Аягөзде саябақтарды абаттандыру жұмыстары жүріп жатыр

Аягөз қаласында салауатты өмір салтын насихаттау мақсатында ойын алаңдары жөндеуден өтуде. Қазіргі уақытта үш ойын алаңында ағымдағы жөндеу жұмыстары жүргізілуде. Мердігер – «Көпжартас-Құрылыс» ЖШС.

Сонымен қатар, Аягөз қаласындағы «Қозы Көрпеш – Баян сұлу» саябағында баскетбол, волейбол және ойын алаңдарының құрылысы басталды. Бұл жұмыстарды мердігер «Гранд-Инд Құрылыс» ЖШС атқаруда.

Шаһардағы саябақтарда абаттандырылды. Соның ішінде 67 мың дана гүл отырғызылып, субұрқақтар іске қосылып, жасыл желектерді автоматты суару құрылғылары орнатылды.