Бүгінгі таңда көптеген мемлекеттік органдар халықаралық шарттарды әзірлеу және жасасу саласындағы заңнаманы, сондай-ақ нормативтік құқықтық актілерді жасасу, өзгерту және қолданылуын тоқтату саласын дұрыс түсінбейтіні белгілі.
Осыған байланысты Әділет министрлігі Сыртқы істер министрлігімен бірлесіп Қазақстан Республикасының халықаралық шарттарын әзірлеу мен жасасу жөніндегі әдістемелік ұсынымдарды (бұдан әрі – Әдістемелік ұсынымдар) әзірлеп, бекітті.
Бұл Әдістемелік ұсынымдар заң қызметтері мен мемлекеттік органдардың қатардағы қызметкерлерінде жиі кездесетін мәселелерді шешуге, сондай-ақ жұмыста нұсқаулық ретінде пайдалануға арналған.
Біз жоғарыда аталған Әдістемелік ұсынымдарда халықаралық шарттармен байланысты барлық өмірлік цикл мен рәсімдерді көрсетуге тырыстық, атап айтқанда:
- тұжырымдаманы әзірлеу және халықаралық шарттар жасасу жоспарына енгізу;
- халықаралық шарттардың мәтінін әзірлеу бойынша ұсынымдар;
- халықаралық шарттардың жобаларына қол қойылғанға дейін оларды келісу тәртібі;
- халықаралық шарттар жасасу бойынша НҚА жобаларын әзірлеу;
- халықаралық шарттар бойынша оларға қол қойылғаннан кейін мемлекетішілік рәсімдер;
- халықаралық шарттардың өзгерту, қолданылуын тоқтату, оларға ескертпелер;
- ЕАЭО шеңберінде жасалатын халықаралық шарттар және оларға ұсынымдар;
- халықаралық шарттарға қол қою туралы қаулылар мен жарлықтар жобаларының қойылымдық бөліктерінің көрнекі мысалдары;
- жұмыста пайдалану үшін қажетті НҚА және өзге де актілер.