Лицензияның қолданысын тоқтата тұру туралы

«Нотариат туралы» Қазақстан Республикасы Заңының 10-бабы 2-тармағының 1)-тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Леонид Валерьевич Громовқа нотариаттық қызметпен айналысу құқығына 2008 жылғы 29 сәуірдегі берілген № 0001221 мемлекеттік лицензияның қолданысы алты айға дейін тоқтатыла тұрсын.
  2. Астана қаласының Әділет департаменті:

1) осы бұйрықты жекеше нотариус Л.В. Громовтың назарына жеткізсін;

2) лицензияның қолданысын тоқтата тұру кезеңінде лицензиаттың мөрін уақытша сақтауға алсын;

3) нотариаттық палатамен бірге жекеше нотариус Л.В. Громовтың іс жүргізуінде жатқан құжаттарын басқа нотариусқа беру жөнінде шаралар қолдансын.

  1. Қазақстан Республикасының Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру Департаментінің директоры А.Т. Тленчиевке жүктелсін.
  2. Осы бұйрық оған қол қойылған күнінен бастап қолданысқа енгізіледі.

 

Негізі: Астана қаласы Әділет департаменті 2023 жылғы 12 маусымдағы № 1-05/16606 ұсынуы және Астана қаласының азаматтық істер бойынша ауданаралық сотының 2023 жылғы 9 маусымдағы ұйғарымы.

 

Вице-министр                                                                               Б. Молдабеков

Дата публикации
15 июня 2023