Лицензияның қолданысын тоқтата тұру туралы

«Нотариат туралы» Қазақстан Республикасы Заңының 10-бабы                 2-тармағының 5) тармақшасына сәйкес БҰЙЫРАМЫН:

  1. Қазақстан Республикасы Әділет министрлігі Тіркеу қызметі және құқықтық көмек көрсету комитетімен Жанна Азиға нотариаттық қызметпен айналысу құқығына 2014 жылғы 18 наурызда берген № 14003657 мемлекеттік лицензиясының қолданысы алты ай мерзімге тоқтатыла тұрсын.
  2. 2. Алматы қаласының Әділет департаменті:

1) осы бұйрықты жекеше нотариус Ж. Азидің назарына жеткізсін;

2) лицензияның қолданысын тоқтата тұру кезеңінде лицензиаттың мөрін уақытша сақтауға алсын;

  3) нотариаттық палатамен бірге жекеше нотариус Ж. Азидің мұрағаттық және іс жүргізуінде жатқан құжаттарын жекеше нотариаттық мұрағатқа беру бойынша шаралар қолдансын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) нотариаттық қызметпен айналысуға берілген лицензиялардың Мемлекеттік тізіліміне тиісті жазба енгізсін;

2) осы бұйрықты Қазақстан Республикасы Әділет министрлігінің интернет-ресурсында орналастыруын қамтамасыз етсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті директоры Б. Атағазиеваға жүктелсін.
  2. Осы бұйрық жекеше нотариустың назарына жеткiзiлген күннен бастап қолданысқа енгізіледі.

 

Негізі: Алматы қаласының Әділет департаментінің 2020 жылғы16  қыркүйектегі  №01-08/2419-И ұсынуы, Алматы қаласы Алмалы аудандық сотының 2020 жылғы 13 сәуірдегі жеке ұйғарымы.

 

Дата публикации
03 ноября 2020