Құқықтық мониторинг – «Құқықтық актілер туралы» Қазақстан Республикасының Заңның 50 және 51-баптарына сәйкес жүзеге асырылатын, Қазақстан Республикасы заңнамасының тиімділігін бағалау және болжау, оны жетілдіру жөнінде ұсыныстар тұжырымдау мақсатында Қазақстан Республикасы заңнамасының жай-күйі және оны қолдану практикасы туралы ақпаратты үнемі бақылау, жинау, талдау жүйесі.
Құқықтық мониторинг қабылданған нормативтік құқықтық актілерде Қазақстан Республикасының заңнамасына қайшылықтарды, қайталануларды, олқылықтарды, тиімсіз іске асырылатын, ескірген және сыбайлас жемқорлықтық құқық нормаларын анықтау және қабылданған нормативтік құқықтық актілерді іске асыру тиімділігін болжау, талдау, бағалау арқылы оларды жетілдіру жөнінде ұсыныстарды тұжырымдау мақсатында жүргізіледі.
Мемлекеттік органдар өздерi қабылдаған және (немесе) әзiрлеушiлері болған не өздерінің құзыретіне жататын нормативтiк құқықтық актiлердiң мониторингiн жүзеге асырады және оларға өзгерiстер және (немесе) толықтырулар енгiзу немесе олардың күшi жойылды деп тану жөнiндегi шараларды уақтылы қабылдайды.
Қазақстан Республикасы Үкіметінің 2016 жылғы 29 тамыздағы № 486 қаулысымен бекітілген құқықтық мониторинг жүргiзу қағидасы талаптарына сәйкес нормативтік құқықтық актілерге қатысты жүргізілген мониторинг нәтижелері бойынша мемлекеттік органдардың ұсынылған ақпараттарына Қарағанды облысы Әділет департаментімен талдау жүргізіледі.
2021 жылдың 14 шілдедегі жағдай бойынша Қарағанды облысы аумағында 722 (2020 жылдың 1 жартыжылдығындағы мәлімет бойынша 781 НҚА) нормативтік құқықтық акт қолданыста екені белгілі болған.
Әділет Департаменті мемлекеттік органдармен бірлесіп анықталған кемшіліктерді жою жөніндегі ұсынымдарды пысықтау мақсатында мемлекеттік органдардың мониторингтің нәтижелерін және құқықтық мониторинг өткізу барысында көрсетілген бұзушылықтар фактілері жөнінде мәселелер мемлекеттік органдардың заң қызметтерінің Үйлестіру кеңесінің отырысында қаралып отырады.