Мемлекеттік органдар қызметінің тиімділігін түбегейлі арттыру - мемлекет пен қоғам арасындағы байланыстың кепілі
Мемлекеттік қызмет көрсету - еліміздің әлеуметтік-экономикалық дамуының негізгі көрсеткіші екендігі мәлім.
Қазіргі таңда, мемлекетпен халықтың арасындағы байланысты нығайту және мемлекеттік органдар қызметінің тиімділігін арттыру басты назарда.
Мұндағы, мемлекеттік органдардың басты мақсаты азаматтардың өмір сүруіне тиісті жағдай жасау, сол арқылы мемлекеттік қызмет сапасын арттыру, электронды үкіметті дамыту, халыққа қызмет көрсету орталықтарының қызметін жақсарту, халқымыздың әл-ауқатының артуына, сыбайлас жемқорлық көріністері мен бюрократтық тосқауылдардың азаюына негіз болып табылады.
Осы орайда, мемлекеттік органдармен көрсетілетін мемлекеттік қызметтердің электронды форматқа көшірілуі мемлекеттік қызметтерді халыққа қолайлы және қолжетімді етудің ең ыңғайлы жолы.
Осылайша, мемлекет пен қоғам арасындағы алшақтықтың қысқаруы мемлекеттік қызметшілердің халыққа сапалы қызмет көрсетуінің бірден-бір көрсеткіші, яғни ашық түрде кері байланыс орнату арқылы халықтың мәселелерін дер кезінде, сапалы түрде шешу мемлекет пен қоғам байланысының кепілі екендігі сөзсіз.
Маңғыстау облысы әділет департаменті нормативтік құқықтық актілерді тіркеу бөлімінің бас маманы Г.К.Суйеуова