Наурыз мейрамы құтты болсын!

Міне, ортамызға әз-Наурыз мейрамы да келіп жетті!

Көне парсы тілінен қазақша аударғанда Наурыз - жаңа күн деген мағына береді. Қазақ халқы үшін Наурыз – жылдың басы, күн мен түннің теңеліп, қазақ даласында қардың көбесі сөгіліп, тіршілік атаулыға жан бітіп, тірі жанның жасарып, жаңаратын, табиғат-әлемнің көгеріп, көктейтін шағы. Тарихи тамыры тереңге бойлаған бұл мейрам халқымызда қай кезде де бірліктің, ырыс пен ынтымақтың мерекесі болып келген. Қазіргі қоғамда да мейрамныің мән-маңызы сақталып, барша ұлт пен ұлысты біріктіретін күнге айналған.