Абай облысындағы өрт бақылауда: төтенше жағдайлар министрі аумақты әуеден барлады

Аэровизуалды барлау жүргізілгеннен соң министр кеңес өткізді. Қорытындысы бойынша Қорғаныс министрлігінің бірнеше техникасы мен қызметкерінен, үш тікұшақтан басқа жеке құрамын тұрақты жұмыс орнына қайтару туралы шешім қабылданды.

Бүгін таңертеңнен бері тікұшақтар 89 рет көлемі 249 тонна су төкті. Өрт басталғалы бері барлығы 2 525 рет көлемі 7423 тонна су төгілді.