БІРЛЕСКЕН БҰЙРЫҚ Апостиль қоюдың бірыңғай қағидаларын бекіту туралы

Қазақстан Республикасының Қорғаныс министрлігі Нұр-Сұлтан қ. Достық 14 2021 жылғы 8 желтоқсандағы № 851	ҚР Білім және ғылым министрлігі   2021 жылғы 29 қарашадағы № 574
ҚР Ішкі істер министрлігі Нұр-Сұлтан қаласы 2021 жылғы 15 қарашадағы № 702	Қазақстан Республикасы Қаржы министрлігі   2021 жылғы 16 қарашадағы № 1182
Қазақстан Республикасы Мәдениет және спорт министрлігі Нұр-Сұлтан қаласы, Мәңгілік ел 8 үй, "Министрліктер үйі" ғимараты, 15 кіреберіс 2021 жылғы 24 қарашадағы № 363	ҚР Жоғарғы соты   2021 жылғы 16 қарашадағы № 30
ҚР Бас прокуратурасы   2021 жылғы 24 қарашадағы № 155	ҚР Әділет министрлігі Нұр-Сұлтан қаласы 2021 жылғы 4 қарашадағы № 950

 

 

                                             БІРЛЕСКЕН БҰЙРЫҚ 

 

Апостиль қоюдың бірыңғай

қағидаларын бекіту туралы

 

«Шетелдiк ресми құжаттарды заңдастыру  талап етудің күшін жоятын конвенция (Гаага, 1961 жылғы 5 қазан) ережелерiн iске асыру жөнiндегi шаралар туралы» Қазақстан Республикасы Үкiметiнiң 2001 жылғы                                                                            24 сәуiрдегi  № 545 қаулысының 3-тармағын орындау үшін БҰЙЫРАМЫЗ:

1. Апостиль қоюдың бірыңғай қағидалары осы бірлескен бұйрыққа қосымшаға сәйкес бекітілсін.
2. «Қазақстан Республикасының мемлекеттік органдарынан, сондай-ақ нотариустарынан шығатын ресми құжаттарға апостиль қоюдың тәртібі мен шарттары туралы бірыңғай қағидаларды бекіту туралы» Қазақстан Республикасы Әділет министрінің 2001 жылғы 4 маусымдағы № 67 бұйрығының (Нормативтік құқықтық актілерді мемлекеттік тіркеу тізілімінде №1536 болып тіркелген) күші жойылды деп танылсын.
3. Қазақстан Республикасы Әділет министрлігінің Тіркеу қызметі және заң қызметтерін ұйымдастыру департаменті Қазақстан Республикасының заңнамасында белгіленген тәртіппен:

1)     осы бірлескен бұйрықты мемлекеттік тіркеуді; 

2) осы бірлескен бұйрықты Қазақстан Республикасы Әділет министрлігінің, Қазақстан Республикасы Бас Прокуратурасының, Қазақстан Республикасы Білім және ғылым министрлігінің, Қазақстан Республикасы Жоғарғы Сотының жанындағы Соттардың қызметін қамтамасыз ету департаментінің (Қазақстан Республикасы Жоғарғы Сотының аппараты), Қазақстан Республикасы Қаржы министрлігінің, Қазақстан Республикасы Қорғаныс министрлігінің, Қазақстан Республикасы Мәдениет және спорт министрлігінің, Қазақстан Республикасы Ішкі істер министрлігінің ресми интернет-ресурсында орналастыруды қамтамасыз етсін.

4. Осы бірлескен бұйрықтың орындалуын бақылау жетекшілік ететін Қазақстан Республикасының әділет, білім және ғылым, қаржы, қорғаныс, мәдениет және спорт, ішкі істер вице-министрлеріне, Қазақстан Республикасы Бас Прокурорының орынбасарына және Қазақстан Республикасы Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғарғы Сотының аппараты)  басшысының орынбасарына жүктелсін.
5. Осы бірлескен бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

 

 

Қазақстан Республикасы Қорғаныс министрі __________М. Бектанов	Қазақстан Республикасының Білім және ғылым министрі __________А. Аймагамбетов
Қазақстан Республикасы Ішкі істер Министрі __________Е. Тургумбаев	Қазақстан Республикасының Қаржы министрі __________Е. Жамаубаев
Қазақстан Республикасы Мәдениет және спорт министрі __________А. Раимкулова	Қазақстан Республикасы Жоғарғы Сотының жанындағы Соттардың қызметін қамтамасыз ету департаментінің (Қазақстан Республикасы Жоғарғы Соты аппаратының) басшысы __________Н. АХМЕТЗАКИРОВ
Қазақстан Республикасы Бас Прокурорының м.а __________Б. Асылов	Қазақстан Республикасы Әділет Министрінің м.а. __________Н. Пан

Дата публикации

23 декабря 2021