GOV.KZ – Мемлекеттік органдардың цифрлық ресурстарының бірыңғай платформасы

Кездесу барысында интернет-алаяқтықтың негізгі түрлері, дропперлік және заңсыз қаржылық операцияларға қатысудың құқықтық салдары түсіндірілді. Сонымен қатар қаржылық сауаттылықты арттыру және банк карталары мен онлайн қызметтерді қауіпсіз пайдалану мәселелеріне ерекше назар аударылды.

Дәріс әскери қызметшілер арасында қаржылық және цифрлық сауаттылық деңгейін арттыруға, сондай-ақ ақпараттық қауіпсіздікті қамтамасыз етуге бағытталған профилактикалық жұмыстар аясында өткізілді.

Маңғыстауда қаржы пирамидаларына қарсы іс-қимыл бойынша брифинг өткізілді

Маңғыстау облысы бойынша Экономикалық тергеп-тексеру департаменті Қоғамдық коммуникация орталығында қаржы пирамидаларына қарсы іс-қимыл мәселелері бойынша брифинг өткізді.

Брифинг барысында өңірде интернет кеңістігіне тұрақты мониторинг жүргізіліп, нәтижесінде 4 қаржы пирамидасының қызметі тоқтатылғаны айтылды. Олардың қатарында «Асар Баспана», «Live Good» және «Sax Invest» жобалары бар.

Сонымен қатар, тұрғындардың қаржылық сауаттылығын арттыру мақсатында профилактикалық жұмыстар тұрақты түрде жүргізілуде. Азаматтар күмәнді қаржылық ұсыныстарға сенбеуге шақырылды.

Маңғыстау облысы бойынша ЭТТД басқа да құқық қорғау органдарымен бірлесіп облыс прокуратурасы ұйымдастырған өңірдің бизнес субъектілері мен инвесторлары үшін «Ашық есік» күнінің ауқымды іс-шарасына қатысты.
Іс-шараға "Атамекен" ӨКП өкілдері мен өңірдің шағын және орта бизнес өкілдері қатысты.
Кәсіпкерлермен диалог алаңында түйткілді мәселелер талқыланып, Мемлекет басшысының экономиканы ырықтандыру шаралары туралы Жарлығының негізгі ережелері түсіндірілді.
Кәсіпкерлердің туындаған мәселелерінің кейсі жасақталып, оларды шешу жолдары әзірленді.

Маңғыстау облысы бойынша экономикалық тергеп-тексеру департаменті (әрі қарай-Департамент) Ақтау қаласындағы Ш.Есенов атындағы Каспий технологиялар және инжиниринг университеті студенттері арасында «Қаржы пирамидаларға қарсы күрес» тақырыбында Департамент басшысының орынбасары Қамбар Жадигерович Жангужиев 29.04.2024 жылы дәріс өткізді.

Маңғыстау облысының кәсіпкерлер палатасының алаңында Маңғыстау облысы бойынша Экономикалық тергеу департаментімен бірлесіп кәсіпкерлердің құқықтарын қорғау және сыбайлас жемқорлыққа қарсы іс-қимыл жөніндегі кеңестің кезекті отырысы өтті. Күн тәртібінде "бизнеске жол" жобасы шеңберінде Маңғыстау облысы бойынша сыбайлас жемқорлыққа қарсы іс-қимыл департаментінің атқарған жұмыстары және кәсіпкерлерді қылмыстық орбитаға тарту, сондай-ақ Қазақстан Республикасы кәсіпкерлерінің сыбайлас жемқорлыққа қарсы іс-қимыл хартиясын насихаттау мәселелері талқыланды. - 2023 жылы Департаментпен кәсіпкерлермен 52 кездесу өткізілді, оның 24-і" Атамекен"ӨКП өкілдерімен бірлесіп өткізілді. 631 кәсіпкердің құқықтары сыбайлас жемқорлыққа қарсы мониторинг қорытындысы бойынша қорғалған. Сондай-ақ, ет сынамаларын алу бойынша мониторинг жүргізуді тоқтата тұруға байланысты 427 кәсіпкердің құқықтары қорғалды. Сонымен қатар, Департаменттің бастамасы бойынша кәсіпкерлердің заңды мүдделері мен құқықтарын бұзғаны үшін мемлекеттік органдар мен квазимемлекеттік сектордың 9 лауазымды тұлғасы тәртіптік жауапкершілікке тартылды. Алайда, бизнес-қоғамдастық өкілдері қылмыстық құқық бұзушылықтарды өздері жасаған фактілер бар. Өткен жылы қылмыстық орбитаға ҚР ҚК 367-бабы бойынша бизнес қоғамдастық өкілдері тартылды (яғни пара беру), - деді Маңғыстау облысы бойынша департамент басшысының бірінші орынбасары Бауыржан Кенжетаев. - Кәсіпкерлер палатасы заң аясында бизнесті адал жүргізу қағидатын қолдайды, - дейді директордың заң мәселелері жөніндегі орынбасары Әмірғали Жаңаев. - Хартияны насихаттау, яғни жұртшылықты Қазақстан кәсіпкерлерінің сыбайлас жемқорлыққа қарсы іс-қимыл хартиясының құжатымен таныстыру мәселесі өзекті және өзекті болып табылады. Себебі Хартияда баяндалған негізгі қағидаттарды басшылыққа ала отырып, ұйымдар өздерінің имиджін қорғау мақсатында Сыбайлас жемқорлыққа қарсы күрес бойынша қатаң шараларды көздейтін корпоративтік басқарудың үздік тәжірибелеріне ұмтылады, - деп есептейді Кәсіпкерлердің құқықтарын қорғау бөлімінің бастығы Асылбек Жарылғасов.

Маңғыстау облысы бойынша Экономикалық тергеу департаментінде жас мамандардың Экономикалық тергеу қызметінің ардагерлерімен кездесуі өтті. Ардагерлер экономикалық қылмыстарға қарсы күрес бойынша отандық құрылымның қалыптасуы мен даму барысы туралы естеліктерімен бөлісті және әріптестерінің сұрақтарына жауап берді.

Маңғыстау облысы бойынша Экономикалық тергеу департаментінің басшысы Е. Е. Булегенов, Облыстың Шекара қызметі департаментінің бастығы С. Н. Жұманов және Мемлекеттік кірістер департаментінің басшысы С. Б. Манзоров "Маңғыстау облысының шекаралық және кеден аймақтарындағы өткізу пункттеріндегі өзара іс-қимыл жөніндегі бірлескен Жоспарға"қол қойды. Бұл қадам маңызды болып табылады және мемлекеттік органдар арасындағы өзара іс-қимылды нығайтуға бағытталған. Қол қойылғаннан кейін барлық тараптар ынтымақтастыққа дайын екендіктерін білдірді.

Маңғыстау облыстық Атамекен кәсіпкерлер палатасымен бірге Маңғыстау облысы бойынша экономикалық тергеп-тексеру Департаментінің қызметкерлері бірлесіп кәсіпкерлердің құқығын қорғау және сыбайлас жемқорлыққа қарсы іс-қимыл кеңесінің кезекті отырысы өтті.

Күн тәртібінде «Әділдік жолы» РҚБ Маңғыстау облысы бойынша филиалының басшысы А.Жақсыбаевтың ұсынысы негізінде, «Өзенэнергосервис» мемлекеттік коммуналдық кәсіпорнының мемлекеттік сатып алу шарты негізінде кәсіпкерлермен жеткізілген тауарлары үшін қаражатын өндіру мәселесі қаралды. Жиынға кеңес мүшелері, Жаңаөзен қаласы прокурорының орынбасары О.Макатов, «Өзенэнергосервис» мемлекеттік коммуналдық кәсіпорны директорының м.а. С.Мунатов және кәсіпкерлер қатысты.

«WEST LINE LTD» ЖШС, «АлматыКазкабель» ЖШС және «Ақтау Энерго Кабель» ЖШС мемлекеттік сатып алу шартына сәйкес «Өзенэнергосервис» мемлекеттік коммуналдық кәсіпорнына тауарларды уақытылы жеткізген.

Осыған дейін кәсіпкерлер сот органдарына жүгініп, қаражатты өндіру туралы соттың шешімін алған. Алайда, соған қарамастан «Өзенэнергосервис» мемлекеттік коммуналдық кәсіпорны бүгінгі күнге дейін жеткізілген тауарлардың қаражатын аудармаған.

Кеңес отырысында тараптардың пікірлері мен ұсыныстары тыңдалып, ұсыныстар енгізілді. Сонымен қатар, Жаңаөзен қалалық прокуратурасы мен қала әкімінің атына заңдылықтың бұзылуын жою туралы ұсыныс берілді.

Ағымдағы жылдың сәуір айында Маңғыстау облысы бойынша Экономикалық тергеу департаменті "Атамекен" кәсіпкерлер палатасының алаңында Ақтау қаласындағы мектепке дейінгі балалар мекемелеріне азық-түлік жеткізетін ЖК-мен Мемлекеттік тапсырыстар бойынша ӘМАТ бағасын төмендету туралы уағдаластыққа қол жеткізді. Қазіргі уақытта 25 мемлекеттік мекемемен, бұл балабақша – интернаттармен, Отбасылық үлгідегі балалар ауылымен және басқа да әлеуметтік мекемелермен қосымша келісімдер жасалды, олар бойынша ӘМАТ-қа үстемеақы заңда көзделген 15% - дан аспады, үнемдеудің жалпы сомасы 39 млн.теңгеден асты.