Шахтинск қаласы әкімдігінде Қарағанды облысы бойынша Экономикалық тергеу департаментінің басшысы Төлеутай Нұраби Рашидұлы жергілікті халықпен кездесті. Басқарма басшысы қаржылық пирамидаларға қатысудан аулақ болуға шақырып, алаяқтарды қалай тануға болатынын, құмар ойындардың зияны мен құмарлықтың салдарын, сондай-ақ бизнесті қорғау және жоғарыда аталған құқық бұзушылықтармен күресу бойынша қабылданып жатқан шараларды түсіндірді.

Экономикалық тергеу қызметінің негізгі қызметі ел экономикасы мен халықтың дамуына үлкен зиян келтіретін экономикалық және қаржылық құқық бұзушылықтардың жолын кесу, алдын алу, анықтау және тергеу болып табылады.