Әділет вице-министрі Ақерке Ахметованың УПОВ Бас хатшысының орынбасары Питер Батоннмен кездесуі өтті

2022 жылғы 11 қазанда елорданың «Астана» халықаралық қаржы орталығының алаңында қазақстан-нидерланды инвестициялық дөңгелек үстелі өтті.

Дөңгелек үстел барысында екі елдің экономикасын дамыту, бизнесті жүргізу үшін жағдайларды әртараптандыруға және жеңілдетуге жәрдемдесу, азық-түлік қауіпсіздігін қамтамасыз ету, АӨК саласындағы өзара ынтымақтастықты кеңейту мәселелері талқыланды.

Аталған іс-шараға мемлекеттік органдардың басшылары, ұлттық холдингтердің, өсімдіктердің жаңа сорттарын қорғау жөніндегі халықаралық одақтың (UPOV) өкілдері, шетелдік сарапшылар мен шетелдік бизнес-қоғамдастықтардың өкілдері қатысты.

Дөңгелек үстел аясында Әділет вице-министрі Ақерке Ахметованың Үкіметаралық одақтың өсімдіктердің жаңа сорттарын қорғау (УПОВ)  жөніндегі Бас хатшысының орынбасары Питер Баттонмен кездесуі өтті.

Тараптар Қазақстан Республикасының УПОВ-қа кіруі жөніндегі жұмыстың оң динамикасын атап өтті.

УПОВ-қа кіру ұлттық селекционерлерге УПОВ-қа мүше барлық мемлекеттердің аумағында құқықтық қорғауды алуға мүмкіндік береді, шетелдік инвесторларға өсімдіктер селекциясына және тұқым өндіруге қаражат салу мүмкіндігі беріледі.