«Қазақстан Республикасы Әділет министрлігініңБатыс Қазақстан облысыӘділет департаменті» республикалық мемлекеттік мекемесінің Қаржылық және материалдық-техникалық қамтамасыз ету бөлімі туралы ереже

20__ жылғы «__» ________ №_____

Батыс Қазақстан облысы

Әділет департаменті басшысының

бұйрығымен бекітілген

 

 

«Қазақстан Республикасы Әділет министрлігініңБатыс Қазақстан облысыӘділет департаменті» республикалық мемлекеттік мекемесінің Қаржылық және материалдық-техникалық қамтамасыз ету бөлімі туралы ереже

 

1. Жалпыережелер

 

1. «Қаржылық және матераилдық-техникалық қамтамасыз ету бөлімі» (бұдан әрі – Бөлім) «Қазақстан Республикасы Әділет министрлігінің Батыс Қазақстан облысы Әділет департаменті» республикалық мемлекеттік мекемесінің (бұдан әрі – Департамент) құрылымдық бөлiмшесi болып табылады.
2. Бөлім өз қызметiн Қазақстан Республикасының Конституциясы мен заңдарына, Қазақстан Республикасының Президентi мен Үкiметiнiң актiлерiне, өзге де нормативтiк құқықтық актiлерге, сондай-ақ осы Ережеге сәйкес жүзеге асырады.
3. Бөлімқұрылымы, штат саны қолданыстағы заңнамаға сәйкес бекітіледі.

 

2. Бөлімнің негiзгi мiндеттерi, функциялары, құқықтары мен міндеттері

     

4. Бөлімнің мiндеттерi:

1) өткізілген операция құжаттарын рәсімдеуде уақтылы есебін  жүргізуді және бақылауды жүзеге асыру;

2) енгізілген  өзгерістерді  қоса есептегенде бюджет бойынша бекітілген шығыс сметасына сәйкес, қаражатты дұрыс, орынды, мақсатты және үнемдіжұмсауды бақылау;

3) айналым қаражатындағы  кейбір құралдарды,  материалдарды есептен шығаруды, негізгі құралдарды уақтылы кіріске алу үшін толық есебін жүргізуді және бақылауды қамтамасыз ету.

5. Бөлімнің функциялары:

1) бухгалтерлік есеп және есеп беруді жүргізу;

2) бухгалтерлік құжаттарды дұрыс және уақтылы рәсімдеу;

3) заманауи техникалық құралдарды және ақпараттық жүйені енгізу;

4) бюджеттік қаражаттарды уақытылы, мақсатты және дұрыс игеру;

5) Қазақстан Республикасының заңнамасына сәйкес мемлекеттік сатып-алуды жүргізу;

6) қызметкерге және техникалық қызмет көрсететін жұмысшыларға  жалақыларын және жәрдемақыларын уақтылы есептеу және төлеу;

7) бухгалтерлік және статистикалық есепті белгіленген мерзімге ұсыну;

8) белгіленген мерзімде материалдық құндылықтарға түгендеу жүргізу;

9) терроризм актісінің салдарынан зардап шеккен жеке және заңды тұлғаларға және оның жолын кесуге қатысқан адамдарға өз құзыретіне қатысты мәселелер бойынша, оның ішінде қажетті құжаттарды беруде тегін қажетті құқықтық көмекті ұйымдастыру;

10)жеке және заңды тұлғалардыңөтініштерін өз құзыреті шегінде Қазақстан Республикасының заңнамасында белгіленген тәртіппен және мерзімдерде қарау.

6. Бөлімінің құқықтары мен мiндеттерi:

Бөлім өзіне жүктелген міндеттерді іске асыру және өзінің функцияларын жүзеге асыру кезінде заңнамада белгіленген тәртіппен:

1) заңнамада белгіленген тәртіппен мемлекеттік органдардан, ұйымдардан, олардыңлауазымды адамдарынан қажетті ақпарат пен материалдарды сұратуға және алуға;

2) Бөлімнің құзыретіне кіретін мәселелер бойынша семинарлар мен жиналыстар өткізу;

3) Бөлімнің құзыретіне кіретін мәселелер бойынша Департаменттің құқықтары мен мүдделерін қорғау мақсатында соттарда өкілдік ету;

4) Департаменттің қызметі бойынша аса қажетті және өзекті мәселелері бойынша сұрақтарды Департаменттің отырысында қарауға енгізу;

5) аудандық әділет басқармаларында кешенді тексерулерге қатысу, әдістемелік және тәжірбиелік көмек көрсету;

6) Бөлімге жүктелген міндеттерге сәйкес, жүргізілетін шараларға қатысуға және оларды әзірлеу үшін мемлекеттік органдар басшыларының келісімімен қызметкерлерді қатыстыру;

7) қолданыстағы заңнамалық актілердекөзделген өзге де құқықтарды жүзеге асыруғақұқығы бар.

 

3. Бөлімнің қызметiн ұйымдастыру

 

7. Бөлім басшысы Бөлімнің қызметiне жалпы басшылықты жүзеге асырады және Бөлімге жүктелген мiндеттердiң орындалуы мен оның өз функцияларын жүзеге асыруы үшiн дербес жауапты болады.
8. Бөлімді Қазақстан Республикасы заңнамасына сәйкес қызметке тағайындалатын және қызметтен босатылатын Бөлім басшысы басқарады.
9. Бөлім Батыс Қазақстан облысы Әділет департаментінің басшысының басшылығымен өз қызметін атқарады.
10. Бөлім басшысы уақытша орнында болмаған кезде (еңбек демалысында болуы, іссапар, уақытша еңбекке жарамсыздығы және т.б. салдарынан) Бөлімнің жұмысына жалпы басшылық жасауды Департамент басшысының тиісті бұйрығы негізінде Бөлімнің бас мамандарының бірі жүзеге асырады.
11. Бөлімнің мамандарықолданыстағы заңнамаларға сәйкес Батыс Қазақстан облысы Әділет департамент басшысының бұйрығымен қызметке тағайындалады немесе лауазымынан босатылады.
12. Бөлім басшысының, мамандарының жауапкершіліктері, құқықтары мен міндеттері қолданыстағы заңнамаға сәйкес бекітілген лауазымдық нұсқаулықтармен реттеледі.

Дата публикации

15 мая 2023