Әркім нормашығармашылықты жетілдіруге қатыса алады!
«Ашық НҚА» интернет-порталында (бұдан әрі – Портал) әркімнің талқылауға қатысу мүмкіндігі бар.
Қызықтыратын нормативтік құқықтық актілердің (бұдан әрі – НҚА) жобалары бойынша ұсыныстарды орналастыру үшін, пайдаланушы электрондық цифрлық қолтаңба арқылы Порталда авторизациялаудан өтеді, санаттар бойынша қажетті НҚА жобасын таңдайды (қызығушылық тудыратын салаға байланысты, мысалы, «Білім беру», «Денсаулық сақтау» және т. б.) және қызықтыратын НҚА жобасының түрі бойынша таңдау жасайды (консультативтік құжат, тұжырымдама, заң жобасы және т.б.).
Қызығушылық танытқан НҚА жобасына ұсыныстарды беру кезінде пайдаланушы НҚА жобасының жекелеген құрылымдық элементтеріне де, жалпы НҚА-ға да пікір қалдыра алады, сондай-ақ НҚА-ның қандай да бір жобасына дауыс бере алады және оған жазыла алады.
Порталда сараптамалық қоғамдастықтар, Заң жобалау қызметі жөніндегі ведомствоаралық комиссия мүшелері қорытындысының нысаналы топтардың, мүдделі органдар мен ұйымдардың ұсынымдарын, соңғы өзгерістерін ескере отырып, НҚА жобаларының өзекті нұсқалары міндетті түрде орналастырылады.
Портал өзін қызықтыратын НҚА жобасына ұсыныстар орналастыруға мүмкіндік береді, осылайша әркімнің заң шығару процесіне қатысуға мүмкіндік береді. Сондай-ақ, өз ұстанымын қалыптастыру кезінде пайдаланушы нысаналы топтар мен Комиссия мүшелерінің қорытындыларын қарауға мүмкіндігі бар.
Қоғамдық талқылауларға мынадай тетіктер арқылы қатысуға болады:
- Порталда талқылау - бұл азаматтар өз ескертулерін және (немесе) ұсыныстарын онлайн-ұсыныстар беру арқылы білдіре алатын қолданыстағы тәртіп;
Әзірлеушінің бастамасы бойынша ұйымдастырылады:
- көпшілік тыңдаулар, азаматтарға реттелетін сала бойынша өз көзқарасын «дауыспен» білдіруге мүмкіндік беретін қоғамдық талқылау тәсілі;
- пікірталас талқыланып жатқан мәселе бойынша екі жақ арасында пікір алмасуға мүмкіндік береді (дәлелді сенім арқылы).