөлімшенің басшысы және Агенттік Төрағасының жетекшілік ететін орынбасары қол қойған БАҚ өкілдерінің сөйлеген сөздерінің мәтіндері мен тезистері, сондай-ақ болжамды сұрақтарының және оларға жауаптардың жобалары (төтенше хабарламаларды қоспағанда) мемлекеттік және орыс тілдерінде сөз  сөйлегенге дейін 5 (бес) жұмыс күні бұрын қағаз және электрондық жеткізгіштерде БАҚБ-ға ұсынылады.

          БАҚ-қа ақпарат беру «Бұқаралық ақпарат құралдары туралы» және «Ақпаратқа қол жеткізу туралы» Қазақстан Республикасы Заңдарының талаптарын сақтай отырып жүргізіледі.

80. БАҚБ күнделікті негізде Қазақстан Республикасы Инвестициялар және даму министрі міндетін атқарушының 2016 жылғы 28 қаңтардағы бұйрығымен бекітілген Мемлекеттік органдардың интернет-ресурстарын ақпараттық толықтыру қағидаларына және олардың мазмұнына қойылатын талаптарға сәйкес Агенттіктің интернет-ресурсын ақпараттық толтыруға мониторингті жүзеге асырады.

Агенттіктің құрылымдық бөлімшелері тұрақты негізде:

интернет-ресурстың өздеріне бекітілген бөлімдерінде материалдардың өзектілігі мен толықтығын қадағалайды;

қажеттілігіне қарай құзыреті шегінде статистикалық ақпараттың жаңартылуын қамтамасыз етеді.

Ресми сөз сөйлеулердің мәтіндерін, анонстарды, сондай-ақ өткізілген
іс-шаралардың қорытындысы бойынша баспасөз релиздерін БАҚБ Агенттіктің ресми интернет-ресурсына орналастырады.

Агенттіктің қатысуымен ресми іс-шараларды өткізуге және дайындауға жауапты Агенттіктің құрылымдық бөлімшесі Агенттіктің ресми
интернет-ресурсына орналастыру үшін БАҚБ-ға:

алдағы іс-шара туралы анонс – оны өткізгенге дейін 1 (бір) жұмыс күнінен кешіктірмей;

           іс-шара қорытындысы бойынша баспасөз релизі – оны өткізген күннен бастап 2 (екі) жұмыс күнінен кешіктірмей ұсынады.

81. Агенттіктің шетел азаматтарымен кездесулер жөніндегі бөлімшелерінің қызметін Құқықтық қамтамасыз ету департаментінің Халықаралық қатынастар басқармасы (бұдан әрі - ХҚБ) үйлестіреді.

Шетел азаматтарымен кездесулер Агенттік Төрағасының, Төрағаның бірінші орынбасарының, Төраға орынбасарларының немесе Аппарат басшысының тапсырмалары бойынша жүзеге асырылады.

82. Халықаралық ұйымдардың немесе шет мемлекеттер өкілдерінің кездесуді ұйымдастыру туралы тиісті хаты түскен кезде Агенттіктің құрылымдық бөлімшелері шетел азаматтарының дербес деректерін
    (өмірбаян анықтамасын қоса бере отырып), сапардың мақсатын, қатысушылардың тізімін, кездесудің күнін, уақытын және басқа да қажетті ақпаратты көрсете отырып, Агенттік басшылығының атына қызметтік жазба дайындайды.
83. Агенттіктің ғимаратына шетел азаматтарының өтуін ұйымдастыру үшін Агенттіктің кездесуге жауапты құрылымдық бөлімшелері шетелдік азаматтардың жеке басын куәландыратын құжаттарының көшірмелерін қоса бере отырып, Агенттік Төрағасының режим жөніндегі көмекшісінің және Мемлекеттік құпияларды қорғау басқармасының (бұдан әрі – МҚҚБ) міндетті түрде келісуімен ғимаратқа кіруге өтінім қалыптастырады.
84. Ғимаратқа кіруге келісілген өтінімнің түпнұсқасы Агенттіктің кезекші бөліміне беріледі.

          Шетелдіктермен кездесулерде жабдықты немесе өзге де  электрондық ақпарат жеткізгіштерді пайдалану қажет болған жағдайда, материалдық рұқсаттаманы ресімдеу қажет.

85. Агенттіктің басшылығы үшін кездесулерге оларды ұйымдастыруға жауапты бөлімше мынадай құжаттарды:

1) кездесу бағдарламасын;

2) қатысушылар тізімін;

3) жүргізу тәртібін;

4) әңгіме тезистерін;

5) өзге де қажетті ақпаратты дайындайды.

86. Шетелдіктерді Агенттіктің аумағында алып жүретін адамдарсыз қалдыруға тыйым салынады.

Шетелдіктермен жұмыс істеуге қатысатын адамдар:

1) жекелеген шетелдіктердің бағдарлама шеңберінен шығуға немесе Агенттікте белгіленген құпиялылық режимін бұзуға ықтимал әрекеттеріне кедергі келтіруге;

           2) шетелдіктер тарапынан жекелеген проблемалар мен мәселелерге, оның ішінде болу бағдарламасының шеңберінен шығатын мәселелерге, сондай-ақ Агенттіктің нақты қызметкерлеріне (жұмыскерлеріне) жоғары қызығушылық туындаған жағдайда бұл туралы МҚҚБ-ға дереу хабарлауға міндетті.

87. Кездесудің қорытындысы бойынша кездесуді ұйымдастыруға жауапты бөлімше Құпиялылық режимін қамтамасыз ету жөніндегі нұсқаулықтарда көзделген құжаттарды қалыптастырады.
88. Шетелдік азаматтармен кездесу өткізуді дайындау үшін Агенттіктің мүдделі құрылымдық бөлімшелері ХҚБ-қа Агенттік басшылығының қарары бар қызметтік жазбаның көшірмесін, сондай-ақ өзге де материалдарды іс-шара басталғанға дейін кемінде 3 (үш) жұмыс күні бұрын ұсынады.

 

 

9-бөлім. Құжат айналымын ұйымдастыру, Агенттік

Төрағасы құжаттарының, тапсырмалары

мен қарарларының орындалуын бақылау

 

89. Қазақстан Республикасының және ТМД елдерінің органдарымен, ұйымдарымен және азаматтарымен хат алмасу мемлекеттік тілде, қажет болған жағдайда орыс тілінде, өзге шетелдік тілшілермен – басқа шет тілдерінде жүргізіледі.
90. Іс қағаздарын жүргізуді, оның ішінде кіріс және шығыс
    хат-хабарларды есепке алуды, басшылықтың құжаттары мен тапсырмаларын орындаушыларға уақтылы жеткізуді қамтамасыз етуді, құжаттардың сақталуы мен ресімделуі бойынша шаралар қабылдауды, басшылықты іс жүргізу және атқарушылық тәртіптің жай-күйі туралы хабардар етуді, сондай-ақ іс жүргізу және құжат айналымы бойынша Агенттік Төрағасының қабылдау бөлмесінің жұмысын үйлестіруді, құжаттамалық қамтамасыз етуді (бұдан әрі – құжаттамалық қамтамасыз ету қызметі (ҚҚҚ) жүзеге асыратын СЖБД-ның жауапты қызметкерлері жүзеге асырады.

          Агенттіктің құрылымдық бөлімшелерінде іс жүргізу, есепке алу, құжаттардың, олардағы қызметтік ақпараттың сақталуы, сондай-ақ хат-хабарлардың (электрондық және қағаз) уақтылы өтуі және орындалуы үшін жауаптылық олардың басшыларына жүктеледі.

91. Құпия іс қағаздарын жүргізуді, оның ішінде кіріс, шығыс және ішкі
    хат-хабарларды есепке алуды, басшылықтың құжаттары мен тапсырмаларын орындаушыларға уақтылы жеткізуді қамтамасыз етуді, құжаттардың сақталуы мен ресімделуі жөнінде шаралар қабылдауды, басшылықты құпия іс жүргізу мен орындаушылық тәртіптің жай-күйі туралы хабардар етуді МҚҚБ жүзеге асырады.

            Кіріс құпия хат-хабарды қабылдау, өңдеу және тіркеу тәртібін, сондай-ақ дайындалған құпия хат-хабарды ресімдеуді, мекенжайды көрсетуді және жөнелтуді Құпиялылық режимін қамтамасыз ету жөніндегі нұсқаулықтың талаптарына және құпия іс жүргізу мәселелерін регламенттейтін өзге де нормативтік құқықтық актілерге сәйкес МҚҚБ жүзеге асырады.

92. Агенттіктің және ЭТД қызметкерлері құжаттармен жұмыс істеу кезінде:

қызметтік және мемлекеттік құпияны қатаң сақтауға;

қызметтік құжаттардың сақталуын қамтамасыз етуге;

жұмыс орнында құжаттардың тәртібі мен тиісті сақталуын қамтамасыз етуге;

қызметтік үй-жайларға бөгде адамдардың кіру мүмкіндігін болдырмауға, олардың компьютерлерді, көбейткіш аппаратураларды, телефондарды, фирмалық бланкілерді пайдалануына бағытталған шараларды қабылдауға;

құжат айналымының көлемін қысқарту, түскен құжаттарды, материалдарды және жеке және заңды тұлғалардың өтініштерін қарау мерзімдерін қысқарту бойынша шаралар қабылдауға;

Қазақстан Республикасының заңнамасында көзделген өзге де міндеттерді жүзеге асыруға міндетті.

Агенттіктің құжаттарын және олардың көшірмелерін санкциясыз беруге қатаң тыйым салынады. Құжаттардың көшірмелерін алу құжатты орындаушы/әзірлеуші құрылымдық бөлімшенің басшысы не Агенттік Төрағасының жетекшілік ететін орынбасары қол қойған есептік-тарату бойынша қатаң жүргізіледі.

          Құжаттарды жоғалтқаны, олармен жұмыс істеу қағидаларын бұзғаны, қызметтік ақпаратты жария еткені үшін кінәлі адамдар заңнамаға сәйкес жауапты болады.

 

9.1.  Кіріс хат-хабарларын қабылдау, өңдеу және тіркеу

 

93. ҚҚҚ кіріс хат-хабарларын қабылдауды, бастапқы өңдеуді жұмыс күндері сағат 9.00-ден 18.00-ге дейін жүзеге асырады.

          Агенттік Төрағасының және оның орынбасарларының қабылдау бөлмесінде демалыс және мереке күндері қабылданған хат-хабар тіркеу үшін ҚҚҚ-ға берілуге жатады, ал құжаттарда қылмыстық құқық бұзушылықтар туралы ақпарат болған жағдайларда жедел-тергеу бөлімшелерінің уәкілетті адамдарына дереу беріледі.

94. Агенттікке түсетін және Агенттіктен шығатын хат-хабарлар ЭҚЖ тіркелуге жатады.

Агенттіктің ғимаратына орналастырылған хат-хабарды қабылдауға арналған жәшіктен хат-хабарды алуды ҚҚҚ жауапты қызметкері күніне 2 (екі) рет (сағат 9.00 және 15.00-де), кейіннен Құжаттама жасау қағидаларында және осы Регламентте айқындалған тәртіппен өңдей отырып жүргізеді.

Қағаз хат-хабар цифрландыруға (сканерлеуге) және одан әрі ЭҚЖ-да тіркелуге («Қызмет бабында пайдалану үшін» деген белгісі бар құжаттарды және қабылдануы тек қағаз жеткізгіштерде жүзеге асырылатын хат-хабарларды (қылмыстық істер материалдары және т.б.) қоспағанда) жатады.

Құрылымдық бөлімшелердің және Агенттік басшылығының қабылдау бөлмелерінің қызметкерлеріне ҚҚҚ-да тіркелмеген қағаз жеткізгіштердегі құжаттарды қабылдауға және олармен жұмыс істеуге тыйым салынады. Агенттік Төрағасы және оның орынбасарлары тікелей қабылдаған хат-хабар дереу
ҚҚҚ-ға тіркеуге беріледі.

Құжатпен одан әрі жұмыс электрондық түрде жүргізіледі, ҚҚҚ-ға келіп түскен қағаз хат-хабардың түпнұсқалары цифрландыру және тіркеу рәсімдерінен кейін мұрағатқа тапсырылады.

          Егер адресат «Жеке өзіне» деген белгісі бар пакетті ашқаннан кейін, онда қызметтік сипаттағы құжат немесе өтініш болса, онда олар дереу ҚҚҚ-ға тіркеу үшін берілуге тиіс.

95. ҚҚҚ-ға қабылдауға жатпайды:

Құжаттама жасау қағидаларында белгіленген талаптарды бұза отырып ресімделген құжаттар мен оларға қосымшалар;

факсимилені, түзетулерді және қандай да бір зақымдануы бар өзге де ластануларды, оның ішінде тескішпен тесілген, шимай қағаздарда және мемлекеттік органдар бланкілерінің көшірмелерінде орындалған қағаз
хат-хабар;

дұрыс жолданбаған хаттар (Агенттіктің атауын, лауазымды, Агенттік басшылығының Т.А.Ә. дұрыс көрсетпеу);

бланк нысанында көзделген міндетті деректемелер болмаған және/немесе деректемелер, сондай-ақ қате салынған мәтін дұрыс орналаспаған кезде электрондық цифрлық қолтаңбаны (бұдан әрі - ЭЦҚ), мазмұнын, парақтар санын тексерудің нәтижесі теріс электрондық құжаттар.

          Көрсетілген құжаттар осы Регламентке 7-қосымшаға сәйкес нысан бойынша тиісті акт қоса беріле отырып, ҚҚҚ-ға мақсаты бойынша жіберіледі және/немесе Агенттіктің жедел-тергеу бөлімшесінің уәкілетті адамының қабылдауына жататын дайындалып жатқан, жасалған не жасалатын қылмыстық құқық бұзушылық туралы өтінішпен адамдар тікелей жүгінген жағдайларды қоспағанда, жөнелтушіге қайтарылады.

96. Агенттіктің атына ЭТД-дан және өзге де құқық қорғау органдарынан салымдарсыз жіберілген қылмыстық істер материалдарына ілеспе хаттар материалдардың Агенттікке түсу фактісі бойынша ҚҚҚ-да тіркелуге жатады.

ЭТД және өзге де құқық қорғау органдары қылмыстық істер материалдарын Агенттікке 5 (бес) жұмыс күні ішінде жеткізуді қамтамасыз етпеген жағдайда, салымдарсыз түскен ілеспе хаттарды Агенттіктің жедел-тергеу бөлімшелері (жіберуші органның ) басшыларының келісуі бойынша, бір мезгілде адресаттың құжат айналымы қызметтерін ауызша хабардар ете отырып, ҚҚҚ тіркеусіз қабылдамайды.

Агенттіктің жедел-тергеу бөлімшелерінің жауапты қызметкері қылмыстық іс материалдарын ҚҚҚ қызметкері істің келіп түскені туралы хабардар еткеннен кейін дереу алуға тиіс.

          Агенттіктің жедел-тергеу бөлімшелерінің қызметкерлері қылмыстық істердің материалдарын ҚҚҚ-ны айналып өтіп, қолма-қол алған жағдайда, олар оларды ҚҚҚ-ға тіркеуге дереу беруді қамтамасыз етуге міндетті.

97. ҚҚҚ-ның жауапты лауазымды адамы түскен құжаттарды және басқа да қызметтік хат-хабарды (электрондық және қағаз) алдын ала белгілейді, оны құзыреті бойынша бөледі, құжатты бақылауға қоюды жүзеге асырады. Тарату осы Регламентке 8-қосымшаға сәйкес кіріс хат-хабарларды бөлу үлгісінің тәртібін басшылыққа ала отырып, оларда қойылған мәселелердің сипатына, маңыздылығына және жеделдігіне байланысты жүзеге асырылады.

Алдын ала қаралғаннан кейін түскен құжаттар мен басқа да қызметтік хат-хабар белгіленген тәртіппен тіркеледі.

98. КЖД түскен құжаттарды техникалық қайта жіберуді ұйымдастыру үшін Агенттік Төрағасының және оның орынбасарларының, Аппарат басшысының, құрылымдық бөлімшелер басшыларының демалысқа, іссапарға және өзге де жағдайларға байланысты жоқтығы туралы ЭҚЖ және ҚҚҚ әкімшісін уақтылы хабардар етеді
99. ҚҚҚ хат-хабарды тіркеуді, бөлуді, ресімдеуді және адресаттарға ЭҚЖ арқылы жеткізуді түскен күні, ал шұғылын - дереу жүзеге асырады.

           Қағаз хат-хабар тіркелгеннен кейін құзыреті бойынша Агенттік басшылығының қабылдау бөлмелеріне және құрылымдық бөлімшелерге қол қойғызып беріледі.

100. Агенттіктің басшылығы кіріс хат-хабарларын оларға түскен күні, ал шұғыл хат-хабарды дереу қарайды. Қарау нәтижесі бойынша олар орындаушының тегін, іс-әрекеттің анық және толық мазмұнын немесе құжатты орындау тәртібі мен сипатын және қажет болған жағдайда орындау мерзімдерін қамтитын қарарлар түрінде ресімделетін тиісті тапсырмалар береді.

Өзінің орынбасарларының бірін немесе Аппарат басшысын жауапты орындаушы деп айқындаған Агенттік Төрағасының қарары бар құжаттар одан әрі орындау үшін бекітілген міндеттерді бөлуге сәйкес жетекшілік ететін бөлімшелерге ғана жіберіледі.

Міндеттерді бөлуге сәйкес Төрағаның бірінші орынбасарына, Төрағаның орынбасарларына және Агенттіктің Аппарат басшысына қарауға жіберілген кіріс құжаттар одан әрі олардың құзыреттеріне сәйкес жетекшілік ететін бөлімшелерге және мүдделі қызметтерге жіберіледі.

Агенттікке іс-шаралар жоспарлары (жол карталары) түскен жағдайда, олардың тармақтары бойынша Агенттік жауапты орган немесе бірлесіп орындаушы болған кезде, жоспардың тиісті тармақтарын орындауды Агенттіктің құрылымдық бөлімшелеріне олардың құзыретін ескере отырып, СЖБД бекітеді.

Құжаттардың уақтылы қабылдануына және бөлімшелердің басшылары мен орындаушыларына жеткізілуіне, ЭҚЖ-да құжаттарға жазбалардың толық және дұрыс жүргізілуіне, құжаттар мен оларға қарарлардың уақтылы жөнелтілуіне (берілуіне), құжаттардың тиісінше жедел сақталуына Агенттіктің басшылығы мен құрылымдық бөлімшелерінің қабылдау бөлмелерінің қызметкерлері дербес жауапты болады.

Адресаттарға жедел құжаттар мен тапсырмаларды (орындау мерзімі 3 (үш) жұмыс күніне дейін) жедел жөнелтуді қамтамасыз ету үшін ҚҚҚ, Агенттік басшылығының, құрылымдық бөлімшелердің қабылдау бөлмелерінің қызметкерлері көрсетілген құжаттар мен тапсырмаларды соңғы орындаушыларға дереу береді.

Құжаттардың орындалуын Агенттіктің бір құрылымдық бөлімшесінен екіншісіне беру Агенттік басшылығымен келісілген және ЭҚЖ-ның ішкі базасында тіркелген уәжді қызметтік жазбаның негізінде құжат тіркелген күннен бастап бір жұмыс күнінен кешіктірілмейтін мерзімде жүргізіледі
(шұғыл құжаттар үш сағат ішінде беріледі).

          Бұл ретте қызметтік жазбаны дайындаған орындаушы ЭҚЖ-ның
тіркеу-бақылау карточкасына тиісті өзгерістер енгізу үшін бақылау құжаттары бойынша басшылықтың қабылдаған шешімі туралы ҚҚҚ-ға хабарлайды.

101. Агенттіктің құрылымдық бөлімшесінің және ЭТД-ның басшысы құжатты қарағаннан кейін оны орындау бойынша тапсырманы соңғы орындаушыға түскен күні береді.

Агенттіктің құзыретіне кірмейтін мәселелерді қамтитын құжат (Қазақстан Республикасы Үкіметі қаулыларының жобаларын қоспағанда) ол тіркелген күннен бастап 3 (үш) жұмыс күнінен кешіктірілмейтін мерзімде бұл туралы адресатты бір мезгілде хабардар ете отырып, құзыреті бойынша тиісті мемлекеттік органға жіберіледі.

102. Агенттік Төрағасының жедел ақпарға тапсырмасы/қарары болған кезде олар бақылауға жатады.

 

    

 

9.2.  Қызметтік хат-хабарды ресімдеу және жөнелту

 

103. Шығыс құжаттарды өңдеуді ҚҚҚ қызметі жүзеге асырады.
104. Қызметтік хаттардың мазмұны  қысқа, анық, дәлелді, аяқталған болуы тиіс және ондағы ақпараттың дәл және біркелкі қабылдануын қамтамасыз ету керек. Әрбір құжат осы Регламентке 9-қосымшаға сәйкес құжаттарды ресімдеуге қойылатын талаптарды сақтай отырып, бір мәселе бойынша жасалады.
105. ЭҚЖ бойынша жіберілетін шығыс құжаттар белгіленген үлгідегі бланкілерге сәйкес келетін электрондық құжаттардың шаблондарын пайдалана отырып (Агенттіктен шегінен тыс жөнелтілген жағдайда) мемлекеттік тілде ресімделеді (қажет болған жағдайда орыс тіліндегі нұсқасы қоса беріледі).

ЭҚЖ жоқ адамдарға немесе ұйымдарға хаттар Агенттіктің елтаңбалы бланкісінде мемлекеттік тілде жолданады (қажет болған жағдайда орыс тіліндегі нұсқасы қоса беріледі).

Құжатқа жарыққа төзімді сиямен қол қойылады.

          Құжаттың түпнұсқасына факсимиле қою арқылы қол қоюға жол берілмейді.

106. Шығыс хат-хабар жоғары тұрған мемлекеттік органдарға жіберу үшін қол қою алдында ҚҚҚ қызметкерлерімен тапсырмаларға сілтемелердің болуы, негізгі құжатта көрсетілген қосымшалардың дұрыс ресімделуі, болуы және толықтығы тұрғысынан келісуге жатады.

Мемлекеттік органдарға жіберілетін, оның ішінде электрондық құжат форматындағы шығыс хат-хабар Төрағаның, Төрағаның бірінші орынбасарының, Төраға орынбасарларының, Агенттіктің Аппарат  басшысының қолымен және осы Регламентте белгіленген жағдайларда Агенттіктің дербес құрылымдық бөлімшелері басшыларының не оларды алмастыратын адамдардың қолымен ресімделеді.

         Қазақстан Республикасының Президентіне, Елбасыға, Президент Әкімшілігінің Басшысына және оның орынбасарларына, Парламент Палаталарының Төрағаларына, Қазақстан Республикасының Премьер-Министрі мен оның орынбасарларына, Премьер-Министр Кеңсесінің Басшысына, Қазақстан Республикасының Мемлекеттік хатшысына, Мемлекет басшысына тікелей бағынатын және есеп беретін мемлекеттік органдардың бірінші басшыларына, Қазақстан Республикасы орталық атқарушы органдарының бірінші басшыларына, Қазақстан Республикасы Конституциялық Кеңесінің Төрағасына, Қазақстан Республикасы Жоғарғы Сотының Төрағасына, облыстардың, Нұр-Сұлтан, Алматы және Шымкент қалаларының әкімдеріне жолданатын құжаттарды, Парламенттің депутаттық сауалдарына жауаптарды құзыретіне тиісті мәселелерді қарау кіретін Агенттіктің құрылымдық бөлімшелері дайындайды, олардың басшылары, Агенттіктің Аппарат басшысы және (немесе) Төрағаның орынбасарлары (жұмыстың жетекшілік ететін бағыттары бойынша) виза қояды және оған Төраға не оларды алмастыратын адамдар қол қояды.

Президент Әкімшілігінің бөлім меңгерушілеріне, Басшының орынбасарларына және Премьер-Министр Кеңсесінің бөлім меңгерушілеріне жолданатын құжаттарды құзыретіне тиісті мәселелерді қарау кіретін Агенттіктің құрылымдық бөлімшелері дайындайды, олардың басшылары виза қояды және Төрағаның жетекшілік ететін орынбасарлары немесе Агенттіктің Аппарат басшысы не оларды алмастыратын адамдар қол қояды.

Қазақстан Республикасы дипломатиялық өкілдіктерінің басшыларына, халықаралық ұйымдардың бірінші басшыларына жолданатын құжаттарды, заң бұзушылықтарды жою туралы ұсынуларға жауаптарды құзыретіне тиісті мәселелерді қарау кіретін Агенттіктің құрылымдық бөлімшелері дайындайды, олардың басшылары виза қояды және Төрағаның жетекшілік ететін орынбасарлары немесе Агенттіктің Аппарат басшысы не оларды алмастыратын адамдар қол қояды.

Меншік нысандарына  қарамастан өзге лауазымды адамдарға, мемлекеттік органдар мен ұйымдарға, сондай-ақ азаматтарға (бас тартылған және қайта түскен өтініштер бойынша) жолданатын құжаттарды құзыретіне тиісті мәселелерді қарау кіретін бөлімшелер дайындайды, олардың басшылары виза қояды және Төрағаның жетекшілік ететін орынбасарлары немесе Агенттіктің Аппарат басшысы өз өкілеттіктері шеңберінде не оларды алмастыратын адамдар қол қояды.

Тергеудің ағымдағы мәселелері бойынша құжаттарға, қылмыстық процесс бөлігіндегі қолдаухаттарға, өтініштерге жауаптарға, хат-хабарларды құзыреті бойынша қайта жіберу бөлігіндегі хат алмасуларға өкілеттіктері шеңберінде Агенттіктің құрылымдық бөлімшелерінің басшылары не оларды алмастыратын адамдар қол қояды.

            Қайта түскен өтініштерге  берілетін  жауаптарға жоғары тұрған лауазымды адам   қол қояды.

Нақты қылмыстық істер бойынша хат алмасуды процестік дербестігі қолданыстағы заңнамада көзделген адамдар Агенттіктің құрылымдық бөлімшесі басшысының келісуі бойынша белгіленген нысандағы бланкілерде жүзеге асырады.

Дұрыс ресімделмеген құжаттар орындаушыларға қайтарылады.

          Қол қойылған құжаттарды ҚҚҚ тіркейді және адресатқа (адресаттарға) оларға қол қойылған (бекітілген) күні немесе келесі жұмыс күнінен кешіктірілмей,  жеделхаттар мен телефакстер дереу жіберіледі.

           Қазақстан Республикасы Президенті Әкімшілігіне және Қазақстан Республикасы Премьер-Министрінің Кеңсесіне жолданатын шығыс құжаттарды тіркеу жұмыс күндері сағат 17.00-ге дейін жүргізіледі.

 

 

 

9.3. Агенттік Төрағасы құжаттарының, қарарлары мен

 тапсырмаларының орындалуын бақылауды

ұйымдастыру тәртібі

 

107. Агенттік басшылығы құжаттарының, тапсырмалары мен қарарларының уақтылы орындалуын бақылауды және оларды бақылаудан алуды ҚҚҚ жүзеге асырады.

ҚҚҚ-ның жауапты қызметкері мерзімі  өткенге дейін апта сайын қалыптастырады және құрылымдық бөлімшелерге Агенттік басшылығының бақылауындағы құжаттар, қарарлар мен тапсырмалар туралы белгіленген нысан бойынша жазбаша (электрондық) еске салу жібереді.

108. Егер бақылауға жататын құжатта орындалу мерзімі көрсетілмеген жағдайда, ол тіркелген күннен бастап 1 (бір) айдан аспауға тиіс. Егер өзге мерзім белгіленбесе, «шұғыл» деген белгісі бар құжаттарды орындау мерзімі – 3 (үш) күн.

           Құжатты, тапсырманы орындау мерзімі орындалған құжатты Агенттік Төрағасының тиісті орынбасарымен  не оның орындалуына бақылау жүктелген адаммен келісу кезеңін қамтиды.

109. Құжатты орындау бірнеше орындаушыға тапсырылған жағдайда, оның орындалуы үшін жауаптылық тапсырмада/қарарда бірінші болып көрсетілгенге жүктеледі.

Қалған бірлесіп орындаушылар тапсырманы орындау мерзімі аяқталғанға дейін 3 (үш) күннен кешіктірмей бірінші орындаушыға жинақтау және жауап дайындау үшін өз ұсыныстарын енгізеді.

Орындаушы  бақылау тапсырмасы бойынша түпкілікті жауапты Агенттік Төрағасының қарауына белгіленген мерзімнен 2 (екі) күн бұрын, ал құжаттарды орындау мерзімдері 3 (үш) күнге дейін белгіленген жағдайларда – 1 (бір) жұмыс күні ішінде, орындауға жауапты Агенттік Төрағасы орынбасарының, бірлесіп орындаушылардың және орындаушы құрылымдық бөлімше басшысының визаларымен ұсынады.

           Кешенді, перспективалық мәселелер бойынша ұзақ қолданылатын актілердің орындалу барысы туралы ақпарат Агенттік Төрағасына жарты жылда бір рет не Төраға белгілеген өзге де мерзімдерде ұсынылады.

         110. Бақылаудағы құжаттарды орындау үшін дайындалған құжаттар Агенттік басшылығына қол қоюға енгізілгенге дейін ҚҚҚ-ның жауапты қызметкерімен ресімдеудің дұрыстығы, жауап берілетін құжатқа сілтемелердің болуы, қажетті келісулердің болуы тұрғысынан (Қазақстан Республикасы Үкіметінің 2002 жылғы 10 желтоқсандағы № 1300 қаулысымен бекітілген Қазақстан Республикасының Yкiметi Регламентiнің,  Қазақстан Республикасы Үкіметінің 2018 жылғы 31 қазандағы № 703 қаулысымен бекітілген Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларының, Қазақстан Республикасы Үкіметінің 2015 жылғы 31 желтоқсандағы № 1196 қаулысымен бекітілген Мәліметтерді таратылуы шектелген қызметтік ақпаратқа жатқызу және онымен жұмыс істеу қағидаларының және  2009 жылғы 4 маусымдағы № 01-30.13қбпү Қазақстан Республикасы Президенті Әкімшілігінің құжаттарымен Қазақстан Республикасының мемлекеттік органдарында жұмыс істеу және олардың Қазақстан Республикасы Президенті Әкімшілігіне құжаттарды жіберу ережесінің талаптарын ескере отырып) келісіледі.

Нысан бойынша берілмеген, құжаттың, тапсырманың, қарардың мәнін көрсетпейтін жауап жобаларын ҚҚҚ жауапты қызметкері орындаушыға пысықтауға қайтарады.

Пысықталған жауапты ұсыну мерзімі тапсырманы, қарарды орындаудың нақты мерзімі болып табылады.

111. Бақылаудан алу, орындаудың нақты мерзімін көрсете отырып мерзімді ұзарту бұрын тиісті тапсырма берілген лауазымды адамның не тапсырмалардың, қарарлардың орындалу барысын бақылауды жүзеге асыру тапсырылған адамның қарарымен жүзеге асырылады.

Тапсырманың орындалуы туралы Агенттік басшылығына ауызша хабарлама нысанында жеке баяндалатын жағдайларда, белгіленген нысан бойынша ҚҚҚ-ға тиісті жазбаша жауап бақылаудан алу үшін негіз болып табылады.

112. Бақылаудағы құжаттардың уақтылы, сапалы және толық орындалуына Агенттіктің құрылымдық бөлімшелерінің басшылары - орындаушылар дербес жауапты болады.

 

9.4. ҚМО қызметкері (жұмыскері) жұмыстан босатылған немесе

           басқа жұмысқа ауысқан кезде істер мен құжаттарды қабылдау,

беру, құжаттарды бір бөлімшеден басқа бөлімшеге беру

 

113. Жұмыстан босатылған немесе басқа жұмысқа ауысқан кезде ҚМО қызметкері бөлімше басшысының нұсқауы бойынша өзінің орындауындағы барлық іс пен құжатты, жинақталған анықтамалық материалдарды осы бөлімшенің басқа қызметкеріне береді.

Бұл жағдайда қызметтік істерді қабылдап алу-беру туралы екі данада акт жасалады, онда берілетін құжаттар көрсетіледі және беру күніне шешілмеген мәселелердің орындалу жай-күйі сипатталады. Актінің екі данасына да құжаттарды беруші және қабылдап алушы қызметкерлер қол қояды және бөлімше басшысы бекітеді.

114. Қызметкер демалысқа кеткен кезде, еңбекке уақытша жарамсыздығы кезеңінде немесе іссапарға шыққан кезде оның орындауындағы қызметтік құжаттар бөлімше басшысының не оның орынбасарының нұсқауы бойынша басқа қызметкерге баянатпен дереу беріледі.
115. Құжаттарды Агенттіктің бір құрылымдық бөлімшесінен басқасына беру қарар авторы – лауазымды адамның шешімі бойынша ҚҚҚ арқылы жүзеге асырылады.

 

10-бөлім.  Жеке және заңды тұлғалардың өтініштері мен сұрау салуларын қарау  және олардың орындалуын бақылау,

 сондай-ақ ҚМО-ға азаматтарды қабылдауды ұйымдастыру тәртібі

 

116. Қылмыстық құқық бұзушылықтар туралы арыздар мен хабарламаларды қабылдауды кезекші бөлім (тәулік бойы), сондай-ақ қылмыстық құқық бұзушылықтар туралы ақпаратты қабылдауға және есепке алуға жауапты лауазымды адамдар жүзеге асырады және Қазақстан Республикасы Бас прокурорының 2014 жылғы 19 қыркүйектегі № 89 бұйрығымен бекітілген  Қылмыстық құқық бұзушылықтар туралы арыздар мен хабарламаларды қабылдау және тіркеу, сондай-ақ Сотқа дейінгі тергеп-тексерулердің бірыңғай тізілімін жүргізу қағидаларына сәйкес өңдеуге және тіркеуге жатады.

Жедел-тергеу бөлімшелерінің қызметкерлері қылмыстық құқық бұзушылықтар туралы арыздар мен хабарламалар түскен кезде оларды Ақпаратты есепке алу кітабында тіркеуді жүзеге асырады.

117. Қаржылық мониторинг субъектілерімен жұмыс департаментінің лауазымды адамдары қаржы мониторингі субъектілеріне қаржы мониторингіне жататын операциялар туралы мәліметтер мен ақпаратты беру қағидалары бойынша, сондай-ақ өз құзыреті шегінде «Қашықтан мониторинг» алаңы шеңберінде өзара іс-қимыл бойынша
     8-7172-74-97-52, 74-97-39, 74-97-49, 74-92-26 телефондары арқылы консультация береді.
118. Күн сайын қажетіне қарай ҚҚҚ және СЖБД Ұйымдастыру жұмыстары басқармасының қызметкерлері кіріс хат-хабарларды Агенттіктің Ақпаратты есепке алу кітабында тіркеуге жататын хаттар мен өтініштердің түсуі, уәкілетті органға беру және қабылданған шешімдер бойынша түсіндірме беру тұрғысынан бірлесіп қарайды.

 

10.1. Жеке және заңды тұлғалардың өтініштерін қарау тәртібі

 

119. Жеке және заңды тұлғалардың өтініштері бойынша іс жүргізу іс жүргізудің басқа түрлерінен бөлек жүргізіледі.

          Жеткізгіш түріне қарамастан, ЭЦҚ тексерудің оң нәтижесін белгіленген тәртіппен айқындау туралы растауы бар электрондық құжаттарды қоса алғанда, жеке және заңды тұлғалардан түсетін өтініштер мен сұрау салулар олар түскен күні ЭҚЖ-да тіркеледі.

120. Өтініштерді қарау мерзімі тіркелген күннен бастап:

         егер өзге субъектілерден, лауазымды тұлғалардан ақпарат  алу не жергілікті жерге барып тексеру талап етілмесе  – күнтізбелік 15 (он бес) күннен;

        егер қарау үшін өзге субъектілерден, лауазымды тұлғалардан ақпарат  алу не жергілікті жерге барып тексеру талап етілсе – күнтізбелік 30 (отыз) күннен аспауы тиіс.

         Қосымша зерделеу немесе тексеру жүргізу қажет болған  жағдайларда  өтініштерді қарау мерзімін Агенттік Төрағасы немесе оның орынбасары күнтізбелік  30 (отыз) күннен асырмай ұзартуы мүмкін,  ол туралы өтініш берушіге қарау мерзімі ұзартылған күннен бастап күнтізбелік 3 (үш) күн ішінде хабарланады.

121. Егер қайталанған өтініштерде (бір адамнан сол бір мәселе бойынша кемінде екі рет түскен)  жаңа дәлелдер немесе жаңадан ашылған  мән-жайлар  келтірілмесе, ал осының алдындағы өтініштер  материалдарында тексерудің толық материалдары бар болса және өтініш берушілерге белгіленген тәртіппен жауап  берілсе, өтініштерді қарау тоқтатылады.

         Өтініштерді қарауды тоқтату, бақылаудан алу туралы шешімді Агенттіктің Төрағасы  немесе оның орынбасары қабылдайды.

122. Жазбаша сұрау салуларға жауаптар:

          депутаттарға – 10 күннен  аспайтын мерзімде беріледі;

          заң көмегін  көрсетумен байланысты  адвокаттарға – 10 (он) жұмыс күні ішінде (сұратылған ақпарат шектеулі қол жеткізуі бар ақпаратқа  жатқызылған жағдайларды қоспағанда) беріледі.

 

10.2. Жалпыға қолжетiмдi ақпараттық жүйелер арқылы

түскен жазбаша сұрау салуларды қарау тәртібі

 

123. Жалпыға қолжетiмдi ақпараттық жүйелер арқылы  және Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес түскен жазбаша  сұрау салулар, оларға теңестірілген мемлекеттік органдар бірінші басшыларының блог-платформалары арқылы электрондық нысанда жіберілген    сұрау салу
     «Жеке және заңды тұлғалардың өтiнiштерiн қарау тәртiбi туралы» Қазақстан Республикасы Заңында айқындалған тәртiпте  ҚҚҚ-да есепке алуға және тіркелуге жатады.

         «Ақпаратқа қол жеткізу туралы» Қазақстан Республикасының Заңына сәйкес ақпарат беру туралы  сұрау салулар тіркеу нөміріне «С» әріптік индексі  қосыла отырып тіркеледі.

124. Электрондық үкіметтің «Ашық сұхбат» интернет-портал платформасының блогына  (бұдан әрі – Блог) түсетін өтініштердің  күн сайынғы мониторингін, сондай-ақ жауаптарды орналастыруды БАҚБ жүзеге асырады.

         Блогқа түскен өтініштер/сұрау салулар тіркеуге және Агенттік Төрағасының қарауына жіберу  үшін ҚҚҚ жауапты қызметкеріне тіркеу үшін дереу беруге жатады.

125. Жазбаша сұрау салуға жауап:

        түскен күннен бастап күнтізбелік он бес күн ішінде;

         өзге де ақпарат иеленушілерден ақпарат алу талап етілетін жағдайларда, Агенттік Төрағасы немесе оның орынбасары  қарау мерзімін күнтізбелік 
15 (он бес) күннен аспайтын мерзімге бір рет ұзартуы мүмкін, бұл туралы қарау мерзімі ұзартылған сәттен бастап 3 (үш)  жұмыс күні ішінде;

        «Ақпаратқа қол жеткізу туралы» Қазақстан Республикасының Заңында белгіленген тәртіпте сұрау салынған ақпаратты орналастыруға жауапта көрсетілген жағдайда, сондай-ақ қайталанған өтініште – сұрау салынған ақпаратқа қол жеткізу тәсілдері және орны туралы  мәліметтер көрсетіліп,               3 (үш)  жұмыс күнінен кешіктірмей;

           жазбаша сұрау салу  бойынша  ақпарат  беруден дәлелді бас тарту – сұрау салу тіркелген күннен бастап 5 (бес)  жұмыс күні ішінде беріледі.

          Агенттік құзыретіне кірмейтін ақпаратқа сұрау салынғанда – түскен күннен бастап  3 (үш)  жұмыс күнінен кешіктірмей бұл туралы өтініш берушіні бір мезгілде хабардар ете отырып, құзыреті бойынша қайта жіберіледі.

 

         10.3. Өтініштерді  қарауға бақылау ұйымдастыру тәртібі

 

126. Агенттік басшылығының қарарында айқындалған мерзімдерді қоспағанда, өтініштерді қарау мерзімдері олардың ЭҚЖ-да тіркелген күнінен бастап есептеледі.
127. Агенттіктің құрылымдық бөлімшелері мен ЭТД-ның өтініштерді уақтылы және сапалы қарауын бақылау ҚҚҚ-ға жүктеледі.        

           ҚҚҚ жауапты қызметкері күні бұрын   өтініштердің/сұрау салулардың мерзімі аяқталғанға дейін  орындаушыларға алдағы кезеңде бақылауда және орындауда тұрған  өтініштердің апта сайынғы тізбесі түрінде электрондық еске салу жібереді.

         Жауаптар Агенттік басшылығының және оның орынбасарларының қол қоюына  ҚҚҚ арқылы күні бұрын  белгіленген мерзім аяқталғанға дейін кемінде 2 (екі) күн бұрын ұсынылады және өтініш берушілерге  көрсетілген мерзімге дейін  кемінде  1 (бір) күн қалғанда жіберілуге тиіс.

128. Жеке және заңды тұлғалардың өтініштерімен, сондай-ақ жазбаша сұрау салуларымен жұмысты ұйымдастыруға, оларды қараудың уақтылығына, сапасына және толықтығына Агенттіктің құрылымдық бөлімшелерінің басшылары мен лауазымды тұлғалары жеке жауап береді.

 

 

10.4. БАҚ жазбаша сұрау салуларымен жұмыс тәртібі

 

129. БАҚ-тан түсетін жазбаша сұрау салуларды БАҚБ-ға бір мезгілде жібере отырып, ҚҚҚ дереу орындаушыға жеткізеді. 

         Орындаушы құрылымдық бөлімше БАҚ сұрау салуына Агенттік Төрағасының жетекшілік ететін орынбасарымен келісілген жауап жобасын, егер сұрау салудың өзінде  өзгеше көрсетілмесе,  сұрау салу түскен нысанда және тілде БАҚТ-қа мынадай мерзімде:

        ұсынылған ресми хабарларды түсіндіру бойынша сұрау салуға  – сұрау салу тіркелген күннен бастап 2 (екі) жұмыс күні ішінде;

         ақпарат ұсыну туралы сұрау салуға  – сұрау салу тіркелген күннен бастап
7 (жеті) жұмыс күні ішінде ұсынады.

        Қосымша зерделеуді және тексеруді  талап ететін сұрау салуларды қарау мерзімдерін ұзартуға не өзге де ақпарат иеленушілерден ақпарат алуға ұзартылған күннен бастап 2 (екі) жұмыс күні ішінде БАҚ-ты жазбаша хабардар ете отырып,  Агенттік  Төрағасының жетекшілік ететін орынбасары қол қойған, дәлелді  қызметтік жазба негізінде  Агенттік Төрағасының шешімі бойынша бір рет жол беріледі. 

         Мерзімдер ұзартылған жағдайда жауаптың жобасы ұзартылған күннен бастап күнтізбелік 10 (он) күн ішінде БАҚБ-ға ұсынылады.

           Егер сұратылатын ақпарат беру  Агенттіктің құзыретіне кірмейтін жағдайда, сұрау салу ол түскен күннен бастап 1 (бір) жұмыс күні ішінде сұрау салуды жіберген БАҚ-ты бір мезгілде хабардар ете отырып, тиісті ақпарат иеленушіге жіберілуге тиіс.

130. БАҚБ Агенттіктің басшысы қол қойған сұрау салуларға жауаптарды мерзімінде және «Бұқаралық ақпарат құралдары туралы» Қазақстан Республикасы Заңының талаптарын сақтай отырып,  сұрау салу жіберген БАҚ-қа жолдайды.

          Агенттіктің Төрағасы жауапқа қол қою құқығын орынбасарларының біріне не Агенттіктің құрылымдық  бөлімшелерінің басшыларына бере алады. 

131. БАҚ-тың жазбаша сұрау салулары бойынша жауаптардың уақтылы және толық берілуіне Агенттік құрылымдық бөлімшелерінің басшылары және  ЭТД жауапты болады.

 

10.5.  Келушілерді қабылдауды  ұйымдастыру

 

132. Жеке тұлғаларды және заңды тұлғалардың өкілдерін қабылдауды Агенттік Төрағасы, оның орынбасарлары және Аппарат басшысы айына бір рет Агенттік  Төрағасының   тоқсан   сайынғы  бұйрығымен  бекітілетін      кестеге сәйкес жүргізеді және СЖБД-ның алдын ала жазбасы бойынша ұйымдастырылады.  

          Кесте Агенттіктің интернет-ресурсында, сондай-ақ мемлекеттік және орыс тілдерінде қолжетімді шолуға арналған  орындарға орналастырылады. 

          Азаматтарды қабылдауды есепке алуды ҚҚҚ жауапты қызметкері  азаматтарды қабылдауды есепке алу  журналына өтініш берушінің Т.А.Ә., оның жұмыс орнын, лауазымын, мекенжайын, телефон нөмiрiн, өтiнiштiң қысқа мазмұнын, тапсырманы және қарау нәтижесiн көрсете отырып  жүргізеді.

          Азаматтарды қабылдау кезек тәртібімен жүргізіледі. Ұлы Отан соғысына қатысушылар, оларға теңестірілген адамдар, мүгедектер, жүкті әйелдер кезектен тыс қабылданады. 

         Қабылдауды жүзеге асыратын лауазымды адам келушілер қойған сұрақтарға білікті шешім қабылдауды қамтамасыз ету үшін  оларды қарауға Агенттіктің қызметкерлерін (жұмыскерлерін) тартады, олар өз құзыретіне сәйкес ақпаратты дайындайды және береді. Келуші қайта жүгінген кезде бұрын жіберілген өтініштер зерделенеді және материалдар ұсынылады.

 

11-бөлім.  Нормативтік құқықтық актілер жобаларын дайындау,

рәсімдеу және келісу тәртібі

 

133. Заңдардың, Қазақстан Республикасы Президенті Жарлықтарының, Үкімет қаулыларының, Қазақстан Республикасының Премьер-Министрі өкімдерінің, халықаралық ұйымдар шешімдерінің жобаларын (бұдан әрі -жобалар), Төрағаның құқықтық бұйрықтарын дайындау – «Құқықтық актілер туралы», «Қазақстан Республикасының халықаралық шарттары туралы», «Қазақстан Республикасындағы тіл туралы» Қазақстан Республикасы заңдарының, Қазақстан Республикасы Президентінің Қазақстан халқына Жолдауының жобасын дайындау, келісу және Қазақстан Республикасы Президентінің қарауына ұсыну, Қазақстан Республикасы Президентінің актілері мен тапсырмаларының жобаларын дайындау, келісу, қол қоюға ұсыну қағидаларының, Қазақстан Республикасы Президентінің Қазақстан халқына Жолдауын іске асыру, Қазақстан Республикасы Президентінің актілері мен тапсырмаларының, сондай-ақ Қазақстан Республикасы Қауіпсіздік Кеңесі мен Қазақстан халқы Ассамблеясының шешімдеріндегі тапсырмалардың орындалуын бақылауды жүзеге асыру, Қазақстан Республикасы Президентінің 2010 жылғы 27 сәуірдегі № 976 Жарлығымен бекітілген Қазақстан Республикасы Президентінің нормативтік құқықтық жарлықтарына, Қазақстан Республикасы Үкіметінің 2002 жылғы 10 желтоқсандағы № 1300 қаулысымен бекітілген Қазақстан Республикасы Үкіметінің Регламентіне (бұдан әрі – Үкімет Регламенті), Қазақстан Республикасы Үкіметінің 2016 жылғы 29 желтоқсандағы № 907 қаулысымен бекітілген Қазақстан Республикасының уәкілетті органдарында заң жобалау жұмысын ұйымдастыру қағидаларының, Үкіметтің 2016 жылғы 6 қазандағы № 568 қаулысымен бекітілген Нормативтік құқықтық актілерді ресімдеу, келісу, мемлекеттік тіркеу және олардың күшін жою қағидаларының, Үкіметтің 2016 жылғы 6 қазандағы № 569 қаулысымен бекітілген Заңға тәуелді нормативтік құқықтық актілердің жобаларын
     және өзге де нормативтік құқықтық актілерді әзірлеу, келісу қағидаларының талаптарына сәйкес Агенттіктің құрылымдық бөлімшелері Агенттік басшылығының шешімі бойынша жүзеге асырады.

               Президент Әкімшілігінің, Үкіметтің, жоғары тұрған лауазымды тұлғалардың, Агенттік басшылығының тапсырмалары және Қазақстан Республикасының құқықтық актілерінің талаптары жобаларды әзірлеу үшін негіз болып табылады.

134. Құзыретіне сәйкес не Агенттік басшылығының шешімі бойынша Агенттіктің құрылымдық бөлімшелері (бұдан әрі – әзірлеуші-ҚБ) әзірлеген жобалар барлық мүдделі құрылымдық бөлімшемен келісуге жатады, қорытындысы бойынша ҚҚД-ға заң сараптамасын жүргізу үшін міндетті түрде жіберілуі тиіс.

ҚҚД-ның заң сараптамасын жүргізу қорытындысы бойынша әзірлеуші ҚБ жобаларын тиісті мәселелерге жетекшілік ететін Төрағаның орынбасарына не Агенттіктің Аппарат басшысына оның өкілеттіктері шеңберінде келісуге және виза қоюға жібереді.

ҚҚД жобаның күрделілігіне қарай 3  (үш) – 5 (бес)  жұмыс күні ішінде жобаларға құқықтық сараптама жүргізеді.

Осы тармақтың екінші бөлігінде көрсетілген лауазымды адамдар жобаны үш жұмыс күні ішінде қарайды. Төраға қажет болған жағдайда жобаны қараудың және ұсынудың өзге тәртібін белгілейді.

         Жобаны әзірлеуші-ҚБ жобаның қабылдану қажеттігін негіздей отырып, анықтаманы міндетті түрде қоса отырып, Төрағаның қарауына енгізеді.

135. Әзірлеуші-ҚБ жауапты қызметкері/жұмыскері қолжетімділігі шектеулі ақпаратты қамтымайтын жобаларды ашық құқықтық актілердің
     интернет-порталына (бұдан әрі – интернет-портал) және мемлекеттік органдардың интернет-ресурстарының бірыңғай платформасында (МОИРБП) Қазақстан Республикасы Ақпарат және коммуникациялар министрінің 2016 жылғы 30 маусымдағы № 22 бұйрығымен бекітілген Заң жобалары тұжырымдамаларының жобаларын және құқықтық актілердің жобаларын ашық құқықтық актілердің интернет-порталында орналастыру және жария талқылау қағидаларына сәйкес жария талқылау үшін орналастырады.

Жобаны интернет-порталға орналастырған әзірлеуші-ҚБ-ның жауапты қызметкері/жұмыскері күн сайын коментарийлердің түсу мәніне тексеру жүргізеді.

Коментарий түскен кезде  әзірлеуші ҚБ-ның жауапты қызметкері  жоба бойынша ескертулерді қабылдау не қабылдамау туралы негізделген жауапты ұсынуды қамтамасыз етеді.

136. Кәсіпкерлік субъектілерінің мүдделерін қозғайтын жобалар бойынша әзірлеуші-ҚБ жобаның ҚҚД-ның интернет-порталына орналастырылғаны туралы жазбаша хабардар етеді.

ҚҚД сараптамалық кеңестерге және Қазақстан Республикасының Ұлттық кәсіпкерлер палатасына сараптамалық қорытындыларды алу үшін жобаны интернет-порталға орналастыру туралы хабарлама жібереді.

           Ескертулерімен қорытындылар түскен кезде, әзірлеуші-ҚБ ескертулерді қабылдау не қабылдамау туралы шешім қабылдайды. Ұсынылған ескертулермен келіспеген жағдайда әзірлеуші-ҚБ Қазақстан Республикасының заңнамасында белгіленген мерзімде Төрағаның жетекшілік ететін орынбасарының қолы қойылған негізделген жауапты ұсынады.

137. Азаматтардың құқықтарына, бостандықтары мен міндеттеріне қатысты жобалар бойынша әзірлеуші-ҚБ Қоғамдық кеңеске жіберу үшін
     ҚҚД-ға жібереді.

          Ұсынылған ұсынымдармен келіспеген жағдайда әзірлеуші-ҚБ Қазақстан Республикасының заңнамасында белгіленген мерзімде Төрағаның жетекшілік ететін орынбасарының қолы қойылған негізделген жауапты ұсынады.

138. Әзірлеуші-ҚБ жобалары Төрағаның ЭЦҚ-сын қолдана отырып, куәландырылған электрондық құжат нысанындағы МОИП арқылы мүдделі мемлекеттік органдармен келісіледі.

Бұл ретте Үкімет қаулылары мен Қазақстан Республикасының  Президенті Жарлықтарының жобалары міндетті түрде Қазақстан Республикасының Әділет және Ұлттық экономика министрліктерімен  бірге келісіледі.

МОИП-та келісу кезеңдеріне орындаушы, басқарма басшысы, басшының орынбасары және жобаны әзірлеуші-ҚБ басшысы, Агенттіктің келісуші құрылымдық бөлімшелерінің басшылары, мемлекеттік тілге аударуды қамтамасыз ететін құрылымдық бөлімшенің жауапты қызметкері, Агенттік Төрағасының жетекшілік ететін орынбасары немесе Аппарат басшысы міндеттерді бөлуге сәйкес не оларды алмастыратын адамдар енгізіледі.

          Жобаға ҚҚД-ның басшысы және Агенттік Төрағасы  не оларды алмастыратын адамдар қол қояды.

139. Дербес жауапкершілік:

жобаны белгіленген мерзімде сапалы әзірлеу ҚБ-әзірлеушіге (жауапты орындаушы, басшы) жүктеледі.

Агенттіктегі мемлекеттік  және орыс тілдеріндегі жоба мәтіндерінің теңнұсқалылығы – Ұйымдастыру жұмыстары басқармасына (ҰБ) жүктеледі.

140. «ҚБПҮ» деген белгісі бар жобаны Қазақстан Республикасы Әділет министрлігіне мемлекеттік тіркеуге жіберген кезде ҚҚД басшысы не оны алмастыратын адам әр парағына қол қояды.
141. Басқа мемлекеттік органдардан Агенттікке келісуге түскен жобаларды ҰБ міндеттерді бөлуге сәйкес Агенттік басшылығының қарауына жібереді, ол Агенттіктің жобаның өтуіне жауапты құрылымдық бөлімшесін және Агенттіктің мүдделі құрылымдық бөлімшелерін өздерінің құзыретіне сәйкес айқындайды. Барлық түскен жоба міндетті түрде ҚҚБ-мен келісіледі.

 Агенттіктің құрылымдық бөлімшелері келісу мерзімі аяқталғанға дейін
5 жұмыс күні бұрын, ал келісу мерзімі 5 жұмыс күнінен кем құжаттар бойынша – 1 жұмыс күні бұрын, егер Агенттік басшылығы неғұрлым қысқа мерзім белгілемесе, жобаны қарайды және өз қорытындыларын Агенттіктің жобаның өтуіне жауапты құрылымдық бөлімшесіне ұсынады.

            Жобаларды қараудың жалпы мерзімі Үкімет Регламентінде және норма шығару қызметі саласындағы өзге де құқықтық актілерде, сондай-ақ жоғары тұрған мемлекеттік органдар мен лауазымды адамдардың тапсырмаларында айқындалады.

142. Жоғары тұрған органдардың және (немесе) лауазымды адамдардың жеделдету туралы хаттамалық не өзге де тапсырмалары бар жобалар бойынша бірлесіп орындаушы құрылымдық бөлімшелер өз қорытындыларын Агенттіктің жауапты құрылымдық бөлімшесіне Агенттікте қарау мерзімі аяқталғанға дейін
     2 (екі) жұмыс күні бұрын, ал орындалу мерзімі 1-2 (бір-екі) күн жобалар бойынша жоба түскен күні ұсынады.
143. Агенттіктің жауапты құрылымдық бөлімшесінің орындаушысы мүдделі бөлімшелердің ұстанымын жинақтайды және әзірлеуші органға Агенттіктің құзыреті шегінде ескертулердің болуы не болмауы туралы жауап жобасын дайындайды, ол МОИП арқылы жобаның өтуіне жауапты Агенттіктің құрылымдық бөлімшесінің басшысымен, мүдделі бөлімшелердің басшыларымен, міндеттерді бөлуге сәйкес Агенттіктің басшылығымен келісіледі.

Бұл ретте жобаны ескертулерсіз келісу Төрағаның ЭЦҚ-мен жүзеге асырылады. Егер келісуші мемлекеттік органдардың ең болмағанда біреуі жобаны пысықтауға жіберген немесе келісуден бас тартқан жағдайда, Төрағаның бірінші орынбасарына, Төрағаның орынбасарларына не Агенттіктің Аппарат басшысына ескертулерсіз жобаны келісуге жол беріледі.

144. Жобаны ескертулерсіз келісу мүмкіндігі туралы қорытынды дайындалған жағдайда, әзірлеуші орган жобаның түпнұсқасын виза қоюға (қағаз жеткізгіште виза қою қажет болған жағдайда) ұсынады, ал жауапты орындаушы МОИП-та жобаны келісудің ішкі парағын басып шығарады және жобаны кейіннен Төрағаға виза қоюға енгізу үшін жобада көзделген, оның ішінде Агенттіктің ескертулері бойынша пысықталған түзетулерді сипаттай отырып анықтама дайындайды.

 

12-бөлім. Жеке-дара қолданылатын құқықтық бұйрықтарды

дайындау, ресімдеу және келісу тәртібі

 

145. Төрағаның негізгі қызмет бойынша жеке-дара қолданылатын құқықтық актілерінің жобаларын (кадр мәселелерінен басқа) әзірлеуші-ҚБ дайындайды, мынадай тәртіппен:

әзірлеуші-ҚБ басшыларымен не оларды алмастыратын адамдармен;

мүдделі құрылымдық бөлімшелердің басшыларымен;

ҚҚД басшысымен не оны алмастыратын адаммен;

Агенттік Төрағасының жетекшілік ететін орынбасарымен не Аппарат басшысымен олардың өкілеттіктері шеңберінде не оларды алмастыратын адамдармен келісіледі және виза қойылады.

146. Агенттіктің негізгі қызмет бойынша бұйрықтарына қол қойылғаннан кейін, ҚҚҚ оларды тіркеуді ЭҚЖ-да және тиісті журналдарда жүргізеді.

Бұйрықтар күнтізбелік жыл шегінде реттік нөмірмен нөмірленеді. Бұйрықтардың көшірмелері немесе олардың көбейтілген даналары мөрмен расталады және орындаушы қол қояды.

147. Негізгі қызмет бойынша Агенттік басшылығы бұйрығының көшірмесін беруді ҚҚҚ, «Көшірме дұрыс» деген жазбаны ресімдеп, көшірмесіне мөр қоя отырып және осы жазбаны қойған адамның тегі мен аты-жөнін көрсете отырып жүзеге асырады.
148. Негізгі қызмет бойынша бұйрықтардың түпнұсқаларын беруді Қазақстан Республикасының заңнамасына сәйкес ҚҚҚ қызметкері (жұмыскері) Агенттіктің құрылымдық бөлімшесін, Агенттік қызметкерінің (жұмыскерінің) тегі мен аты-жөндерін, бұйрықтың түпнұсқасын алу мақсатын, берілген күнін және Агенттік бұйрығының түпнұсқасын қайтарудың болжамды күнін міндетті түрде көрсете отырып, тиісті журналға қол қойғызу арқылы жүзеге асырады.

 

12.1. Кадр мәселесі жөнінде жеке-дара қолданылатын

 құқықтық бұйрықтарды дайындау, ресімдеу және келісу тәртібі

 

149. Агенттіктің басшылары мен қызметкерлеріне (жұмыскерлеріне), сондай-ақ ЭТД-ға қатысты лауазымға тағайындау және лауазымнан босату, ауыстыру, жұмыстан босату, бірінші және кезекті біліктілік сыныптарын белгілеу, сыныптық біліктіліктерді беру, растау және төмендету/айыру, демалыс беру, іссапарға жіберу, тәртіптік жаза қолдану, көтермелеу, үстемеақылар төлеу, сыйлықақы беру, біліктілікті арттыру курстарына жіберу, материалдық көмек көрсету туралы бұйрықтарды кадр бөлімшесі дайындайды және оларға Төраға бекіткен міндеттерді бөлуге және лауазымдар номенклатурасына сәйкес Агенттік басшылығы қол қояды.

Бұйрықтардың жобалары барлық қажетті құжат немесе осы құқықтық бұйрықтарды шығаруға негіз болып табылатын олардың көшірмелері болған жағдайда Агенттік басшылығына қол қоюға енгізіледі.

Кадр мәселелері бойынша бұйрықтар кадр бөлімшесінде тіркеледі, күнтізбелік жыл шегінде реттік нөмірмен нөмірленеді.

Бұйрықтардың көшірмелері, үзінділері немесе олардың көбейтілген даналары кадр мөрімен расталады және оларға орындаушы қол қояды.

Жеке құрамды білікті қызметкерлермен сапалы қалыптастыру үшін  кадр бөлімшелері үміткерлердің кәсіби және жеке құзыреттерін (өмірбаяндық жол, қызметтік мінездемелер, бұрынғы жұмыс орнынан ұсынымдар, әлеуметтік желілерге мониторинг жүргізу, жаза қолдану себептері (болған жағдайда), жеке қасиеттерін бағалау, коммуникабельділік) кешенді зерделеу жолымен кандидаттарды іріктеуді және келісуді жүргізеді.

Кандидаттарды ішкі қауіпсіздік желісі бойынша әшкерелейтін материалдарының болуына келісуді ЖҚД қызметкерлері жүргізеді.

          Кандидаттарды тағайындау үшін зерделеу мен келісудің жалпы
мерзімі  - материалдар түскен күннен бастап 5 жұмыс күнінен аспайды.

 

 

          12.2. Жыл сайынғы еңбек демалысын беру және  рәсімдеу тәртiбi 

 

150. Агенттіктің қызметкерлеріне (жұмыскерлеріне) жыл сайынғы еңбек демалысы кадр бөлімшесі қалыптастыратын Демалыс кестесіне сәйкес беріледі және жоспарланған жылдың алдындағы жылдың 15 (он бес) желтоқсанынан кешіктірмей Аппарат басшысының  бекітуіне енгізіледі.     

         Тиісті құрылымдық бөлімшенің және КЖД-ның тікелей басшысы қол қойған демалыс беру туралы баянатты (өтінішті) (бекітілген демалыс кестесіне сәйкес) Агенттік қызметкері (жұмыскерлері) кадр бөлімшесіне демалыстың басталғанына дейін 10 жұмыс күні  бұрын   береді.

               Құрылымдық бөлімшелер басшыларының баянатына (өтінішіне)  Төрағаның жетекшілік ететін орынбасары немесе Аппарат басшысы міндеттерді бөлуге сәйкес қол қояды.

         Жыл сайынғы еңбек демалысын беру  туралы бұйрық жобасын берілген баянаттар (өтініштер)  және бекітілген Демалыс кестесі негізінде кадр бөлімшесі әзірлейді, ЖҚД виза қояды және Агенттіктің  Аппарат басшысының   қол қоюына енгізеді.

 

12.3. Қызметтік іссапарларға жіберу және ресімдеу тәртібі

    

151. Қазақстан Респубикасының шегінде/одан тысқары халықаралық ұйымдар ұйымдастыратын іс-шараларға қатысу, жедел-іздестіру іс-шараларын (бұдан әрі - ЖІІ) (оның ішінде экстрадиялау) жүргізу, оқыту  үшін қызметкерлерді (жұмыскерлерді) іссапарға жіберу туралы бұйрық жобасын дайындауды мүдделі құрылымдық бөлімшелер басшыларының қызметтік жазбасына сәйкес КЖД жүзеге асырады.  

         Халықаралық іссапарға жіберу туралы бұйрық жобасы Агенттіктің Аппарат басшысының   қол қоюына енгізілгенге дейін міндетті тәртіпте ӘД және МҚҚБ-мен келісіледі. 

          Қол қойылған және тіркелген бұйрықтың көшірмесі ХҚБ-ға, МҚҚБ мен ЖҚД-ға беріледі.

         Халықаралық іс-шараларға қатысуға байланысты қызметтік іссапарлар үшін:  

         1) Ақшаны жылыстатуға қарсы күрестің қаржылық шараларын әзірлеу тобы, Қылмыстық кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық топ, Тәуелсіз Мемлекеттер Достастығы, «Эгмонт» қаржы барлау бөлімшелері топтарының  және басқа халықаралық ұйымдар мен  бірлестіктердің, сондай-ақ шет мемлекеттерінің  құзыретті органдары  құжаттарының (кестелер, оқиғалар күнтізбелері, хаттар және өзге де құжаттар) негізінде халықаралық ынтымақтастықты жүзеге асыратын Агенттіктің бөлімшелері қалыптастыратын халықаралық іс-шаралардың жыл сайынғы кестесі (бұдан әрі – Кесте);   

         2) жыл ішіндегі  халықаралық ұйымдар мен бірлестіктерден, шет мемлекеттердің құзыретті органдарынан және Қазақстан Респубикасының мемлекеттік органдары мен ұйымдарынан түсетін шақыру хаттар негіз болады.

152. Қызметкер халықаралық іссапардан келген бойда 5 (бес) жұмыс күні ішінде: 

         жүріп-тұру (отырғызу талондары)  бойынша шығыстар туралы құжаттарды қоса бере отырып ақша қаражатының нақты шығыстары туралы аванстық есепті жіберу үшін халықаралық іс-шаралардың өткізілуіне байланысты - Қазақстан Республикасы Сыртқы істер министрлігінің (бұдан әрі – СІМ)  Валюталық қаржы департаментіне, ЖІІ (экстрадициялаумен) байланысты - ӘД-ге;

         СІМ-ге жіберу  үшін Агенттіктің Аппарат басшысы   қол қойған  іссапар қорытындысы  бойынша есепті,  шақырушы тараптың есебінен жүзеге асырылған халықаралық іс-шараларды және жүргізілген ЖІІ (экстрадициялауды) қоспағанда, ұсынады.    

          Көрсетілген есептерден басқа қызметкер (жұмыскер) Агенттіктің басшысына   сапар мақсаты, талқылауға шығарылған мәселелер, қабылданған шешімдер және қол жеткізілген уағдаластық, сондай-ақ  қабылданған шешімдерді және қол жеткізілген уағдаластықтарды және өзге мәселелерді іске асыру мақсатында өткізілуі қажет іс-шаралар қамтылуы тиіс материалдарды қоса бере отырып толық есеп ұсынуы тиіс.   

153. Қазақстан Республикасы шегінде қызметкерлерді (жұмыскерлерді) іссапарға жіберу туралы өзге де бұйрықтарды  дайындауды кадр бөлімшесі жүзеге асырады, сондай-ақ  Агенттіктің Аппарат басшысына қол қоюға енгізілгенге дейін Әкімшілік департементімен (бұдан әрі - ӘД)   келісіледі.         
154. Оқыту, біліктілікті арттыру мәселелері бойынша және тәжірибе алмасу жөніндегі  іссапар қорытындысы  бойынша қызметкер  7 (жеті) жұмыс күні ішінде  Агенттіктің жұмыскерлеріне  алған тәжірибені таныстыруға,     сондай-ақ материалдарды  «Танысу үшін» деген желілік папкаға орналастыруға міндетті.      
155. Агенттіктің ЭТД-ға шығуы баянаттар (өтініштер) негізінде жүзеге асырылады.

          Агенттік қызметкерлерінің (жұмыскерлерінің)  іссапар мерзімдерімен баянаттарын (өтініштерін):

          10 (он) күнге дейін (жолы ескеріле отырып)  Төрағаның жетекшілік ететін орынбасары;

          10 (он) күннен  астам  Аппарат басшысы  қарайды.                                                                          

156. Төраға орынбасарларының, Аппарат басшысының, кеңесшінің, Төраға көмекшісінің, ЭТД басшылары мен орынбасарларының қызметтік іссапарлары бойынша баянаттарын Агенттіктің Төрағасы қарайды.
157. Агенттік қызметкерлерінің (жұмыскерлерінің) қызметтік іссапарларын ұзарту тиісті  бөлімшенің басшысы  мен Төрағаның жетекшілік ететін орынбасары виза қойған қол қойған баянаттың (өтініштің) негізінде  Агенттіктің Аппарат басшысының  шешімі бойынша жүзеге асырылады. 
158. Тиісті бөлімше басшысы виза қойған, іссапарға жіберілген қызметкерлердің (жұмыскерлердің) қойған қолдарымен   қызметтік іссапарлар нәтижесі туралы есептер (еркін нысанда) келу күнінен бастап 5 (бес) жұмыс күні ішінде:

          мерзімі 10 (он) күнге дейін (жол ескеріле отырып) іссапарға жіберу  Агенттік Төрағасының жетекшілік ететін орынбасарының атына;

        10 (он) күннен  астам іссапарға жіберу    Аппарат басшысының (Агенттік Төрағасының) атына ұсынылады.

          Есепке алу және бақылау үшін орындалған жұмыс туралы есептердің көшірмелері  іссапар аяқталғаннан кейін 5 (бес) жұмыс күні ішінде кадр бөлімшесіне ұсынылады. 

           КЖД тоқсан сайынғы негізде Агенттік қызметкерлерінің (жұмыскерлерінің) қызметтік іссапарларға шығуының тиімділігі туралы  Аппарат басшысына баяндайды. 

           159.ЭТД қызметкерлерінің (жұмыскерлерінің                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                         ) жедел-тергеу топтарының жұмысына, семинарларға  қатысу үшін, тағылымдамалардан өту, оқу, практикалық көмек көрсету үшін Агенттікке шығулары   Агенттіктің тиісті бөлімшелерінің  баянаттары (өтініштері) негізінде Агенттіктің Аппарат басшысының  келісуі бойынша жүзеге асырылады.  

           ЭТД қызметкерлерін (жұмыскерлер) іссапарға жіберу туралы Агенттіктің Аппарат басшысымен келісілген баянатты (өтінішті) ЭТД-ға тиісті сұрау салу  дайындау үшін  тиісті құрылымдық бөлімшелер кадр бөлімшесіне  жолдайды.  

          Қызметкерлерді (жұмыскерлерді) Агенттікке іссапарға жіберу бұйрықтарын ЭТД басшылары шығарады. 

          Жедел-тергеу топтарына қатысуды қоспағанда, ЭТД қызметкерінің (жұмыскерінің) іссапар мерзімі:

          алқаға не өзге кеңеске қатысу үшін, нақты істер және аттестаттау бойынша баяндама үшін   –   3 (үш) жұмыс күнінен;

          жолды есепке алмағанда, басқа мәселелер бойынша –  5 (бес) жұмыс күнінен аспауы тиіс.

160. ЭТД-дан келген қызметкерлерді (жұмыскерлерді) есепке алуды Агенттіктің КЖД жүргізеді.

 

13-бөлім. Агенттіктің жанындағы алқалы органдар

 

161. Қоғамдық кеңес «Қоғамдық кеңестер туралы» Қазақстан Республикасының Заңында белгіленген тәртіппен коммерциялық емес ұйымдармен және азаматтармен бірлесіп Агенттік құратын консультативтік-кеңесші, байқау органы болып табылады.

Қоғамдық кеңес қызметінің мақсаты  –   сыбайлас жемқорлыққа қарсы іс-қимыл саласындағы бірыңғай мемлекеттік саясатты іске асыруға қатысты қоғамдық маңызды мәселелер бойынша азаматтық қоғамның пікірін білдіру.

Қоғамдық кеңестің ұсынымдары Агенттіктің қарауы үшін міндетті болады, олар бойынша Қазақстан Республикасының заңнамасында көзделген шешімдер қабылданады және уәжді жауаптар беріледі.

Қоғамдық кеңес туралы ережені және оның құрамын Төраға бекітеді.

162. Сараптау кеңесі:

          Кәсіпкерлікті қолдау және қорғау, оның ішінде әкімшілік кедергілерді жою мақсатында  мемлекеттік органдардың қызметін жетілдіру жөнінде ұсыныстар әзірлеу;

          Кәсіпкерліктің мүдделерін қозғайтын Қазақстан Республикасының заңнамасын жетілдіру бойынша ұсыныстар әзірлеу;

               кәсіпкерліктің мүдделерін қозғайтын нормативтік құқықтық актілердің жобаларына, Қазақстан Республикасы халықаралық шарттарының, сондай-ақ Қазақстан Республикасы қатысушысы болуға ниеттенетін халықаралық шарттардың жобаларына сараптау кеңестерінің мүшелерінен сараптама қорытындыларын алу жөніндегі жұмысты ұйымдастыртын консультацивтік-кеңесші орган.

163. Агенттіктің Қоғамдық кеңесінің жұмысын ұйымдастыруды СЖБД, Сараптау кеңесінің жұмысын ұйымдастыруды ҚҚД үйлестіреді.

 

14-бөлім.  Еңбек  тәртібінің қағидалары

 

164. Агенттіктің жұмыс тәртібі Қазақстан Республикасының Еңбек кодексімен, «Қазақстан Республикасының мемлекеттік қызметі туралы» және «Құқық қорғау қызметі туралы» Қазақстан Республикасының Заңдарымен реттеледі.

         Агенттікте және ЭТД-да бес күндік жұмыс аптасы белгіленеді. Жұмыстың басталуы сағат 9-да, аяқталуы –  18 сағат 30 минутта. Агенттік Төрағасының  шешімі бойынша икемді жұмыс уақытын белгілеу мүмкіндігімен түскі үзіліс
сағат 13.00-ден бастап сағат 14.30-ға дейін.   

Жедел орындаудан Агенттіктің немесе оның жекелеген құрылымдық бөлімшелерінің одан әрi қалыпты жұмыс iстеуi байланысты болатын шұғыл әрі алдын ала күтпеген жұмыстарды орындау үшін лауазымды тұлғалар еңбек заңнамасында, мемлекеттік және құқық қорғау қызметі туралы заңнамаларда  белгіленген тәртіппен демалыс және мереке күндері жұмысқа тартылады.

165. Агенттіктің, ЭТД-ның қызметкерлеріне (жұмыскерлеріне)  Агенттік ғимаратына кіруге рұқсат беру электронды магнитті карточкалар  (рұқсаттамалар), қызметтік куәліктер бойынша жүзеге асырылады.   

          Агенттіктің әкімшілік  ғимараттарына:

          Агенттік қызмет көрсетуге, техника жөндеуге, жөндеу-құрылыс және монтаж жұмыстарын орындауға шарт жасасқан басқа ұйымдар  өкілдерінің кіруіне рұқсат беру ӘД-нің басшысы берген тізімдер (баянаттар) және олардың жеке басын куәландыратын  құжаттар негізінде жүзеге асырылады. 

         мемлекеттік органдардың лауазымды тұлғаларының,  ұйымдар мен шетелдік азаматтардың кіруіне рұқсат беру Агенттік Төрағасы бекіткен тәртіпте жүзеге асырылады.  

 

 

 

 

 

 

 

 

 

	Қазақстан Республикасы Қаржылық мониторинг агенттігінің  Регламентіне 1-қосымша   3,5 см                                                                      ҮЛГІ
		«Бекітемін» Қазақстан Республикасы Қаржылық мониторинг агенттігінің  Төрағасы _________________Ж. Элиманов «___»__________20__ж.

                                                                                                                                                                                    2 интервал

 

Қазақстан Республикасы Қаржылық мониторинг агенттігінің 20__ жылға арналған  жұмыс жоспары                               1 интервал

р/с №

Іс-шараның атауы

Аяқталу нысаны

Жауапты орындаушылар

Орындау мерзімі

I. Превенция және талдау жұмысы

1

«Қамқор» ЖПІ өткізуді жалғастыру

ЭТД-ларға  схемалар жіберу

ПжТӘД ТӘБ Р.И. Остроумов, Ч.Б. Дусанов,   Ж.Т. Бертисов

тоқсан сайын

II. Жедел-іздестіру қызметін ұйымдастыру

 

 

 

 

Қазақстан Республикасы Қаржылық мониторинг агенттігінің  Регламентіне 2-қосымша 3,5 см                                                          Үлгі
«Бекітемін» Қазақстан Республикасы Қаржылық мониторинг агенттігінің  Төрағасы _________________Ж. Элиманов  «___»__________20__ж.

                                                                                                   2 интервал

 

Қазақстан Республикасының Қаржылық

 мониторинг агенттігі   алқаларының

20__ жылға арналған жоспар-кестесі
2,5 см                                                                                                                                                                                                  1,5 см

                                                                                            

                                                                                                   1 интервал

р/с №	Мәселенің атауы	Алқаны өткізу күні	Агенттік Төрағасының жауапты орынбасары	Жауапты орындаушылар (лауазымды тұлғаның тегі, аты, әкесінің аты (бар болса), атқаратын лауазымы)
1	2	3	4	5
1.	…………….	……	……………
2.	…………….	……	……………

                    

                       2 интервал

                                                                              

                 СЖБД  басшысы                                                                                                   

                                                                                                       

 

 

 

 

 

 

 

 

Ескертпе:

Алқалардың жоспар-кестесіне мәселені қосу туралы құрылымдық бөлімшелердің ұсыныстары  Стратегия және жедел басқару департаментіне тиісті жылдың 15 қаңтарынан кешіктірілмей ұсынылады, Агенттік Төрағасының жетекшілік ететін орынбасарымен келісілуі және мынаны:

мәселенің атауы және оны алқада талқылау қажеттігінің негіздемесін;

алқада қарау үшін енгізілетін мәселелерді дайындауға жауапты орындаушылардың құрамын;

алқада мәселені қарау күнін қамтуы тиіс.

 

 

 

Қазақстан Республикасы Қаржылық мониторинг агенттігінің  Регламентіне 3-қосымша                                                               Үлгі

                                                                                          3,5 см                                                                                                       Жоба 

Алқаның/аппараттық/жедел кеңестің

ХАТТАМАСЫ

2,5 см                                                                                                                                                                                                  1,5 см

                                                                                               1 интервал

Нұр-Сұлтан қаласы                                                                №__                                                                «__»______20__ж.

(өткізу орны)                                                                 (хаттама нөмірі )                                                                           (өткізу күні)

         1 интервал

Төрағалық етті: ______________________

              1 интервал                   (ТАӘ, лауазымы)

Қатысқандар: _________________________________________________________________

(кеңеске қатысушылардың, шақырылғандардың ТАӘ, лауазымы, қатысушылардың тізімі хаттамаға қосымшамен ресімдедеді.)

                                                           

                                                                1 интервал

КҮН ТӘРТІБІ

                                                                                                            1 интервал

1. ______________________________________________________________________

                                                                                (мәселенің атауы)

                           Баяндамашы: _____________________________________________________________

                                 (баяндамашының ТАӘ, лауазымы)

                           Қосымша баяндамашылар (бар болса):

1) ______________________________________________________

                                   (қосымша баяндамашының ТАӘ, лауазымы)

              

2. ______________________________________________________________________

                                                                                (мәселенің атауы)

                           Баяндамашы: ______________________________________________________________________

                                (баяндамашының ТАӘ, лауазымы)

                                                                                               1 интервал

1. ______________(күн тәртібіндегі 1-мәселенің атауы)________________

(жарыссөзде сөйлейтін баяндамашының, қосымша баяндамашылардың тектері)

                                                                                1 интервал  

1. Ақпарат (баяндама) назарға алынсын _______________о ________________________________.

(баяндамашының ТАӘ)

2. _____________________________________________________________________________________

( тапсырмада жауапты орындаушылардың ТАӘ, лауазымы, орындау мерзімі көрсетіледі)

                                                                                       

                                                                                        1 интервал

2. ______________( күн тәртібіндегі 1-мәселенің атауы)________________

(жарыссөзде сөйлейтін баяндамашының, қосымша баяндамашылардың тектері)

                                                                                                    1 интервал

1. Ақпарат (баяндама) назарға алынсын _______________о ________________________________.

(баяндамашының ТАӘ)

2. _____________________________________________________________________________________

(тапсырмада жауапты орындаушылардың ТАӘ, лауазымы, орындау мерзімі көрсетіледі)

 

Тапсырмаларды орындау бойынша ақпарат _____________________________________ ұсынылсын.

                                                                                                                (құрылымдық бөлімшенің атауы)

Тапсырмалардың орындалуын бақылау  ______________________________жүктелсін.

                                                                                                            (лауазымы, ТАӘ.)                                                               

 

          2 интервал

Төраға                                                                                                                                          Ж. Элиманов

      2 интервал

 

Келісілді:

Лауазымы__________________________ТАӘ

                                                  (қолы)

Ескертпе:

Ұйымдастырушылық-өкімдік сипаттағы тапсырма күн тәртібінің әрбір мәселесінің бөлінісінде қалыптастырылады. Алқа хаттамасының жобасы Агенттіктің тиісті құрылымдық бөлімшелерімен және Агенттік Төрағасының жетекшілік ететін орынбасарымен келісіледі. Ресімдеуге қойылатын талаптар: қаріп – Times New Roman;   қаріп мөлшері – 14; жоларалық интервал – 1,0; беттің жиегі: сол жақ, жоғары және төмен –2,5 см., оң жақ – 1,5 см.

Қазақстан Республикасы Қаржылық мониторинг агенттігінің  Регламентіне 4-қосымша   Үлгі

          3,5 см

 

 

 

«________________________________» мәселесі бойынша

(мәселенің атауы)                                                                                                                                                      алқаның/аппараттық/жедел кеңестің

АНЫҚТАМАСЫ

                                                                                     

2,5 см                                                                                                                                                                                                  1,5 см

 

                                                                                                            2 интервал

                                                              

Қаралатын мәселе бойынша істердің ағымдағы жай-күйін талдау  (мәселенің мән-жайын сипаттау)______

____________________________________________________________________________________________________________________________________________________________________________________________

Қаралатын салада қабылданған (қабылданатын) шараларды қосымша бере отырып проблемаларды талдау ______________

____________________________________________________________________________________________________________________________________________________________________________________________

 

Қорытынды _____________________________________________________________________________

____________________________________________________________________________________________________________________________________________________________________________________________

 

Ұсыныстар, шешу жолдары (хаттама жобасына енгізілген ұсыныстардың негіздемесі) __________

____________________________________________________________________________________________________________________________________________________________________________________________

 

 

                                 2 интервал

                                         

Құрылымдық бөлімшенің басшысы _______________ тегі, аты, әкесінің аты (бар болса) (бұдан әрі - ТАӘ) (қолы)                                   

                 

                  2 интервал

 

Келісілді:

Агенттік Төрағасының

орынбасары

____________         ТАӘ

         (қолы)

 

 

 

 

 

 

 

 

 

 

Ескертпе:

Ақпараттық анықтаманың көлемі (қосымшаларсыз) 8 (сегіз) беттен аспауы тиіс.

Ресімдеуге қойылатын талаптар: қаріп – Times New Roman;   қаріп мөлшері – 14; жоларалық интервал – 1,0; беттің жиегі: сол жақ, жоғары және төмен –2,5 см., оң жақ – 1,5 см., беттерді нөмірлеу беттің жоғары жағына ортасына қойылады.

 

                                                                            3,5 см

 

ҚР ҚМА-ның   20__ жылғы  «__»______ алқасында

 «_______________» мәселесі бойынша

_____________ департаменті басшысының

баяндамасы

                                                                                    2 интервал

Құрметті Жанат Қалдыбекұлы!

Құрметті кеңеске қатысушылар, шақырылғандар!

2,5 см                                      1 интервал                                                                                                                 1,5 см

Баяндаманың үлгілік құрылымы:

кіріспе бөлім (мәселені, проблеманы қарау қажеттігі неден туындады; проблеманың жай-күйі мен дамудағы үрдістер);

            қаралатын мәселе бойынша істердің нақты жай-күйін  талдау (оң); міндеттермен (егер бұрын қойылған болса) жетістіктерді басқа ұқсас кезеңмен салыстыру;  өзгерістер серпіні, бұған не ықпал етті, кім қамтамасыз етті және орындады (цифрлар, қосымшалар, мысалдар арқылы);

            ненің нәтижесінде қол жеткізе алмағанға және ол неге әкеліп соғады талдау (теріс);

            міндеттер, ұсыныстар – кімге, қандай түрде, қандай қаражатпен, кіммен өзара іс-қимыл жасау және қанша уақытта кемшіліктерді жоюға болады/ жою керек. Егер керек болса – кімнен және не туралы көмек, қолдау сұрау.

            Егер баяндамада бірнеше проблема қарастырылса, онда олардың әрқайсысы жоғарыда келтірілген схема бойынша көрсетіледі. Бірінші кезекте неғұрлым маңыздылары көрсетіледі, проблемаларды кезектесіп көрсету олардың ұқсастықтарымен, өзара байланыстығымен байланыстырылады.

            қорытынды бөлім – онда жалпы пайымдау баяндалады, ол мәселені (проблемаларды), жалпы (телеграфтық) міндеттерді қарауға және қатысушыларды проблемаларды шешуге белсенді кірісуге «шақыруға» мүмкіндік береді.

                    2 интервал

Департамент басшысы                   ________                       ТАӘ                                

                                                                                            (қолы)

Ескертпе: баяндама мәтіні мәселе мәнінің қысқаша мазмұнын, ағымдағы жағдаятты, сондай-ақ тұжырымдалған проблемалардың нақты себептері мен кемшіліктерін, оларды шешудің мақсаты мен жолдарын қамтуы тиіс. 

Ресімдеуге қойылатын талаптар: қаріп – Аrial;   қаріп мөлшері – 16; жоларалық интервал – 1,5; беттің жиегі: сол жақ, жоғары және төмен –2,5 см., оң жақ – 1,5 см., беттерді нөмірлеу беттің жоғары жағына ортасына қойылады.

                Сөз сөйлеулер көлемі 3-4 беттен аспауы тиіс. Сөз сөйлеу регламенті – 7-10 минут.

                 

 

Қазақстан Республикасы Қаржылық мониторинг агенттігінің  Регламентіне 5-қосымша

                                                        3,5 см

 ____ мәселесі бойынша кеңес өткізу тәртібі

  2,5 см                                                                                                       2 интервал                                                                          1,5 см

Өткізілетін орны: _____________________________                

Өткізілетін күні, уақыты: ________________________

Төрағалық етеді ________ ________

                                       2 интервал

 

1. Кеңестің ашылуы

Төрағалық етушінің кіріспе сөзінің тезистері:

Құрметті әріптестер!

Бүгін отырыста (кеңесте) мынадай ______________________ _________________________________________________ мәселені  (не мәселелерді) қарау жоспарланып отыр. 

2. Негізгі бөлігі (күн тәртібінің тармақтарына сәйкес келетін бөлімдерден тұрады).

Бірінші мәселені қарауға өтеміз.

_______________мәселесі бойынша баяндама үшін _______________ сөз беріледі.

Баяндама_____________

Төраға: Баяндамашыға қоятын сұрақтарыңыз бар ма?

Баяндамашыға, қосымша баяндамашыларға, кеңестің басқа да қатысушыларына сұрақтар (ТАӘ, лауазымы, сұрақ)___________________________________________________

Анықтамалық:

(әрбір сұрақ бойынша қысқаша анықтамалық ақпарат келтіріледі) _____________________________________________________________________________

Сұрақтарыңыз немесе сөз сөйлейтіндер бар ма?

3. Қорытынды бөлігі

Төрағалық етушінің қысқаша қорытынды сөзі:

Қорытындылаймыз________________________________________________________

Тапсырма (тапсырма, орындаушылары, мерзімі көрсетіледі)____________________

______________________________________________________________________

Сұрақтарыңыз бар ма? Сұрақтар жоқ.

Назарларыңызға рахмет.

Ескертпе:

Күн тәртібінің әрбір мәселесі бойынша сұрақтар мен тапсырмалар қалыптастырылады.

Ресімдеуге қойылатын талаптар: қаріп – Аrial;   қаріп мөлшері – 16; жоларалық интервал – 1,5; беттің жиегі: сол жақ, жоғары және төмен –2,5 см., оң жақ – 1,5 см., беттерді нөмірлеу беттің жоғары жағына ортасына қойылады.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Қазақстан Республикасы Қазақстан Республикасы Қаржылық мониторинг агенттігінің  Регламентіне                 6-қосымша                                                       Үлгі

 

                                                                                           3,5 см

 

 

 

 

________________________________ мәселесі бойынша

алқаға/аппараттық/жедел кеңеске шақырылғандардың тізімі

 

 

2,5 см                                                                                                   2 интервал                                                                                 1,5 см

Нұр-Сұлтан қаласы                                                                                                   Күні
                                                                                                                                    Уақыты

   Өткізілетін орны

 

 

                                                                                                           2 интервал

р/с №	Тегі, Аты, Әкесінің аты (бар болса)	Лауазымы, жұмыс орны
1.	……………………..	…………………….
2.	……………………..	…………………….

                                 2 интервал

                                         

Құрылымдық бөлімшенің

басшысы                   __________________                                       ТАӘ

(қолы)

Ескертпе:

                 Шақырылғандардың тізімі әліпбилік тәртіпте жасалады, тегі, аты, әкесінің аты (бар болса), атқаратын лауазымы толық жазылады, қысқартуға болмайды.

                 Тізімге мәселені дайындауға жауапты құрылымдық бөлімшенің басшысы, ол болмаған кезде басшының міндетін атқарушы қол қояды.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                                                                                           3,5 см

                                                                                                                        

 

________________________________ мәселесі бойынша

алқада/аппараттық/жедел кеңесте сөз сөйлеушілердің тізімі

 

 

 

2,5 см                                                                                                   2 интервал                                                                             1,5 см

Нұр-Сұлтан қаласы                                                                                                                    Күні                                                                                                                                                        Уақыты

                                                                                                                             Өткізілетін орны

 

                                                                                                           2 интервал

р/с №	Тегі, Аты, Әкесінің аты (бар болса)	Лауазымы, жұмыс орны
1.	……………………..	…………………….
2.	……………………..	…………………….

                                 2 интервал

                    Құрылымдық бөлімшенің басшысы                   __________________                           ТАӘ

                                                                                              (қолы)

Ескертпе:

                         Сөз сөйлеушілердің тізімі сөз сөйлеу тәртібінде жасалады, тегі, аты, әкесінің аты (бар болса), лауазымы қысқартусыз толық жазылады.

                         Тізімге мәселені дайындауға жауапты құрылымдық бөлімшенің басшысы, ол болмаған кезде басшының міндетін атқарушы қол қояды.

 

 

 

 

 

 

 

 

 

 

 

 

 

 

 

 

 

 

 

 

 

 

Дата публикации

19 апреля 2021