2023 жылғы 23 қазанда Әділет министрлігі, Цифрлық даму, инновациялар және аэроғарыш өнеркәсібі министрлігімен бірлесіп «Биометриялық верификацияны қолдана отырып, «электрондық үкімет» веб-порталы арқылы шағын және орта кәсіпкерлік субъектілеріне жататын заңды тұлғаны мемлекеттік тіркеу жөніндегі пилоттық жобаны іске қосу туралы» бірлескен бұйрыққа қол қойды.
Пилоттық жобада шағын кәсіпкерлік субъектілеріне жататын заңды тұлғаларды тіркеуден өту кезіндегі іс-қимыл алгоритмін өзгерту көзделген.
Бұған дейін шағын кәсіпкерлік субъектілерін тіркеу кезінде өтінішке электрондық цифрлық қолтаңба арқылы қол қойылған болатын.
Енді порталдағы өтініш Digital ID биометриялық верификациясы арқылы куәландырылады, бұл өтініш берушіні бірегей биометриялық деректер бойынша сәйкестендіруге және өтініш берушінің жеке басын қашықтан растауға мүмкіндік береді.
Тіркеу электрондық өтініш берілген сәттен бастап бір сағат ішінде жүзеге асырылады.