Лицензияның қолданысын тоқтата тұру туралы  

Лицензияның қолданысын

тоқтата тұру туралы

 

«Нотариат туралы» Қазақстан Республикасы Заңының 10-бабы
2-тармағының 1-тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Айниса Рахметовна Айтжанованың нотариаттық қызметпен айналысу құқығына 2017 жылғы 26 қазанда берілген № 17018361 мемлекеттік лицензиясының қолданысы алты ай мерзімге тоқтатыла тұрсын.
  2. Алматы облысының Әділет департаменті:

1) осы бұйрықты жекеше нотариус А.Р. Айтжанованың назарына жеткізсін;

2) лицензияның қолданысын тоқтата тұру кезеңінде лицензиаттың мөрін тапсыруын қамтамасыз етіп уақытша сақтауға алсын;

3) нотариаттық палатамен бірге жекеше нотариус А.Р. Айтжанованың іс жүргізуінде жатқан құжаттарын басқа нотариусқа беру жөнінде шаралар қолдансын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті директоры А.Т. Тленчиевке жүктелсін.
  2. Осы бұйрық оның мазмұны нотариустың назарына жеткізілген күннен бастап қолданысқа енгізіледі.

 

Негізі: Алматы облысының  Әділет департаментінің 2022 жылғы 23 маусымдағы № 06-20/795-И  ұсынуы, Алматы қаласы Бостандқ аудандық сотының 2022 жылғы 7 маусымдағы ұйғарымы.

 

Вице-министр                                                                                     А. Муканова

Дата публикации
27 июня 2022