С.Аманжолов атындағы ШҚУ-де салтанатты түрде мамандандырылған аудитория ашылды

С. Аманжолов атындағы ШҚУ базасында ШҚО Экономикалық тергеп-тексеру департаментімен бірлескен мамандандырылған аудиторияның салтанатты ашылуы өтті.

Жаңа аудиторияда департамент қызметкерлері және университеттің профессор-оқытушылар құрамы экономикалық қылмыстарды тергеуді оқыту бойынша 3 және 4 курс студенттерімен сабақ жүргізетін болады.

​         С. Аманжолов атындағы ШҚУ ҚР Қаржы мониторингі агенттігінің бастамасымен «Экономикалық қылмыстарды тергеу» микроквалификациялау бағдарламасы жүзеге асырылатын республиканың сегіз университетінің бірі болып табылады.

​         Бағдарламаның негізгі мақсаты студенттерді қаржы мониторингі органдарында одан әрі қызмет өткеруге дайындау болып табылады.

Өткізілетін сабақтар барысында студенттер экономикалық қылмыстарға байланысты қылмыстық істерді тергеудің теориялық және практикалық дағдыларын алады, сондай-ақ оларға қылмыстық істің макетін жасау мүмкіндігі беріледі.

Аудитория замануи құрылғылармен және барлық қажетті әдістемелік материалдармен жабдықталған.

Ашылу барысында студенттермен рекрутинг өткізіліп, микроквалификация бағдарламасын өтудің артықшылықтары түсіндірілді.