Ең алдымен, «Атқарушылық iс жүргiзу және сот орындаушыларының мәртебесi туралы» ҚР Заңының (әрі қарай - Заң) талабына сәйкес, алименттерді өндіріп алу туралы атқарушылық құжаттар - істердің әлеуметтік маңызы бар санатына жататындығын айтып өту керек.
Заңның 31 бабына сәйкес, сот орындаушысы өзінің іс жүргізуіне қабылдаған атқарушылық құжат мәжбүрлеп орындату шараларын қолдану үшін негіз болып табылады.
Атқарушылық іс-жүргізу заңнамасына орай, алимент өндіріп алу туралы атқарушылық құжаттарды орындау - жеке сот орындаушыларының ерекше құзыретіне жатады.
Демек, алимент өндіру туралы атқару құжатын алу жағдайында, Заңның 162 бабына сәйкес, атқарушылық құжаттарды уәкілетті орган айқындайтын тәртіппен жеке сот орындаушылары арасында атқарушылық іс жүргізудің мемлекеттік автоматтандырылған ақпараттық жүйесі арқылы бөлуді жүргізетін аумағы бойынша тиісті жеке сот орындаушыларының өңірлік палатасына табыстау қажет.
Атап айтсақ, Қарағанды облысының жеке сот орындаушыларының өңірлік палатасы: Қарағанды қаласы, Алиханов көшесі, 37/4, телефон номері: 87075781862 мекен-жайы бойынша орналасқан.
Қарағанды облысы Әділет департаментінің
атқару құжатын ұйымдастыру бөлімі
ласти