Батыс Қазақстан облысы бойынша Экономикалық тергеп-тексеру департаменті қаржылық пирамидаларға қатысудың тәуекелдері туралы халықты ескертуге бағытталған профилактикалық іс-шараны өткізді.
Іс-шара аясында Департамент қызметкерлері халық көп жиналатын қала базарларының біріне барып, ақпаратқа қолжетімділігі шектеулі және қаржылық тәуекелге бейім азаматтарға ақпараттық парақшалар таратты. Бұл парақшаларда қаржылық пирамидалардың белгілері мен инвестициялық ұсыныстарды таңдауда сақ болу шаралары түсіндірілді.
Іс-шараның басты мақсаты — халықтың қаржылық сауаттылығын арттыру және азаматтардың алаяқтық схемаларға тартылуына жол бермеу болып табылады.