Лицензияның қолданысын тоқтату туралы

«Нотариат туралы» Қазақстан Республикасы Заңының 12-бабы
1-тармағының 4) тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Айнаш Мукушевна Тулеуоваға нотариаттық қызметпен айналысу құқығына 2004 жылғы
    29 қыркүйекте берілген № 0001969 мемлекеттік лицензиясының қолданысы
    тоқтатылсын.
  2. Нұр-Сұлтан қаласы Әділет департаменті:

1) нотариаттық палатамен бірге жекеше нотариус А.М. Тулеуованың мұрағаттық және іс жүргізуінде жатқан құжаттарын жекеше нотариаттық мұрағатқа және басқа нотариусқа беру бойынша шаралар қолдансын;

2) жекеше нотариус А.М. Тулеуованың мөрін жоюды және лицензиарға беру үшін оның лицензиясын қайтарып алу бойынша шаралар қабылдасын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті директоры Б.С. Атағазиеваға жүктелсін.
  2. Осы бұйрық оның мазмұны нотариустың назарына жеткізілген күннен бастап қолданысқа енгізіледі.

 

Негізі: Нұр-Сұлтан қаласы Әділет департаментінің 11.03.2020 ж. № 06-07/1889-И ұсынысы, Нұр-Сұлтан қаласы № 2 Байқоңыр аудандық сотының 28.11.2019 ж. үкімі және Нұр-Сұлтан қаласы Қылмыстық істер жөніндегі сот алқасының 19.02.2020 ж. қаулысы.

 

Вице-министр                                                                А. Мадалиев

Лицензияның қолданысын тоқтату туралы
Дата публикации
11 августа 2020