Әділет вице-министрі Даниэль Вайсов азаматтарды қабылдады

Бүгін Азаматтарды қабылдау орталығында Әділет вице-министрі Астана, Шымкент және Алматы қалаларының тұрғындарын әділет органдарының қызметіне қатысты сұрақтарымен қабылдады.

Вице-министр Даниэль Вайсов Шымкент қаласының нотариусы, Астана қаласы Мемлекеттік сот орындаушысы іс-әрекеттеріне, міндеттемелерді уақытында орындамау, сондай-ақ сараптама қорытындысына қатысты шағымдарды қарады.

Азаматтардың өтініштерін тыңдаған Әділет вице-министрі түсіндірме  жауаптарын беріп, өз құзыретінде ұсыныстарын берді.

ҚР Әділет министрлігі азаматтарға қабылдаулар жүргізіп, кеңестер мен қолдау көрсетуді жалғастырады.

Бұл жұмысты министрлік Президент Қасым-Жомарт Тоқаевтың бастамасымен қолға алынған «Халық үніне құлақ асатын мемлекет» тұжырымдамасын жүзеге асыру мақсатында жүргізіп жатыр.