Карантин режимін бұзғандарға қандай жаза қарастырылады

Карантин режимін бұзғандарға қандай  жаза қарастырылады

Карантин режимі  шеңберінде жарияланған  шектеу іс-шаралары  тұрғындар мен  меншік нысанына қарамастан, заңды тұлғалардың орындауы үшін міндетті.

Төтенше жағдай кезінде карантин режимінің  талаптарын сақтамағаны үшін Әкімшілік құқық бұзушылық кодекс шеңберінде әкімшілік жауапкершілік көзделеді:

- ескерту немесе 26,5 мың теңге мөлшерінде айыппұл;

- немесе 15 тәулікке дейін әкімшілік қамауға алу (ӘҚБтК-нің 476-бабы).

Сонымен қатар, азаматтар құқық қорғау органдарының заңды талаптарына бағынбағаны үшін мынадай жазаға тартылады (ӘҚБтК-нің 667-бабы):

- 106 мың теңгеге дейінгі мөлшерінде айыппұл;

- немесе 10 тәулікке дейін әкімшілік қамауға алу.

Сонымен бірге, төтенше жағдай кезінде билік өкілінің заңды талабына бағынбағаны үшін қылмыстық жауапкершілік қарастырылады:

- 5,3 миллион теңгеге дейінгі мөлшерінде  айыппұл;

- немесе екі жылға дейінгі мерзімге бас бостандығынан айыру (ҚР ҚК 379-бабы).

Барлық шектеу іс-шаралары уақытша және инфекцияның таралуын болдырмау үшін ғана қабылданып жатқанын  айтып өткен жөн.