Лицензиялар беру туралы

№ 710 от 26.08.2022

«Адвокаттық қызмет және заң көмегі туралы» Қазақстан Республикасы Заңының 41-бабына, «Нотариат туралы»  Қазақстан  Республикасы Заңының         8-бабына және Қазақстан Республикасы Әділет министрінің міндетін атқарушының 2015 жылғы 20 қаңтардағы «Адвокаттық және нотариаттық қызмет түрлерін лицензиялаудың кейбір мәселелері туралы» бұйрығына сәйкес БҰЙЫРАМЫН:

Келесі адамдарға:

  1. Өз міндеттерін орындау кезінде атына нұқсан келтіретін теріс қылықтары және заңдылықты бұзғаны үшін сот лауазымынан босатылған судьяларды қоспағанда, тұрақты судья болып жұмыс істеген адамдар үшін:

Берикжан Абенович Байжунусовқа;

Прокурор және тергеуші лауазымында кемінде он жыл жұмыс өтілімен прокуратура және тергеу органдарынан босатылған:

 Рустам Манарбекович Баисовқа;

Әділет аттестаттау комиссиясында аттестаттаудан өткен:

Данагуль Куанышкызы Жапароваға адвокаттық қызметпен айналысу құқығына мемлекеттік лицензия берілсін.

  1. Келесі адамға:

Галия Ербулатовна Авжановаға нотариаттық қызметпен айналысу құқығына мемлекеттік лицензия берілсін.

  1. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті:

1) адвокаттар және жекеше нотариустар лицензияларының Мемлекеттік тізіліміне тиісті жазбалар енгізсін;

2) Қазақстан Республикасы Әділет министрлігінің интернет-ресурсына берілген лицензиялар туралы ақпаратты орналастырсын.

  1. «Е-лицензиялау» мемлекеттік деректер қорымен салыстыру жүргізілді.
  2. Осы бұйрықтың орындалуын бақылау Қазақстан Республикасы Әділет министрлігі Тіркеу қызметі және заң қызметін ұйымдастыру департаменті директоры м.а. Р.С.Досановаға жүктелсін.
  3. Осы бұйрық оған қол қойылған күннен бастап күшіне енеді.

Негізі: «Е-лицензиялау» мемлекеттік деректер қорына сәйкес құжаттар.

 

Әділет вице-министрі                                                                               А. Мадалиев

                                                                

Дата публикации
26 августа 2022