Әдеп жөніндегі уәкіл – Ақмола облысы Әділет департаменті басшысының орынбасары М.Едрисов мемлекеттік қызметшілерді деструктивті діни ағымдардың қызметіне тартуға жол бермеу тақырыбында семинар өткізді.
Сөз сөйлеу барысында М.Едрисов Қазақстан Республикасы мемлекеттік қызметшілерінің Әдеп кодексінің нормаларын қатаң сақтау қажеттігін атап өтті, сондай-ақ қызметтік қызметте діни наным-сенімдерді таңуға тыйым салуға назар аударды. Терроризм мен экстремизмнің алдын алу мәселелеріне ерекше назар аударылды.
Семинарға Ақмола облысы Дін істері басқармасының "Конфессияаралық қатынастарды талдау және дамыту орталығы" КММ теологы С.Жақанов қатысып, деструктивті діни ағымдардың белгілерін, олардың ықпал ету әдістері мен қарсы іс-қимыл шараларын егжей-тегжейлі түсіндірді.
Іс-шара соңында қатысушыларға ақпараттық буклеттер таратылды.