Ұлы Жібек Жолы адамзат тарихындағы үлкен ерекшеліктердің бірі. Біздің дәуірімізден бұрынғы ІІ ғасырдан басталған бұл жол, Еуропа мен Азияның – Батыс пен Шығыстың арасын жалғастырған көпір болған. Ұлы Жібек Жолы Қытайдан бастау алып Орта Азияға және Еуропаға өткен. Қазақстан жерін кесіп өтетін тұсында VI ғасырдан бастап екі бағыт Сырдария және Тянь – Шань жолдары арқылы Жетісуға, содан Сырдарияны жағалап, Арал маңына одан Батыс елдерге өткен. Осы жол тек қана сауда емес дүниежүзі өркениеті тоғысып, адамзат қоғамының дамуына орасан зор үлес қосты.
Қазақстанға бұл жолмен экономикалық дақылдар, діндер, хош иісті заттар, дәрі- дәрмек, былғары, ыдыс – аяқ, жүннен жасалған тауарлар келе бастады. Шығыс пен Батыс арасындағы мәдени ауыс түйіс мәдениетке көп үлес қосты.Жібек Жолы арқылы толассыз сауда – саттықжүргізілді. Қазіргі кезде Ұлы Жібек Жолын тарихын зерттеу, оны жаңғырту, осы жол бойындағы елдердің саяси, экономикалық, мәдени байланыстарын ұлғайту қайта қолға алынып отыр.
1991 жылы Қазақстанда «Жібек жолы» атты Ұлттық комитет құрылды. Кәзіргі кезде де осы жолдың саяси рухани мәселелерді шешуде маңызы үлкен.
Қарағанды облысы
Әділет департаментінің
Тіркеу қызметі саласындағы
әдістемелік қамтамасыз ету және бақылау
бөлімінің бас маманы
Н. Мейрманова