Қазақ тілі-Қазақстан Республикасының мемлекеттік тілі!
1997 ж. 11 шілдедегі Қазақстан Республикасының тіл туралы заңының 4- бабында -Қазақстан Республикасының мемлекеттік тілі-қазақ тілі болып белгіленген. Мемлекеттік тіл –елдің тұтастығы мен бірлігі, ұлттық болмыс пен рухани құндылықтың тірегі. Мемлекеттік тілдің қоладнылу аясы-елдің дамуы мен болашағын айқындайтын маңызды көрсеткіш.
Тіл-ұлттың жаны, рухы, болмысы. Мемлекеттік тілдің қоғам өмірінде кеңінен қолданылуы-ұлттық бірегейлікті сақтаудыдың, рухани тәуелсіздікті нығайтудың кепілі.
Рухани кодымыздың негізгі тұғыры, ұлттың күллі қастерлі ұғымдарын, қасиеттерін бойына жиған өзегі тіл болып табылады. Көп тіл білу заман талабы. Ал мемлекеттік тіл-ел бірлігінің басты факторы.
Менің ана тілім-шексіз бай, тегеуріні мықты тіл. Мынау жарық дүниеге келгеннен бастап, анамның әлдиімен бойыма сіңіріп келе жаткан тілім мен үшін ең қастерлі, ең қымбатты тіл. Мен үшін қазақ тілі-менің мәртебем! Қазақ қазақпен қазақша сөйлессе, басқа ұлт қайда барады. «Ел боламын десең, бесігіңді түзе» демей ме халық. Ең жақсы адам-ана тілін құрметтеген адам.
Қазақстан халқын топтастырудың аса маңызды факторы болып табылатын мемлекеттік тілді меңгеру-Қазақстан Республикасының әрбір азаматының парызы.
Қазақ боламыз десек-Қазақ Тілін отбасымыздан бастауымыз керек.
Мақаланы жазған:
Қарағанды қаласының мәжбүрлеп орындату аумақтық бөлімінің мемлекеттік сот орындаушысы
Қ.Б. Батталғазина