Әділет министрлігінің еріктілері құқықтық мәселелер бойынша кеңесті онлайн режимде беруге көшті
Әділет министрлігі Еріктілер жылы аясында азаматтарға тегін заң көмегін көрсету бойынша іс-шараларға студенттерді тарту мақсатында арнайы жоспар әзірледі.
Еліміздің 36 Жоғары оқу орындарымен ынтымақтастық туралы тиісті меморандумдарға қол қойылды. Осылайша, 1 500-ге жуық студент-еріктілер мен Заң факультетінің магистранттары азаматтарға құқықтық көмек көрсету бойынша еріктілер жұмысына тартылды.
Жалпы, жыл басынан бері республика бойынша халықтың құқықтық сауаттылығын арттыру бойынша 300-ге жуық іс-шара ұйымдастырылды, онда 3 000-ға жуық азамат кеңес алды.
Бұдан бұрын, аумақтық әділет органдары студенттерге арналған оқыту семинар-тренингтерін өткізді. Оқу қорытындысы бойынша олар адвокаттар, нотариустар, жеке сот орындаушылармен бірлесіп халыққа тегін заң көмегін көрсетті. Мұндай іс-шаралар ірі сауда орталықтарында, Халыққа қызмет көрсету орындарында, дағдарыс орталықтарында, бас бостандығынан айыру орындарында ұйымдастырылды.
Коронавирустың алдын алу мақсатында Еріктілер жылы аясында аумақтық әділет органдарымен бұрын жоспарланған барлық іс-шаралар онлайн режимге көшті. Облыс азаматтарымен барлық кездесулер уақытша тоқтатылды.
Азаматтарға кеңес беру «шұғыл желі» телефондары бойынша көрсетіледі:
- Нұр-Сұлтан қ. ӘД- 8 (7172) 325522, 58-00-58;
- Алматы қ. ӘД - 8 (7272) 917990, 3308011, 290206, 3808002;
- Шымкент қ. ӘД - 8 (7252) 354486, 353164, 353368, 354085, 997207, 338138;
- Ақмола облысы ӘД – 8 (7162) 25-30-87;
- Алматы облысы ӘД - 8 (7282) 24-54-86, 87071709390, 87718590066;
- Ақтөбе облысы ӘД – 8 (7132) 563080, 8(7132)544246;
- Атырау облысы ӘД – 8 (7122) 357538, 357537;
- Батыс Қазақстан облысы ӘД - 8 (7112) 515077;
- Жамбыл облысы ӘД - 8 (7262) 436426;
- Қарағанды облысы ӘД - 8 (7212) 410514, WhatsApp +77781080757;
- Қызылорда облысы ӘД - 8 (7242)231009;
- Қостанай облысы ӘД – 8 (7142) 547803, 990041;
- Маңғыстау облысы ӘД - 8(7292)302010, 302007;
- Павлодар облысы ӘД - 8(7182) 32-67-04;
- Солтүстік Казақстан облысы ӘД – 8 (7152)332380;
- Түркістан облысы ӘД - 8 (7253) 35 96 97;
- Шығыс Қазақстан облысы ӘД - 8 (7232) 70-41-59.
Сонымен қатар, азаматтарға құқықтық кеңес аумақтық әділет органдарының әлеуметтік желілері арқылы да көрсетіледі.
Еріктілер қызметіне қатысқан барлық еріктілерге, сондай-ақ заң қоғамдастықтарының өкілдеріне алғыс айтамыз және құқықтық көмек көрсетудің жаңа форматы да халыққа пайдалы болады деп үміттенеміз.