Борышкерлердің автокөліктерін ұстау бойынша рейдтік іс-шара өтті

2018 жылдың 16  қарашасында  жеке сот орындаушыларының және Маңғыстау облысының Жол басқармасы қызметкерлерінің қатысуымен борышкерлердің автокөліктерін  ұстау бойынша рейдтік іс-шара өткізді.

Шараның мақсаты – сот орындаушылары қабылдаған шараларға қарамастан, айыппұл сомасын өтемей жүрген борышкерлердің автокөліктерін ұстап, айыппұл тұрағына тоғыту.

Жүргізілген 2 сағаттық рейдтің нәтижесінде Ақтау  қаласы  бойынша  5  автокөлік  ұсталып, нәтижесінде олардың қарызы өндірілді. Бұл іс-шара келер апта бойы облыстың барлық аумағында жалғасады.

Сондай-ақ, көрсетілген шара жеке сот орындаушыларының өндірісіндегі атқарушылық құжаттарының орындалуына тиімді нәтиже беріп, жергілікті бюджеттің толтырылуына оң әсерін тигізеді.

Жалпы, қолданылған атқарушылық шаралардың нәтижесінде, ағымдағы жылы облыстың сот орындаушыларымен 2000-ға жуық облыс полиция Департаментінің әкімшілік полиция басқармасының қаулылары бойынша мемлекет пайдасына шамамен 38 млн теңге айыппұл өндірілді.