Елорданың атауын қайта өзгерту заңды тұлғаларды құқық белгілеуші құжаттарды қайта рәсімдеу бойынша міндеттемелерді жүктемейді

ҚР Әділет министрлігінің атына соңғы кездері заңды тұлғалардың тарапынан қаланың қайта өзгеруіне байланысты көптеген сауалдар түсуде.

«Құқықты актілер туралы» Заңы 43-бабының 3-тармағына сәйкес азаматтарға жаңа міндеттер жүктейтін немесе олардың жағдайын нашарлататын нормативтік құқықтық актілердің кері күші болмайды. Осы орайда келесіні хабарлаймыз:

• заңды тұлғалардың ресми құжаттарында Елорданың бұрынғы атауы өзінің заңды күшін жоймайды;

• қала атауының өзгертілуі заңды тұлғаларға әділет органдарын қала атауының өзгеруі жөнінде, құрылтай және құқық белгілеуші құжаттарын (жарғыны, сатып алу-сату шартын және т.б.) қайта рәсімдеу бойынша міндеттемелерді жүктемейді.    

Құжаттарды ауыстыру кезең-кезеңмен, олардың қолдану мерзімі аяқталу немесе олардың күші жойылған жағдайында өтеді.

Осыған орай, құжаттарда елорданың бұрынғы атауын көрсету, оның заңсыздығын айқындамайды.

Мемлекеттік сатып алулар, электрондық сауда-саттықтарда және т.б. заңды тұлғалардың құрылтай құжаттарында қаланың бұрынғы атауы бойынша заңдылығын білу үшін, олардың ұйымдастырушыларына жүгінуіңізді сұраймыз.