2024 жылдың 28 қыркүйек күні Батыс Қазақстан облысы бойынша Экономикалық тергеп-тексеру департаменті "Таза Қазақстан" акциясы аясында толық ауқымды сенбілік өткізді.

Тазалау үшін Жайық өзені жағалауы белгіленді. Іс-шара барысында 10 тоннаға жуық қоқыс жиналып, шығарылды. Акцияға қатысқан қызметкерлерге таза ауада түскі ас әзірленді.
"Таза Қазақстан" акциясы азаматтардың санасында тамырланып, олардың күнделікті өмірінің бір бөлігіне айналуы тиіс. Әркімді табиғатқа мұкият қарауға, полиэтилен және пластмасс бұйымдарын пайдалануды азайту, демалыс аумақтарын қоқыстардан тазарту, сондай-ақ өз аулаларында және облыс аумағында сенбіліктер өткізуге шақырамыз.
Таза Қазақстан — әрқайсымыздың жауапкершілігіміз!