Мемлекеттік органдардың заң қызметтерінің Үйлестіру кеңесінің отырысы өткізілді

2021 жылғы 21 желтоқсанда Қазақстан Республикасы Әділет министрлігінде Қазақстан Республикасы Әділет Вице-министрі Н. В. Пан төрағалығымен орталық мемлекеттік органдардың заң қызметтерінің басшылары мен Әділет министрлігі өкілдерінің қатысуымен онлайн-режимде орталық мемлекеттік органдардың заң қызметтерінің Үйлестіру кеңесінің кезекті отырысы өткізілді.

Отырыста келесі мәселелер қаралды:

1. Үкіметінің заң жобалау жұмыстарының 2021 жылға арналған жоспарының орындалу барысы туралы;
2. Мемлекеттік органдардың заңнамада белгіленген келісу мерзімдерін, заңға тәуелді нормативтік құқықтық актілер жобаларын сақтауы туралы.
3. «Қазақстан Республикасы Үкіметінің заң жобалау жұмыстарының 2022 жылға арналған жоспары туралы» Қазақстан Республикасы Үкіметінің қаулысының жобасы туралы.

Отырыс қорытындысы бойынша орталық мемлекеттік органдардың заң қызметтеріне ведомстволық нормашығармашылық сапасын арттыруға, ұлттық заңнаманы қалыптастырудағы заң қызметтерінің рөлін күшейтуге,                  сондай-ақ мемлекеттік органда жалпыға бірдей құқықтық оқытуды ұйымдастыруға бағытталған тиісті ұсынымдар берілді.