Тіл – ұлттың жүрегі. Ол соғып тұрса, халық тірі, ел аман. Мемлекеттік тіл – мемлекеттің мәңгілік болмысының алтын арқауы, рухани тұғыры. Ол – ұрпақты ұлы мұраттарға ұмтылдыратын, елді ел ететін, жұртты жұдырықтай жұмылдыратын құдіретті күш. Қазақ тілі – сан ғасырлық тарихы бар, ұлы даланың үні мен тынысы сіңген киелі тіл. Бұл тілде бабаларымыз ел қорғады, жер ұсынды, ерлік жырларын жазды, даналық сөздерін қалдырды. Қазақ тілі – тек қарым-қатынас құралы ғана емес, ол – ұлттың жаны, намысы, тарихы мен тағдыры. Мемлекеттік тіл – тәуелсіздіктің айқын нышаны. Ол – елдіктің ерен белгісі.
Мемлекеттік тілді құрметтеу – Отанды сүюдің бір парасы. Себебі тіл – ұлттық қауіпсіздіктің, рухани егемендіктің тірегі. Тіл бар жерде ұлт бар, тіл өлсе – тұтас бір халықтың болмысы көмескі тартады. Сондықтан да мемлекеттік тілді сақтау мен дамыту – әр азаматтың перзенттік парызы. Бірлігі бекем елдің тілінде де тұтастық бар. Тіл ортақ болса, жүрек те ортақ, арман да, мақсат та бір болады. Мемлекеттік тілдің мәртебесін көтеру – ұлттың мерейін үстем ету. Қазақ тілі ел ішіндегі түрлі этностарды біріктіретін ортақ ұғымға айналуы тиіс. Бұл — татулық пен тұрақтылықтың берік негізі. Қазіргі таңда қазақ тілі жаңа белестерге қадам басып келеді. Білім мен ғылым тіліне, технология мен инновация тіліне айналуы – уақыт талабы. Мемлекеттік тілді құр сөзбен емес, іс жүзінде қолдауымыз керек: балаларымызды қазақ мектебіне беру, күнделікті тұрмыста қазақ тілін қолдану, мәдени кеңістікті қазақша қалыптастыру — нағыз патриоттық ұстаным.
Ұлы Абайдың: «Сөзі жоғалған жұрттың өзі де жоғалады» деген асыл тәмсілі бар. Бізге сөзімізді жоғалтпау үшін, өзімізді жоғалтпау үшін, мемлекеттік тілді шын мәнінде мемлекет тілінде сөйлеу тіліне айналдыру қажет. Ол — болашақтың тілі, ұрпақтың үміті. Қазақ тілі – тек қазақтың ғана емес, Қазақстанды мекендеген әрбір азаматтың ортақ мұрасы. Оны үйрену – міндет, құрметтеу – парыз, қолдану – борыш. Сонда ғана біз біртұтас ұлт бола аламыз.
Мемлекеттік тіл – ел бірлігінің алтын қазығы. Оны ардақтау – елдікті ардақтау.
Қарағанды қаласының мәжбүрлеп
орындату жөніндегі аумақтық бөлімі