Алимент өндіріп алу бойынша бірлескен жұмыс

19 наурыз 2025 жылы Қазақстан Республикасы Әділет министрлігі Мәжбүрлеп орындату комитетінің төрағасы Мақсат Қантбекұлы Балабеков «НҰРЛЫ АНАЛАР» қоғамдық қорының өкілдері Сайдалина Арай Мұратқызы, Жапарова Айсұлу Өтегенқызымен кездесті, олар толық емес отбасыларды, алимент алушылар болып табылатын және өмірлік қиын жағдайға тап болған көп балалы аналарды қорғауда.

Әлеуметтік саладағы ең маңызды және өткір мәселелердің бірі – көптеген отбасыларға, балаларға және ата-аналарға қатысты алимент өндіру мәселесі. Тұрақты материалдық қолдау әр баланың әл-ауқатының маңызды бөлігі болып табылады.

Қабылдау барысында алимент өндіріп алу бойынша сұрақтар, проблемалары және оларды шешу жолдары талқыланды. Талқылауға Қазақстан Республикасы Бас прокуратурасының өкілі де қатысты.

Бұл кездесу алимент міндеттемелері бойынша берешекті өндіріп алу тиімділігін арттыруға бағытталған мәселелерді талқылау және шешімдерді әзірлеу бойынша күш-жігерді біріктіру үшін тамаша мүмкіндік болды.

Төраға қолданыстағы заңнаманың нормаларын егжей-тегжейлі түсіндірді, бірқатар мәселелер бойынша нақты түсініктемелер берді, сондай-ақ бірлескен жұмыстағы маңыздылығын атап өтті. Ол атқарушылық іс жүргізуге қатысты мәселелерді талқылау оның орындалу тиімділігін арттыруға мүмкіндік беретінін атап өтті.

Белсенді өзара әрекеттесу арқылы ғана қиындықтарды жеңуге және баланың мүдделерін қорғауға болады.