Алматы облысы Әділет департаментінде жекеше нотариустармен семинар өткізілді
Алматы облысы Әділет департаменті қызметкерлерінің, Қазақстан заңгерлер одағы мүшелерінің ұйымдастыруымен 2018 жылдың 17 мамырында Алматы облысының Нотариаттық палатасымен бірлесіп жекеше нотариустардың қатысуымен семинар өткізілді.
Іс-шараның мақсаты – Алматы облысының жекеше нотариустары арасында профилактикалық және түсіндіру жұмыстарын жүргізу.
Іс-шара барысында құқықтық түсіндіру және халыққа заңгерлік қызмет көрсету бөлімі басшысының және бөлімнің бас маманының баяндамасы тыңдалды, ШҚО бойынша Мемлекеттік кірістер департаментінің ұсынысы, сондай-ақ Департаменттің тексеріс жүргізумен анықталған нотариаттық іс-әрекет жасау барысында Алматы облысы жекеше нотариустарымен жіберілген заң бұзушылықтар талқыланды, сонымен бірге Нотариустың үй-жайына қойылатын талаптарға қатысты мәселелер қаралды.
Семинардың қорытындысы бойынша ҚР ӘМ-нің хатында баяндалған ақпаратты назарға алу туралы, сондай-ақ нотариат саласындағы заңнамадағы өзгерістерге нотариустардың назар аудару қажеттілігі туралы ұсыныстар берілді.
Алматы облысы
Әділет департаментінің
Баспасөз қызметі