Тауар таңбасын заңсыз пайдаланғаны үшін жауапкершілікті қатаңдату

2022 жылғы 30 наурызында Әділет министрлігі жанындағы Қоғамдық кеңестің отырысында зияткерлік меншік саласындағы заңнаманы жетілдіру мәселелері қарастырылды.

ҚР ҚК 222-бабының нормаларын (Тауар таңбасын заңсыз пайдалану) қылмыстарды ашу тиімділігін арттыру және жауапкершілікті қатаңдату бөлігінде жетілдіру жөніндегі ұсыныстар талқыланды.

ҚК-нің 222-бабы қылмыстық теріс қылықтар санатына жатқызылған, алдын ала сөз байласу бойынша адамдар тобының, мемлекеттік функцияларды орындауға уәкілеттік берілген адамның қылмыс жасағаны үшін жауаптылығы (бір рет, қайталап) бөлінбеген.

ҚР ҚК-нің 222-бабына келтірілген қылмыстық теріс қылық, келтірілген залал, сондай-ақ жасалған қылмыс тәсілдері бойынша адамдардың жауапкершілігінің аражігін ажырату бөлігінде өзгерістер енгізу ұсынылады.