Сыбайлас жемқорлық — жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген адамдардың, сондай-ақ лауазымды адамдардың өз қызметтік өкілеттіктері мен оларға байланысты мүмкіндіктерін жеке басының немесе делдалдар арқылы өзге де мүліктік және (немесе) мүліктік емес игіліктер мен артықшылықтар алуға пайдалануы.
Сыбайлас жемқорлық құқық бұзушылық — Қазақстан Республикасының Заңында көзделген, заңнамаға сәйкес тәртіптік, әкімшілік немесе қылмыстық жауаптылыққа әкеп соғатын іс-әрекет.
Сыбайлас жемқорлыққа қарсы іс-қимыл шараларының жүйесіне мыналар кіреді:
1. сыбайлас жемқорлыққа қарсы мониторинг;
2. сыбайлас жемқорлық тәуекелдерін талдау;
3. сыбайлас жемқорлыққа қарсы мәдениетті қалыптастыру;
3-1) Қазақстан Республикасының заңнамасына сәйкес нормативтік құқықтық актілер жобаларына ғылыми сыбайлас жемқорлыққа қарсы сараптама жүргізу;
4. Қазақстан Республикасының заңнамасына сәйкес құқықтық сараптама жүргізу кезінде сыбайлас жемқорлыққа ықпал ететін нормаларды анықтау;
5. сыбайлас жемқорлыққа қарсы стандарттарды қалыптастыру және сақтау;
6. қаржылық бақылау;
7. сыбайлас жемқорлыққа қарсы шектеулер;
8. мүдделер қақтығысының алдын алу және оны реттеу;
9. кәсіпкерлік саласында сыбайлас жемқорлыққа қарсы іс-қимыл шаралары;
10. сыбайлас жемқорлық құқық бұзушылықтарды анықтау, жолын кесу, ашу және тергеп-тексеру;
11. сыбайлас жемқорлық құқық бұзушылықтар туралы хабарлау;
12. сыбайлас жемқорлық құқық бұзушылықтардың салдарын жою;
13. Сыбайлас жемқорлыққа қарсы іс-қимыл жөніндегі Ұлттық баяндаманы қалыптастыру және жариялау.