Облыста мәдени мұраны сақтау бағдарламасын әзірлеу жоспарланып отыр

Нұрлан Ұранхаев облыс өлкетанушылармен кездесіп, олардың өңірдің тарихи мұрасын сақтау жөніндегі ұсыныстарын тыңдады.

Кездесу барысында өлкетанушылар мәдени мұраны сақтау бағдарламасын әзірлеуге қатысты ойларын ортаға салды. Яғни, ескерткіш мәртебесін беру үшін тарихи ғимараттардың тізімін жасау, археологиялық зерттеулер жүргізу, мұражай қорларын цифрландыру және т.б. ұсыныстар айтылды.

Айта кетсек, өңірдің мәдени мұрасын сақтау және оны дамыту мақсатында осындай кездесулер тұрақты түрде өткізілетін болады.