Департамент қызметкерлері үшін Е-өтініш ақпараттық жүйесін қолдану бойынша сабақ өткізілді

Қазіргі таңда Департаментте Қазақстан Республикасының Әкімшілік рәсімдік-процестік Кодексіне көшу, оның ішінде азаматтардың өтініштерін қарау бойынша тиісті жұмыстар жүргізілуде.

Естеріңізге сала кетсек, 2021 жылдың І жартыжылдығында барлық мемлекеттік органдарда азаматтардың өтініштерін қабылдайтын бірыңғай «е-Өтініш» ақпараттық жүйесі енгізілмек.

Аталған жүйе азаматтардың өтінішін мемлекеттік органдарға жеткізу уақытын қысқарта отырып, пошталық сервистерді пайдаланбау мүмкіндігін береді.

Жоба азаматтардың өтініш, арыз, шағымдарын жедел қарастыруға толықтай мүмкіндік береді.

Сондай-ақ, өтініштерге қатысты процестерді цифрландыруды қамтамасыз ететін ақпараттық жүйе:

– мемлекеттік органдардың құзыретіне қарай өтініштерді автоматты түрде бөлуге;

– мемлекеттік органдар арасында сауалдар санын оңтайландыру есебінен өтініштерді қарау мерзімін қысқартуға;

– өтініштерді қарауда барлық саты мен мерзім бойынша өтініш берушіні ақпараттандыруға;

– мемлекеттік органдарға түскен өтініштердің бәрінің бірыңғай базасын құруға мүмкіндік береді.