Лицензияның қолданысын тоқтата тұру туралы  

Лицензияның қолданысын

тоқтата тұру туралы

 

«Нотариат туралы» Қазақстан Республикасы Заңының 10-бабы
2 тармағының 1 тармақшасына сәйкес БҰЙЫРАМЫН:

  1. Қазақстан Республикасы Әділет министрлігімен Айна Булатовна Мендыгалиеваға нотариаттық қызметпен айналысу құқығына 2005 жылдың 3 қарашасында берілген № 0000253 мемлекеттік лицензиясының қолданысы алты ай мерзімге тоқтатыла тұрсын.
  2. Батыс Қазақстан облысының Әділет департаменті:

1) осы бұйрықты жекеше нотариус А.Б. Мендыгалиеваның назарына жеткізсін;

2) лицензияның қолданысын тоқтата тұру кезеңінде лицензиаттың мөрін тапсыруын қамтамасыз етіп уақытша сақтауға алсын;

3) нотариаттық палатамен бірге жекеше нотариус А.Б. Мендыгалиеваның іс жүргізуінде жатқан құжаттарды басқа нотариусқа беру жөнінде шаралар қабылдасын.

  1. Қазақстан Республикасы Әділет министрлігі Тіркеу қызметі және заң қызметін ұйымдастыру департаментінің Заң қызметін ұйымдастыру және лицензиялау басқармасы:

1) осы бұйрықты Қазақстан Республикасы Әділет министрлігінің интернет-ресурсында орналастыру жөнінде шаралар қабылдасын;

2) нотариаттық қызметпен айналысу құқығына лицензиялардың Мемлекеттік тiзiлiмiне аталған нотариустың лицензиясының қолданысын тоқтата тұру туралы жазбаны енгізсін.

  1. Осы бұйрықтың орындалуын бақылау Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті директоры А.Т. Тленчиевке жүктелсін.
  2. Осы бұйрық оның мазмұны нотариустың назарына жеткізілген күннен бастап қолданысқа енгізіледі.

 

Негізі: Батыс Қазақстан облысы Әділет департаментінің 2022 жылғы 30 наурыздағы №  5-1995 ұсынысы, Орал қаласы №2 сотының 2022 жылғы 3 ақпандағы  ұйғарымы.

 

 

Вице-министр                                                                                  А. Әмірғалиев

Дата публикации
01 апреля 2022