Лицензияның қолданысын тоқтата тұру туралы

№ 266 от 01.04.2024

«Нотариат туралы» Қазақстан Республикасы Заңының 10-бабы 2-тармағының 1)-тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Арнур Тасмуратович Сатыбаевқа нотариаттық қызметпен айналысу құқығына 2022 жылғы 1 сәуірдегі берілген № 22006090 мемлекеттік лицензиясының қолданысы алты ай дейінгі мерзімде тоқтатыла тұрсын.
  2. Шымкент қаласының Әділет департаментіне:

1) осы бұйрықты жекеше нотариус А.Т.Сатыбаевтың назарына жеткізсін;

2) лицензияның қолданысын тоқтата тұру кезеңінде лицензиаттың мөрін уақытша сақтауға алсын;

3) нотариаттық палатамен бірге жекеше нотариус А.Т.Сатыбаевтың іс жүргізуінде жатқан құжаттарын басқа нотариусқа беру бойынша шаралар қабылдасын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департамент директоры В.К. Калимоваға жүктелсін.
  2. Осы бұйрық қол қойылған күннен бастап қолданысқа енгізіледі.

Негізі: Шымкент қаласының Әділет департаментінің 2024 жылғы 6 наурыздағы № 1/9816-вн ұсынысы, 2024 жылғы 1 наурыздағы Шымкент қаласының азаматтық істер бойынша ауданаралық сотының ұйғарымы.

 

Вице-министр                                                                             Л. Мерсәлімова

Дата публикации
04 апреля 2024