Қазақстан Республикасының Тіл саясатын іске асырудың басты мақсаты – мемлекеттік тілді қоғам өмірінің барлық саласында кеңінен қолданысқа енгізу, оның мәртебесін арттыру және дамуын қамтамасыз ету болып табылады. Осы мақсатта Ақмола облысының Әділет департаментінде тіл саясатын сақтау және жүзеге асыру бағатында жүйелі жұмыстар атқарылып келеді.
Бірінші кезекте, құжат айналымы толықтай мемлекеттік тілде жүргізіледі. Барлық кіріс құжаттары, Қазақстан Республикасының «Тіл туралы» Заңына сәйкес ресімделеді.
Бұдан бөлек, мемлекеттік тілдің қолдану аясын кеңейту және қызметкерлердің тілдік құзыреттілігін арртыру мақсатында түрлі іс-шаралар өткізілуде. Ұжым мемлекеттік тілде семинарлар, дөңгелек үстелдер, экскурсиялар ұйымдастырады.
Мемлекеттік тілдің беделін арттыру, оны қоғамда және қызметтік ортада кеңінен қолдану – тек Заң талабы ғана емес, сонымен қатар азаматтық борыш болып табылады.
Ақмола облысы Әділет департаменті Қазақстан Республикасының тіл саясатын толыққанды сақтап, мемлекеттік тілді ілгерілету мен дамытуға өз үлесін қосып келеді. Бұл- елдің рухани тұтастығын нығайтуға, ұлттық бірегейлікті сақтауға және қоғамдық келісімді арттыруға бағытталған маңызды қадамдардың бірі.