Ақмола облысы Әділет департаменті (бұдан әрі - Департамент) сыбайлас жемқорлық көріністерін болдырмауға және мемлекеттік қызметшілердің қызметтік әдеп нормаларын сақтауына бағытталған профилактикалық іс-шараларды тұракты негізде жүргізеді.
Сыбайлас жемқорлықтың алдын алу және Қазақстан Республикасы мемлекеттік қызметшілерінің Әдеп кодексінің нормаларын сақтау жөніндегі Департаменттің жұмыс жоспарына, Әділет Министрлігі мен сыбайлас жемқорлыққа қарсы іс-қимыл Департаментінің 2024 жылға арналған іс-шаралар жоспарына (бұдан әрі - жоспар), сондай-ақ Ш.Уалиханов атындағы Көкшетау университетінің құқық кафедрасының филиалымен бірлескен жұмыс жоспарына сәйкес жүргізіледі.
Аталған жоспарларды орындау мақсатында Департамент қызметкерлері арасында сыбайлас жемқорлық құқық бұзушылықтардың алдын алу және болдырмау мақсатында сыбайлас жемқорлыққа қарсы заңнаманы түсіндіру бойынша семинарлар, дәрістер өткізілді.Есепті кезеңде 3 семинар өткізілді, аудандық бөлімшелердің қызметкерлері мемлекеттік мекемелердің қызметкерлеріне «Сыбайлас жемқорлыққа қарсы іс-қимыл - әрбір азаматтың міндеті» тақырыбында 2 дәріс өткізді.
Сондай-ақ Департамент және ведомстволық бағынысты ұйымдардың қызметкерлері орта арнаулы және жоғары оқу орындарының студенттері арасында, жалпы білім беретін орта мектептердің оқушылары арасында «Сыбайлас жемқордық – ауру, оған қарсы күрес – біздің борышымыз» тақырыбында ақпараттық – түсіндіру сипатындағы семинарлар өткізеді.
2 тоқсанда Департамент, аудандық бөлімшелер және жеке сот орындаушылар палатасы, келесі оқу орындарының студенттері арасында осындай 4 семинар өткізді: Ш.Уалиханов атындағы КГУ, Аршалы және Есіл аудандарының Агротехникалық колледжі, А.Мырзахметов атындағы КУ.
Департаменттің және ауданаралық бөлімшелерінің интернет-ресурстарында және баспасөз бұкаралық ақпарат құралдарында қызметкерлердің ҚР сыбайлас жемқорлыққа қарсы заңнамасының нормаларын және әдеп нормаларын түсіндіру жөніндегі мақалалары жарияланады.
Есепті кезеңде баспа БАҚ-та 6 мақала және интернет-ресурстарында сыбайлас жемқорлыққа қарсы заңнаманы түсіндіру бойынша 8 ақпараттық материал жарияланды.
Ағымдағы жылдың маусым айында 2024 жылдың 1 жартыжылдығында енгізілген соттардың жеке ұйғарымдары , әділет органдарының іс-әрекеттеріне прокурорлық ден қою және қадағалау актілері бойынша мониторинг жүргізілді.
Жеке тұлғаларды, заңды тұлғаларды жеке қабылдауды жүзеге асыру кезінде Департамент басшылығы аудио/бейне-тіркеуді қолданады.
2024 жылдың 6 айында барлығы 37 жеке және заңды тұлғаларды қабылдау жүзеге асырылды, оның ішінде Департамент басшысы - 13 азаматты, басшының орынбасарлары – 24 азаматты қабылдады.
2024 жылдың 1 жартыжылдығына арналған халықпен кездесу кестесіне сәйкес Департамент басшысының орынбасарлары және бөлім басшылары облыстың шалғай аудандарында халықпен кездесулер өткізді.
Есепті кезеңде барлығы 6 шығу жүзеге асырылды.
Есепті кезеңде Департамент басшысының орынбасары Г.М. Сагадиева Ақмола облысы Сандықтау ауданының тұрғындарымен кездесті.
Ақмола облысы Әділет департаментінің ауданаралық мәжбүрлеп орындату аумақтық бөлімдерінің, Әділет басқармасының қызметкерлері, сондай-ақ Ақмола облысы Әділет министрлігінің ведомтсволық бағынысты ұйымдарының өкілдері облыстың атқарушы органдарымен бірлесіп су тасқынынан зардап шеккен Ақмола облысының тұрғындарына тегін заңгерлік көмек көрсетті.
2024 жылғы 24 сәуірде Целиноград ауданының АӘБ басшысының м.а Магауова А.Е Ақмола облысы Астрахан ауданы Астраханка және Старый Колутон ауылдарының су тасқынынан зардап шеккен тұрғындармен кездесу өткізді.
2024 жылғы 24 сәуірде Есіл ауданының АӘБ басшысының м.а Загоруйко Р.А Ақмола облысының Есіл ауданы Двуреченское ауылының су тасқынынан зардап шеккен тұрғындармен кездесу өткізді.
2024 жылғы 25 сәуірде Бурабай ауданының АӘБ басшысы Кулбулдин Б.М Ақмола облысының Буланды ауданы Иванковка ауылының су тасқынынан зардап шеккен тұрғындармен кездесу өткізді.
Ағымдағы жылдың маусым айында Департамент бөлімдерінің басшылары А.Ж.Ержанов, Т.Е.Әубәкір Целиноград ауданы және Қосшы қ. тұрғындарымен кездесу өткізді.
Кездесу барысында Департамент қызметкерлері Әділет органдарының қызметі,бағыттары мен жетістіктері туралы, сондай-ақ Ақмола облысы Әділет департаментінің қызметіндегі есепті кезеңдегі негізгі көрсеткіштер туралы айтып берді.
Тегін заң көмегін көрсетуге, жылжымайтын мүлік пен заңды тұлғаларды тіркеуге, зейнетақы алу мәселелері бойынша және басқа да сұрақтарға жауаптар берілді.
Департаменттің сыбайлас жемқорлыққа қарсы іс-қимыл жоспарына сәйкес Департамент қызметі саласындағы сыбайлас жемқорлық тәуекелдеріне ішкі талдау жүргізілді.
Талдау қорытындысы бойынша әділет органдарының адвокаттық қызмет бойынша заң қызметтерін көрсетудегі, атқарушылық іс жүргізу, тіркеу функциялары саласындағы қызметін регламенттейттін заңнамалық актілерде соқтығысулар анықталды.
Департамент қызметінің бағыттары бойынша сыбайлас жемқорлық тәуекелдері анықталған жоқ.
Талдау қорытындылары Қазақстан Республикасының Әділет министрлігіне жіберіледі.
Есепті кезеңде департаменттің «сенім телефонына» есепті кезеңде облыстың әділет органдары қызметкерлерінің тарапынан құқыққа қайшы немесе сыбайлас жемқорлық әрекеттері туралы хабарламалар түскен жоқ.
Есепті кезеңде Департамент «Азаматтарға арналған үкімет» КЕ АҚ базасында ведомстволық бағынысты ұйымдар өкілдерінің қатысуымен консультациялық алаң, нотариустардың, жеке сот орындаушыларының, адвокаттар мен Заң консультанттарының қатысуымен «Әділет кеңес береді» акциясы өткізілді.
2024 жылға арналған «Сыбайлас жемқорлыққа карсы волонтерлік» - pro bono волонтерлік жобасы аясында Департамент қызметкерлері мен ведомстволық бағынысты ұйымдардың өкілдері сәуір айында сыбайлас жемқорлыққа қарсы орталықтың алаңында азаматтарды қабылдауды жүзеге асырды.
Департамент басшысының 20.05.2024 жылғы №152-н бұйрығына сәйкес Департаменттің әдеп жөніндегі уәкілінің функциялары басшысының орынбасары М.О.Едрисовқа жүктелді.
Әдеп жөніндегі уәкіл әдеп нормаларын бұзушылықтардың алдын алуға бағытталған іс-шараларды жүргізеді, Департамент қызметкерлері мен азаматтарға заңнаманы түсіндіру, бұзушылықтардың алдын алу мәселелері бойынша күнделікті консультация жүргізеді, Департамент қызметкерлері үшін Әдеп кодексінің нормаларын сақтау бойынша түсіндіру жұмыстарын жүргізеді.
Есепті кезеңде қызметтік әдеп нормаларын сақтау бойынша 5 іс-шара, сондай-ақ семинарлар,тренингтер,дәрістер өткізілді.
Ағымдағы жылдың мамыр айында Ш.Уалиханов атындағы КМУ студнттері үшін «Әділет органдарының ашық есік күні» өткізілді.
2024 жылғы 27 мамырда Департамент қызметкерлері ҚР ІІМ ҚАЖК №65 мекемесіне (тергеу изоляторы) барды.
Әдеп жөніндегі уәкіл сондай-ақ жаңа мамандарды бейімдеуге қатысады, лауазымдық міндеттерін, сондай-ақ жұмыстан тыс мінез-құлықты жүзеге асыру кезінде мемлекеттік қызметшілердің Әдеп кодексінің, «Қазақстан Республикасының мемлекеттік қызметі туралы» ҚР Заңының және сыбайлас жемқорлыққа қарсы заңнаманың нормаларын түсіндіреді, ұжымдағы корпоративтік мәдениет негіздерімен таныстырады.
Әділет Департаментінің кадр қызметі кандидаттардың мемлекеттік лауазымға тағайындау туралы акт шығарылғанға дейін активтері мен міндеттемелері туралы декларацияларды ұсынуын қамтамасыз етеді.
Ағымдағы жылдың мамыр айында Департамент қызметкерлері үшін Ш.Уалиханов атындағы КУ педагог-психологының қатысуымен «іс-әрекеттегі көшбасшылық: негізгі басқару құзыреттері» тақырыбында тренинг өткізілді.
2024 жылдың өткен кезеңінде Департамент қызметкерлері «Мемлекеттік қызметшілердің Әдеп кодексі» нормаларын, сондай-ақ «Сыбайлас жемқорлыққа қарсы іс-қимыл туралы» ҚР Заңының талаптарын бұзуға жол бермеді.