«Өндірістердің, жұмыстардың, пайдасына міндетті кәсіптік зейнетақы жарналарын төлеу жөніндегі агенттер меншікті қаражаты есебінен міндетті кәсіптік зейнетақы жарналарын жүзеге асыратын, еңбек жағдайлары зиянды жұмыстармен айналысатын жұмыскерлер кәсіптерінің тізбесін бекіту туралы» Қазақстан Республикасы Үкіметінің 2013 жылғы 31 желтоқсандағы № 1562 және «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулыларына өзгерістер мен толықтыру енгізу туралы» Қазақстан Республикасы Үкіметі қаулысының жобасына ТҮСІНДІРМЕ ЖАЗБА

1. Жобаны әзірлеуші мемлекеттік орган атауы

Қазақстан Республикасы Әділет министрлігі.

2. Тиісті нормативтік құқықтық актілерге, Қазақстан Республикасы ратификациялаған халықаралық шарттардың нормаларына, сондай-ақ Қазақстан Республикасы қатысушысы болып табылатын халықаралық ұйымдардың шешімдеріне, Үкімет пен Кеңсе басшылығының хаттамалық және өзге де тапсырмаларына сілтеме жасай отырып, жобаны қабылдаудың негіздемесі және/немесе оны қабылдау қажеттілігінің басқа да негіздемесі

«Қазақстан Республикасындағы зейнетақымен қамсыздандыру туралы» Қазақстан Республикасы Заңының 26-бабы және «Міндетті кәсіптік зейнетақы жарналарын аудару ережесін бекіту туралы» Қазақстан Республикасы Үкіметінің 2014 жылғы 26 наурыздағы № 255 қаулысы.

Ағымдағы жылдың 27 мамырында Қоғамдық сенім ұлттық кеңесінің үшінші отырысында жарияланған Қазақстан Республикасы Президенті                   Қ. Тоқаевтың медицина қызметкерлерінің жалақысын көтеру туралы тапсырмасы.

Қазақстан Республикасы Премьер-Министрінің орынбасары                 Е.Л. Тоғжановтың сот сараптамалары органдарының сот-медициналық сарапшыларының жалақысын арттыру мақсатында заңнамада белгіленген тәртіппен қаулының тиісті жобасын енгізу туралы 2020 жылғы 10 маусымдағы және 13 шілдедегі № 13-13/1927 тапсырмалары.

3. Жоба бойынша қаржылық шығындардың қажеттілігі және оның қаржылық қамтамасыз етілуі, оның ішінде қаржыландыру көзі, сондай-ақ қажет болған жағдайда Республикалық бюджет комиссиясының шешімі (тиісті есептеулер, қаржыландыру көзіне сілтеме, Республикалық бюджет комиссиясы шешімінің көшірмесі міндетті түрде түсіндірме жазбаға қоса беріледі)

Жобаны іске асыру мемлекеттік бюджеттен 491,3 млн.теңге көлемінде қаржы шығындарын талап етеді.

4. Жоба қабылданған жағдайда болжанатын салдарлар       

Жобаны қабылдау әлеуметтік-экономикалық және/немесе құқықтық салдарға әкеп соқтырмайды.

5. Нақты мақсаттар, күтілетін нәтижелердің мерзімі   

Еңбекке ақы төлеудің төмендігі, жоғары жұмысбастылық, гемоконтактикалық гепатиттер мен туберкулезді жұқтыруға, әртүрлі аса қауіпті жұқтыруға осалдық жоғары білікті сот-медициналық сарапшы кадрлардың жұмыстан босатуна және кетуіне әкеледі.

2018 жылы өндірістік объектілерді еңбек жағдайлары бойынша жүргізілген аттестаттау нәтижелері бойынша тікелей сот сараптамалары мен зерттеулер өндірісінде жұмыс істейтін қызметкерлердің жұмыс орындары еңбек жағдайларының көрсеткіштерін бағалауға сәйкес «зиянды» сыныбына жатқызылған, сондай-ақ еңбек процесінің қауырттылығы мен ауырлығы өлшемдері бойынша шекті рұқсат етілген шоғырланудан және шекті рұқсат етілген деңгейден асады.

Сарапшы кадрлардың тапшылығын жою мақсатында жалақыны арттыру және жұмыс берушінің қаражаты есебінен кәсіптік зейнетақы жарналарын төлеу жолымен оларды әлеуметтік қолдау жөнінде шаралар қабылдау қажет.

Жобаны қабылдау еңбек ақы төлеуді 30-дан 45%-ға дейін және жұмыс берушінің қаражаты есебінен 5% мөлшерінде кәсіби зейнетақы жарналарын төлеуді арттыруға мүмкіндік береді.

6. Жобада қаралатын мәселелер бойынша Президенттің және/немесе Үкіметтің бұрын қабылданған актілері және олардың іске асырылу нәтижелері туралы мәліметтер         

«Өндірістердің, жұмыстардың, пайдасына міндетті кәсіптік           зейнетақы жарналарын төлеу жөніндегі агенттер меншікті қаражаты есебінен міндетті кәсіптік зейнетақы жарналарын жүзеге асыратын, еңбек жағдайлары зиянды жұмыстармен айналысатын жұмыскерлер кәсіптерінің тізбесін бекіту туралы» Қазақстан Республикасы Үкіметінің 2013 жылғы 31 желтоқсандағы  № 1562 қаулысы.

«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысы.

7. Енгізілетін жоба қабылданған жағдайда заңнаманы оған сәйкес келтіру қажеттігі (басқа нормативтік құқықтық актілерді қабылдаудың немесе қолданыстағы актілерге өзгерістер және/немесе толықтырулар енгізудің талап етілетінін көрсету) не ондай қажеттіліктің болмауы      

Жоқ.

8. Көрсетілген жобаның халықаралық шартты ратификациялау қажеттілігі туралы ақпарат       

Халықаралық шарт болып табылмайды.

9. Қазақстан Республикасы Премьер-Министрі Кеңсесінің Басшысы мен Қазақстан Республикасы Байланыс және ақпарат министрінің 2011 жылғы 20 мамырдағы №25-1-32қпү/22П-қпү бірлескен бұйрығымен бекітілген «Қазақстан Республикасы Үкіметінің мобильдік кеңсесі» ақпараттық жүйесінде беруге рұқсат етілген қызметтік ақпарат тізбесіне сәйкес мемлекеттік құпия және (немесе) қызметтік ақпарат қамтылған жобаларды қоспағанда, жобаларды және оларға материалдарды Үкімет мүшелерінің мобильдік құрылғыларына «Қазақстан Республикасы Үкіметінің мобильдік кеңсесі» ақпараттық жүйесі арқылы беру мүмкіндігі 

Рұқсат етіледі.

10. Жобаны мемлекеттік органның интернет-ресурсында (веб-сайтта, интернет-порталда, сондай-ақ ашық нормативтік құқықтық актілердің интернет-порталында орналастыру туралы ақпарат (күні, байт саны)

Қазақстан Республикасы Үкіметі қаулысының жобасы Қазақстан Республикасы Әділет министрлігінің ресми сайтында http:www..kz (-------),  ашық нормативтік құқықтық актілердің интернет-порталында http:www..kz (-------) орналасқан.

11. Тауарларды сатуға, көрсетілетін қызметтерге немесе зияткерлік меншік құқықтарына қатысты жобаны, сондай-ақ әлеуметтік мәні бар қаулының жобасына баспасөз релизін орналастыру туралы ақпарат уәкілетті мемлекеттік органдардың интернет-ресурстарында орналастырылады

Жоқ.

12. Жобаның Қазақстан Республикасы ратификациялаған халықаралық шарттарға және Қазақстан Республикасы қатысушысы болып табылатын халықаралық ұйымдардың шешімдеріне сәйкестігі        

Сәйкес келеді.

13. Үкімет актісінің жүзеге асуына байланысты жеке кәсіпкерлер субъектілерінің шығындарын төмендету және (немесе) арттыруды дәлелдейтін есептердің нәтижесі

Қажет етілмейді.

14. Қазақстан Республикасының Ұлттық кәсіпкерлік палатасы және жеке кәсіпкерлік субъектілерінің аккредиттелген бірлестіктерінің сараптамалық қорытындысымен келіспеу себептеріне негіздеме

Қажет етілмейді.