Сыбайлас жемқорлыққа қарсы іс-қимыл бойынша
2021 жылы атқарылған жұмыстар туралы
ақпарат
Әділет органдары қызметкерлері мен азаматтардың құқықтық таным деңгейін арттыру үшін 2021 жылдың қортындысы бойынша аумақтық әділет органдары бұқаралық ақпарат құралдарында 1000-нан астам сөз сөйледі, сыбайлас жемқорлықтың алдын алуға бағытталған бейнероликтер көрсетілді, дәрістер, семинарлар, дөңгелек үстелдер және т.б. өткізілді. Мінез-құлықтың этикалық нормаларын бұзудың және өзге де құқық бұзушылықтардың профилактикасы бойынша осыған ұқсас 500-ге жуық іс-шара өткізілді.
Жыл сайын Сыбайлас жемқорлыққа қарсы іс-қимыл жөніндегі Әділет министрлігінің іс-шаралар жоспары әзірленеді.
Мемлекет басшысының 2020 жылғы 1 қыркүйектегі "Қазақстан Жаңа нақты ахуалда: іс-қимыл уақыты" атты Қазақстан халқына Жолдауын іске асыру жөніндегі Жалпыұлттық іс-шаралар жоспарының 116-тармағын орындау мақсатында, әділет органдарының қызметіндегі сыбайлас жемқорлық тәуекелдеріне ішкі талдау жүргізіліп, оның нәтижелері бойынша анықталған сыбайлас жемқорлық құқық бұзушылықтар жасауға ықпал ететін себептер мен жағдайларды жою жөніндегі іс-шаралар жоспары бекітілді.
"Сыбайлас жемқорлыққа қарсы іс-қимыл туралы" Заңының 16-бабы
3-тармағын орындау үшін Әділет министрлігінің ведомстволық бағынысты ұйымдарында (квазимемлекеттік сектор субъектілерінде) қызметкерлер арасында сыбайлас жемқорлықтың алдын алуға, сондай-ақ сыбайлас жемқорлыққа қарсы заңнаманы қолданудың тиімділігін арттыруға бағытталған тұрақты жұмыс жүзеге асырылатын сыбайлас жемқорлыққа қарсы комплаенс-қызметтердің функцияларын орындайтын жауапты қызметкерлер анықталды.
Қазіргі уақытта мемлекеттік қызмет көрсету саласында сыбайлас жемқорлық факторларын анықтау мақсатында сыбайлас жемқорлық тәуекелдеріне ішкі талдау жүргізілуде.