Лицензияның қолданысын тоқтата тұру туралы

№ 748 от 02.09.2022 

«Нотариат туралы» Қазақстан Республикасы Заңының 10-бабы
2-тармағының 5)-тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Бекнұр Дәуренұлы Әлімқұлдың нотариаттық қызметпен айналысу құқығына 2020 жылғы 21 қазанда берілген № 20015444 мемлекеттік лицензиясының қолданысы алты ай мерзімге тоқтатыла тұрсын.
  2. Шымкент қаласы Әділет департаменті:

1) осы бұйрықты жекеше нотариус Б.Д. Әлімқұлдың назарына жеткізсін;

2) лицензияның қолданысын тоқтата тұру кезеңінде лицензиаттың мөрін уақытша сақтауға алсын;

3) нотариаттық палатамен бірге жекеше нотариус Б.Д. Әлімқұлдың іс жүргізуінде жатқан құжаттарын басқа нотариусқа беру бойынша шаралар қабылдасын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті директорының м.а. Р. Досановаға жүктелсін.
  2. Осы бұйрық оның мазмұны нотариустың назарына жеткізілген күннен бастап қолданысқа енгізіледі.

 

Негізі: Шымкент қаласы Әділет департаментінің 2022 жылғы 8 тамыздағы № 02-23-05/4019-И ұсынысы, ҚР Бас прокуратурасының  заң бұзушылықты жою туралы 2022 жылғы 21 маусымдағы №2-010355-22-52643 ұсынуы.

 

 

Вице-министр                                                                                             А. Мадалиев

 

Дата публикации
02 сентября 2022