Е-апостиль мемлекеттік қызметін көрсету

Е-апостиль мемлекеттік қызметін көрсету

 «Әділет органдарынан және өзге де мемлекеттік органдардан, сондай-ақ нотариустардан шығатын ресми құжаттарға апостиль қою» электрондық мемлекеттік қызметі Қазақстан Республикасының мемлекеттік органдарымен және нотариустарымен берілген ресми құжаттарға апостиль қою процесін толық автоматизациялауға арналған. Аталған қызмет шегінде өтініштерді қабылдау, өңдеу және апостиль қоюды қалыптастыру электронды түрде жүзеге асырылады.

Біздің азаматтар үйден шықпай-ақ әлемнің кез-келген жерінен осы қызметті онлайн режимде ала алады. Ол үшін электрондық-цифрлық қолтаңба, апостиль қоюға жататын сканерленген құжат және интернетке кіру қажет. Электрондықт үкіметтің сайтында мемлекеттік бажды төлеп, өтінім беріп, электрондық апостиль орналастырылатын веб-сайтқа арнайы сілтеме алуға болады.

Электрондық апостиль қоюдың оң жақтары:

• азаматтардың ХҚКО –на жүгінулері мен қағаз құжат айналымының қысқаруы;
• азаматтардың бұл қызмет түрін алуға әлемнің кез-келген жерінен жүгіну мүмкіндігі;
• алаяқтықтан жоғары сақтануы (сақтанудың 2 дәрежесі қарастырылған – QR код және қауіпсіздік коды);
• құжаттарды жоғалудан барынша сақтап қалу.

Аталған бұл мемлекеттік қызмет көрсетудің уақыты 2 жұмыс күнінен 1 жұмыс күніне қысқартылды.

Коммерциялық емес ұйымдарды тіркеу

және тіркеу қызметі саласындағы

бақылау бөлімі