Тауар белгілерін тіркеу

Тауар таңбалары, қызмет көрсету таңбалары және тауар шығарылған жерлердің атаулары туралы Қазақстан Республикасының 1999 жылғы 26 шілдедегі N 456 Заңының (бұдан әрі – Заң) 1 – бабының 8 – тармағына сәйкес Тауар таңбасы, қызмет көрсету таңбасы (бұдан әрі-тауар таңбасы) - осы Заңға сәйкес тіркелген немесе Қазақстан Республикасы қатысатын халықаралық шарттарға орай тіркеусіз қорғалатын, бір заңды немесе жеке тұлғалардың тауарларын (көрсетілетін қызметтерін) басқа заңды немесе жеке тұлғалардың біртектес тауарларынан (көрсетілетін қызметтерінен) ажырату үшін қызмет ететін белгі. Тауар белгілері ретінде белгілер тіркелу мүмкіндігі Заңның 5-бабына сәйкес Тауар таңбасы ретінде бейнелеу, сөздік, әріптік, сандық, көлемдік және өзге де белгілер немесе олардың комбинациясы тіркелуі мүмкін, бұл бір тұлғалардың тауарлары мен қызметтерін біртекті тауарлардан немесе басқа тұлғалардың қызметтерінен ажыратуға мүмкіндік береді. Тауар белгісін тіркеуді болдырмайтын негіздер және тауар белгісін тіркеуден бас тарту үшін негіздер Заңның 6, 7-баптарында көрсетілген.

Тауар белгісін тіркеу үшін өтінімді ресімдеу және оны Қазақстан Республикасы Әділет министрлігінің Ұлттық зияткерлік меншік институтына беру қажет. Тауар таңбасын тіркеуге арналған өтінімге қойылатын талаптар Заңның 9-бабында көрсетілген. Өтінімге сараптаманы "ҰЗМИ" РМК кезең-кезеңмен жүргізеді: алдын ала сараптама және толық сараптама (Сараптама мерзімі Заңның 11-бабында белгіленген). Заңның 12-бабының 1-тармағына сәйкес алдын ала сараптама нәтижелері бойынша өтінім берушіге өтінімді қабылдау туралы не өтінімді қарауға қабылдаудан бас тарту туралы дәлелді қорытынды түрінде хабарланады.

Заңның 12-бабының 3-тармағына сәйкес тауар таңбасын тіркеу немесе ішінара тіркеу туралы шешім тауар таңбаларының мемлекеттік тізіліміне енгізілгенге дейін неғұрлым ертерек басымдығы бар өтінімнің анықталуына байланысты қайта қаралуы мүмкін. Тауар таңбасын тіркеу фактісін тауар таңбаларының мемлекеттік тізілімінен үзінді растайды (Заңның 14-бабының 2-тармағы).

Тауар таңбасын тіркеу үшін қажетті құжаттар:

Тауар таңбасын тіркеуге арналған өтінімге қойылатын талаптар Заңның 9-бабында белгіленген.

1. Өтінім бір тауар белгісіне қатысты болуға тиіс.
2. Өтінім үлгілік бланкіде ұсынылуға тиіс және онда: 1) өтінім берушіні, сондай-ақ оның орналасқан жерін немесе тұрғылықты жерін көрсете отырып, белгіге сараптама жүргізу туралы өтініш; 2) мәлімделетін белгі; 3) тауарлар мен көрсетілетін қызметтердің халықаралық сыныптамасына сәйкес тауарлардың және (немесе) көрсетілетін қызметтердің тізбесі қамтылуға тиіс.
3. Өтінімге: 1) сараптама жасау ұйымының сараптама жүргізу жөніндегі қызметтеріне ақы төленгенін растайтын құжат (бір мезгілде алдын ала және толық сараптама үшін) қоса берілуге тиіс. Төлем мөлшері Қазақстан Республикасының заңнамасына сәйкес белгіленеді; 2) іс өкіл арқылы жүргізілген жағдайда, сенімхат; 3) ұжымдық тауар белгісін өз атына тіркеуге уәкілеттік берілген ұйымның атауын, осы белгіні тіркеу мақсатын, осы белгіні пайдалануға құқығы бар субъектілердің тізбесін, ұжымдық тауар белгісімен белгіленетін тауарлар мен көрсетілетін қызметтердің тізбесі мен Бірыңғай қасиеттерін немесе өзге де сипаттамаларын, оны пайдалану шарттарын, оның пайдаланылуын бақылау тәртібін, ұжымдық тауар белгісі жарғысының ережелерін бұзғаны үшін жауаптылықты қамтитын ұжымдық тауар белгісінің жарғысы (ұжымдық тауар белгісіне өтінім берілген жағдайда) қоса беріледі.

Тауар таңбасы бойынша қосымша ақпарат алу үшін немесе тауар таңбасын тіркеуге Ұлттық зияткерлік меншік институтының  https://www.kazpatent.kz/kk  сайтынын сілтемесі арқылы кіре аласыздар.